#مدللتـي 💚
الحـلقـه التـاسعـه
محسـن بغـل و حقـد قبـص ايـدا و وجـه ولا احمـر: دارتـها دارتـها و لعبـت لعبتـها
ايمـن: الـي سمعتـا توا صـح
محسـن يـدور فـي رقـم نرجـس و ايديـه يرعشـو مـش قادر يمسـك التـلفون 💔 " طلـب رقـم نـرجس مـره ومـرتيـن وعشـره بـس متـردش "
محسـن يعيـط: متـردش عليــا بنعـرف شـن لعبـت
ايمـن: محسـن وطـي صوتـك و فهمنـي وحـده وحـده
محسـن: يبينـي نقـرا فاتحتـي علي بنتـه بكـل سهـوله. ، وكـاني مـش خاطب ولا متـزوج. ! بنعـرف بشنـي ضاحكـه عليـه عشـان طـلب منـي طلـب هكـي
ايمـن بحـيره: مـوضوع حيـرني قصـدي عمـك هضـا معـروف عنـدا عـزه نفـس كبيـره كيـف رضاها في روحـا
محسـن ايـرن: مـش عـارف شـي بـس هي طلعـت حيـه بجـد لعبتـها صح
ايمـن : انـت عـلاش حبيتـها مـن الاول اهـو كـلا جا فـوقك
محسـن: مجـرد اعجـاب يا راجـل وهمـت روحـي بمسمـى الحـب فيـها
ايمـن بصـوت متردد: و اميــره ! حتـوافق اتجـي عليـها ضـره
محسـن و بـلا تفكيـر : متسالنيـش علي شـي انـي مش فـاهمـه. ! حتى لو اميـره انـي بنفسـي منـرضش بنـرجس زوجـه ليـا
ايمـن: خـلاص ارقـد تـوا و الصبـاح ربـاح
محسـن صبـا على الروشـن و رجـع يتـصل: الي ايـدا فـي اميـه مـش كيـف الي فـي نـار
_______________
الصبـــح 💚
انـي : مهيـب جيبـلي قهـوه بالله عـليـك راسـي يـوجع فيـا
مهيـب: شمـس تعـالي معـاي عشـان منقـدرش انشيـلهم
شمـس: تمـام " و مشـت معـاه "
اكـرام جـت جنبـي : علاش كـرهتينـي و تغيـرتي عليـا
انـي رفعـت راسـي بصـدمه: تغيـرت عليـكي كيـف فـي وحـده تكـره اختـها
اكـرام: مـن يـوم خطبتـنا شهـر لـكي متـغيـره عليـا ! مفهمتـهش غيـره ولا شنـي
انـي : غيـره ع شنـي بنغـار يـا اكـرام بديتـي سلبيـه فـي كـلامك معـاي لو مركـزه
اكـرام: لا مـش سلبيـه مـن الي كنتـي تشكيـله غيـري. ! تـذكري كيـف كنـا وكيـف توا ولينـا. ! انحـس فـي روحـي غـريبه عليـك و العكـس صحيـح. شـن درتـلك اني
انـي مسكـت ايديـها: ردي بـالك اتفكـري فـي كـلام هضـا انتـي اختـي و مفيـش شي يغيـرنا علي بعضنـا. !
اكـرام ابتـسمت: كنـت نعـرف ولله حتى لمـا حكيـت لجـابر انـك متـغيـره معـاي ضحـك وقـالي غايـره شكـلها منـا
انـي اختفـت ابتـسامتـي وقت قالـت اسمـا. : ربـي يحفظـكم نشـاءلله.
مـامـا : انخطبتـي وانقـرت فاتحتـك و جينـا لطرابلـس طـول ونحنـا حـاليا فـي مطار مش وقتـا. ، بـس باختـصار متـريحه مـع محسـن. !
انـي سكـتت صـدمه كـلام اكـرام ليـا كـوم و سؤال مـاما ليـا كوم تـانـي اصطنعـت الابتـسامه: متـريحـه حمدلله
مـاما ابتـسمت: ريحتينـي و ريحتـي بـوك
انـي تنهـدت وتدكـرت تلفونـي طلعـتا مـن شنـطه.و فتحتـا القيـت هـلبـا مكـالمـات مـن رقـم و بـاعثـلي رسـائل و عرفتـا رقـم محسـن. ، درتـا فـي بلـوك طـول بـلا تفكـير ولا تردد
وكـان فـي رسـاله صـوتـيه او تـسجيـل باعثـه ليـا جـابر
طلعـت سمـاعات و فتحتـا كـانت اغنيـه قصـيره " حتـي لو لبسـلك دبـله. ، لبسـلك دبـله انـي الي غاويتـك قبـلهه ! "
صكـرتـها بسـرعه و صبيـت
بـابا: ويـن مـاشيه. !
