وصلت للشركة ومباشرة مشات لغرفة الإجتماعات، تلاقاتها موظفة الإستقبال بإبتسامة😊 ومدتلها الملف الخاص بشركة الدمج باه تطالع عليه ، مي هي غير شافت اسم صاحب الشركة لي رح يعقدو معاهم الصفقة حست بقبضة ف صدرها نفسها لي حستها الصباح مي ادي المرة اقوى من المرة لي فاتت؛.. باسكو حست بقلبها يتعصر .حست بدوخة خفيفة قعدت ع الكرسي لي كان بجنبها. ريحت شوية مبعد أصرت ف داخلها انو الصفحة ادي لازم تطويها من حياتها للأبد، مبعد قالت ف نفسها:"كفاه متولهتش لاسمو مالgري حكيت مع السكرتيرة تاعو من قبل وضربت الأرض برجلها بغضب😡😠، اوك شذى معادش يهم اي حاجة من ادو دوك كنتي تتمناي تتلقايه باه تتأكدي من مشاعرك انو نسيتيه ودوك اي جاتك الفرصة استغليها طيحي خشينة😑 ومترحميهش ادا وش يستاهل🙄😏.
كوراجات روحها ومشات بثقة لغرفة الإجتماعات، وصلت للغرفة وهي متأكدة انو رح تلقاه ورا الباب بعدما تفتحو وتتقابل عينيهم، هي غير دخلت لقاتو مقابلها شافت معاه نظرة جامدة 😐 خالية من المشاعر والأحاسيس .
سلمت عليهم كل وهوما ردولها السلام ومشات قعدت بحذا المدير.... بداو يتفاهمو كفاه رح تمشي الخدمة وتتوزع المهام . كانت مهبطة راسها ومركزة ف تسجيل الملاحظات والحوايج لي يحتاجوها ف العقد باه تصمم خطة عمل مليحة يخدمو عليها .خلص الاجتماع ع خير🤗 وهي مزالها مش حابة تشوف معاه ولا بجيهتو على عكسو هو لي كان طول الاجتماع يشوف معاها بنظرات صامتة🙄.
مقدرتش تفهم معنى النظرات تاعو، دخل عامل الكافتيريا وهو هاز مشروبات🍹🍹🍹 ووزعها عليهم كل.... مشات شذى للمكتب تعها وبدات تكتب ف الملاحظات وتحاول تلصقهم ف ملصقات صغيرة باه تسهللها الخدمة . مي شوية وتسمع ف دقديق خفيف ع الباب كأنو طفل صغير هو لي يدقدق مشات للباب وفتحاتو وكانت الصدمة😨😨😨😱
يا درا شكون لي طلع قدام شذى؟! ووش رح يصرا من بعد؟ حسب توقعاتكم
متنساوش تتفاعلو باه تشجعوني نزيد نكتب وكشما نبدع شوية 🤗😊😚
أنت تقرأ
💔لم يعد قلبي يخفق لك💥
Fiksi Penggemarقصة حب جمعتهما لخمسة أعوام كانت له فيها نعم الصديقة والحبيبة رافقت دربه الطويلة بكل مشقاته ومغرياته وكان لها كذلك واكثر، حلمابحياة وردية وخططا للمستقبل معا، لكن هل الأقدار ستهبنا الإحترام دائما؟... ادا وش رح نعرفوه ف القصة ادي نتمنى تنال إعجاب...