ادامك الله نعمه اخشى فقدانها. .......❤️
قعده تقوى تشوف فيهم وهما يركبو في وسام وخدت نفس ودارت تبي ترجع للحوش بس حست ب غصه مشت رجعت وجرت ل سياره تبي تمشي معاهم
تقوى : شنو في عمتي خيره وسام
امها : مش عارفه طاح علينا
تقوى : خودوني معاك نبي نكون معه
امها شافت لي بوه بمعني عادي
بوه : يالله اركبو بسرعه
ركبو بسرعه لين وصلو المستشفى
عند احمد
كان كيف داخل بيطمن ع العمه سالمه لين وقفوو
...........: عفوا يا شاب
احمد : اه تفضل شنو في
.........: انت احمد ........
احمد : اي ان شاء الله خير يا خوي (وفي خاطره شرطة )
........: والله المستشفى مقدمين فيك بلاغ ل عدم دفعك ل مستحقاتهم يا اخ ونحن اسفين بس مضطرين ناخدوك معانا ويل ريت تتجاوب معانا
احمد حب ان يكون هادي وتنهد : يا خوي بس انا الله يعلم ب حالتي والله مزرور ويام عندهم جوا وما عندها غيري خليني ناخدها بالله عليك ونوعدك اني ندفعلهم
........: يا خوي والله ما نقدر مقدم فيك طلب ولازم تجي معاي
هما كيف ب بيمسكو
احمد : حاظر يا خوي بس تعال معاي نوصل يام بس ناخدها والله ما عندها غيري يخليليك اميمتك
الشرطي حن قلبه عليه او وافق ومشي معه لي غرفه إلحاحه سالمه
دخل
احمد : اوووو يام
(وهني كانت الصدمة كانت ساره قاعده معاها ويحكو)
احمد شاف ل شرطي وساره نفس اللشي
العمه سالمه : اهلا والله عاش من شاف زويلك يا ليد وينك
لا تقول نشوف ولا نطمن ع....
هي قعده ما كملتش واحمد جي وحضنها ع طول
احمد: سامحيني يام والله كنت غارق ب تفكير
العمه سالمه : منو يا احمد راجل هاذا صاحبك
الشرطي قرب منها وباس يدها : اللف لا باس عليك يام اي انا رفيق احمد (وحط يده ع كتفه )
العمه سالمه : ربي يحفظك ويخليك بي اميمتك يا وليدي
الشرطي : ان شاء الله ها شنو احمد
ساره كانت حاسه ب شي غريب
احمد اشر لي ساره ب معنى اطلعي ومشي وراها
ساره : ها شنو في شنو الشرطي ل معاك
احمد تنهد :........
ساره : احمد احكي شنو في من هاذا
احمد رقى راسه : اللي سمعتي صاحبي
ساره : هاهه مش عليه احمد
احمد : المهم توا
قاطعت عليه ساره و دمعه في عيونها
سكتها وحط يده ع فمها
احمد: اوووووش اسمعيني يا ساره توا نبيك توقفي معاي تمام
ساره : اي اكيد
احمد : تاخدي يام وترفعيها لي مكان توا نعطيك العنوان
ساره قربت من احمد : احمد انت شنو تقول يام نا واخدتها لي حوشنا وح تقعد معاي ومع عمتي وانجي ومش ح تطلع منها الا عندك
احمد : بس اسمع
ساره : لا بس ولا شي
احمد : تمام بس ما تحسيهااش ب غيابي لين.ربي يفرجها
ساره : شنو يبو منك
احمد تنهد : خير خير والتفت يبي يرجع الغرفه
أنت تقرأ
بنات الجامعة💓✨{مكتملة}
Teen Fictionوان تكون على يقين بأن الحياة مجرد مسرح كلنا ممثلوه ونأخذ اجرنا بعد تصفيق الجمهور💔👏🏻
