أتمنى لو كانت أشيائي الموجعه ورقةُ أمزقها وتنتهي ..💔
💟💢💟💢💟💢💟💢💟
رفل
رجعت لذاكرتي وية كل ضربة بابا يضربنياها مستحيل اعوف علي واتزوج شخص غيره ورما راح بابا وريح كلبه وتعب هو من كثر ضربي كعدت من الفراش واني شعري نصه متكطع ووجهي مجروح وكل جسمي بي اثر ضرب رحت للمجر فتحته وطلعت الموس قربته من ايدي وكلت ربي سامحني بعد مااكدر اعيش على كل هالعذاب وفجاءة استغفرت الله وكلت اني شكاعد اسوي اريد احرك آخرتي على شنو كمت ذبيت الموس بسلة الزبالة ورحت سبحت وغسلت وجهي وكعدت ابجي ابجي لمدة ساعتين تقريباً حاولت اكوم بالكوة كدرت بدلت ورحت فرشت السجادة وصليت وكمت ابجي بالسجود
وكلت
رفل : ربي ليش هيج ربي اني شسويت بحياتي يعني ساعات افرح لازم تطلع من خشمي ليش ربي اااخ يالله اشكرك مخليتني اغلط وانتحر اني مخلبة شلون افكر اسوي هالشكل..... وراها كعدت شكرت ربي وحمدته كلش هواي وراها كمت رحت نمت لان جنت ميته تعب.....
#ثاني يوم 💟🎈
رفل
كعدت الصبح على صوت عالي واصوات ناس كمت من الفراش بدلت بسرعة وغسلت وجهي شلت شعري وحاولت اكون قوية قدر المستطاع كلت مستحيل اقبل اتزوج بهالانسان اني لعلي ومستحيل اكون لغيرهة نزلت جوة وشفت مصطفى كاعد يصيح هو وبابا واكو رجال كبير بالعمر ويمه مرية هم كبيرة بالعمر شفت تعالت اصوات بابا ومصطفى وجانوا يحجون واني واكفة على الدرج
مصطفى : والله على جثتي يلا تزوج رفل لواحد اكبر منها ب ١٥ سنة
ابو رفل : اكل تبن ولاتخليني اغير جهرتك كدام العالم
ابو سالم : ابني مصطفى اكعد خل نتفاهم احنه مراح نجبر احد
*مصطفى كعد وهدأ الوضع *
ام سالم : بنيتي انتي رفل
رفل : ها لا مو اني * وصعدت على الدرج*
ابو رفل : هههه بنتي تحب تتشاقة تعاي بابا رفل اتعرفي على ام زوجج
رفل : * اني من بابا هيج كال طك كلبي وكلت *
اني مااتزوج احد اني عمري قبل فترة صرت ١٨سنة شنو تردون اتزوجوني لواحد عمره ٣٢ سنة شنو تردون ادمروني والله لو الدنيا تحترگ مااتزوج ابنكم خل يتزوجله وحده بگده مو يتزوج وحده اصغر منه ب ١٥ سنة اني اريد اعيش حياتي وشبابي بعيد عن الزواج
ابو سالم : ابو رفل ممكن من رخصتك شوية نطلع بره ونحجي
ابو رفل : اي تفضل
* كان يتوعد لرفل وكأنما يكوللها اني اعلمج *
.........
ابو سالم : شوف ابو رفل اني حبيتها لبنتك وهي بعدها صغيرة راح تگدر اتعاون ابني وتساعده علمود يطلع من حزنه وقوقعته وبما انه بنتك مصرة انه متقبل تتزوج ابني اني راح اشتري بنتك !!!
