بسم الله الرحمن الرحيم
4/3/2019
......................................
رفل
مديت رجلي ووكفت على المنصة لزمت المايكروفون وكلي لهفة وشوق لأجل هاي اللحظة الي انتظرتها من سنين لزمت المايكروفون وكلت.........
رفل: مرحبا لكل امراة موجودة هنانه اني رفل راح احجيلكم قصتي.....
قبل عدة سنوات ...........🍁
جنت كاعدة بغرفتي ونايمه بالارض واني حاظنه دبدوبي الاحمر عمري ميتجاوز 12 سنين محسيت بنفسي اله واني كايمة على صوتها ...
زينب : لج كومي ام الوصخ لاعبالج اخليج نايمة للظهاري كوومي كلبه ( وجرت شعرها )
رفل : اخ اخ خالة شعري والله اسفة ساعة 6 الصبح مدريت لازم اكوم ب 5 اااخ
زينب : سدي حلكج بت النعل لايسمع ابوج والله اكطعج يلا كومي سوي ريوك
رفل : حاظر ( شفتها داست على دبدوبي
يلي هدتنياه ماما برجلها نزلت دمعتي مسحتها ورحت للمطبخ لزمت البيضه واني مااعرف شنو اطبخ لان من جديد من اتعلمت )
صفنت واتذكرت يلي صار قبل سنة من جان عمري 11 سنين جنت صف خامس ابتدائي ووراها بعد مداومت لان بابا بطلني من المدرسة
#العودة الى الماضي ....قبل سنة
جنت كاعدة العب ومااسمع اله صوت ماما وهي تصيحني بصوت مخنوك
ام رفل : رفلل ماما تعاي جيبيلي ماي
رفل : *بركض* ها ماما هم ضربج هالحقير
ام رفل : سكتي ماما لايسمعج والله اله يكطعنه
ابو رفل : هاي شنووو
رفل
بس سمعت صوته ركضت وره ماما كمية الخوف الي جنت عايشتها كل يوم متتوقع اجه عليه راد يضربني ماما لزمت ايده ولأول مرة تلزم ايده وتوكفه عن يلي يريد يسوي ماما جانت فقيرة كلش وبابا جان مسيطر عليها بعدين اسولفلكم شصار وليش بابا يضربني يوميه وعلى اقل غلطة ....
ابو رفل : لج شلون تلزميني بت الكلب
ام رفل : كافي ظلم صار سنين ظلم كاافي رحمه لأهلك كافي تكتل بينه شنو احنه عبيد عندك
ابو رفل : لج شلون تحجين هيج ويايه
رفل
شفت صياح بابا رحت بلزاوية مال مطبخ وكعدت بالارض وسديت اذني بيدي وغمضت عيوني بقوة فتحت عيوني وشفت بابا ديجر بماما وسحلها من شعرها بالبيت كله وماما دتنزف من راسها وحلكها ووجها كله اسود واثار ضرب مكدرت اتقرب اله من شال ماما وراد يركع راسها بالحايط .. لزمت ايده
رفل : بابا فدوة ابوس ايدك واصير خدامة يم رجليك عوف ماما الله يخليك الله يخليك 😭😭😭