انـي: لحمـام " يكـرم القارئ "
مشيـت وخطـواتي سـريعـه وايـدي علي فمـي كاتمـه،صـوتـي ومنـزله راسـي انخبطـت فـي صـدر محسـن بالقــوه و تخــدرت مـن ريحــه عطـرا و قـربـا. !
محسـن باستـغراب: اميــره. !
انـي جيـت بنمشـي و هـوا بحـركه سـريعه اعتـرض طريقـي
محسـن:ويـن مـاشيـه و حـالتـك هكـي
انـي رفعـت راسـي وابتـسمت: بـاعـد مـن طريقـي
دفيتـا و مشيـت
ايمـن : شنـي هـذا وقفتـها وقوتـها تجبـرك تحتـرمهـا
محسـن: مـش قتـلك انـي مختـلفـه اختـلاف تـام عـن بنـات حواء
ايمـن بضـحكـه: يـا زينـك طيـحه طيـحتـك! اجعنـها طيتحتـي و طيحـت كـل غـالي
محسـن: تـبي تبـدا فـي الفلسفـه انـت !
اعـلنـو عــن رحـله بنغــازي توجهنــا لبـوابـه وركبنـا فـي البـاص الي بينقلنـا لطيـاره
كنـت مقمعـزه و قـدامـي محســن مصبـي، كنـت حـاسه ان يـراقـب فيـا بعيـونـه او بشكـل اصـح بجميـع حواســه بـس فضـلت انـي منـرفعـش راســي
شمـس قطعـت عليـا افكـاري : الزيـن الي مـع راجـلك منـي. !
انـي فنصـت فيـها: يـاسرك تحشمـي و لمـي روحـك
شمـس بعبـاطه : الحشـم امتـاعي هـو الي مخلينـي عنـد تـوا سنـقل
انـي : تـوا يسـمعـوك اسكتـي. ! بعـدين شـن دخلنـا احنـي
مهيـب: يـلا وصلنـا طيـاره
نزلنــا وركبنــا و حمـدت ربـي مكـاني جنـب مهيـب واكـرام جنـب بـابا ومـامـا. ، و محسـن فـي جنبـي
بـس الحـظ او تـقدرو اقـول النصـيب كـان مـع شمـس الي جـاء موقعـها جنـب ايمــن
شمـس قمعـزت وشيـرتـلا بايـدها: هـاي
ايمـن: وعـليكـم السـلام قصـدي و عليـكم الهـاي
شمـس ضحكـت بعـدين توازنـت : دمـك خفـيف هـلبـا الحـق
ايمـن : معـليـش ممكن تسكتـي لانـي تـالف و بنـرقد
شمـس عقـدت حـواجبـها و بعصبيـه : بالله عـليـك. ، طيـاره بـوك هيـا
ايمـن فنـص فيـها بطـريقه ارعبتـها: عـاودي
شمـس : احــم لا قصـدي نومـه سعيـده و احـلام نـزيكـه
اكتـفى ايمـن بابتـسامـه و سنـد راسـا و استـلم لنــوم العميــق 💚اللـي شمـس مقـدرتـش اتسيطـر روحـها و بـحـركه سـريعـه صـوراتـا وابتـسمت
______________
محسـن: شكـلها صـابت مـعاك يـا ايمـن ، انتـي هـي يا بنـت
انـي عـرفتـا ينـاديـلي بـس مرديتـش عليـه مسـك يـدي وانـي بـرمت عليـه: خيـرك شـن جـاك !
محسـن: نتـكلم معـاك انـي، الخـارب متـاعـك علاش مقفـل اه
انـي ببـرود تـام: مـزاج
محسـن ضغـط ع ايـدي : مـزاج امـك
انـي نفضـت ايـدي مـن ايـده: احتـرم نفسـك شـويـا !
محسـن : اسمـعي همـا زوز كلمـات اسـلوبـك تعـدليـه معـاي يا امـا ولله مـا صـاير خيـر
انـي: الي فـي ايـدك ديـرا. ! بـس خليـه فعـل مـش كـلام بـس
محسـن مسـح علي وجــه: شـن،قصتـك مـع مصعـب،
انـي بعفـويـه: و انـت شـن قصتـك بنــرجس
محسـن رفعـلي حـاجبـه وضحـك بجنـب: تـغـاري،
انـي : 😳😳عينـك هـذيكـا عـلاش بنـغار
محسـن ربـع ايديـه و سنـد راسـا على الكـرسي: اوك خـلاص عـرفتـك تغـاري
انـي بصـدمه: كـلام معـاك عميـــق
محسـن : 💚بديتـي تستخـدمي فـي مصطلحـاتي بـرضو بـه كـويس فـي تحسـن
انـي عـرفتـا بيحـرق دمـي مـش اكثـر ! سكـتت
هبطـت الطيـاره بعـد سـاعه ونـص و نـزلنــا
بـابـا : مشينـا بزوز شنـاطي ارجعنـا بعشـره!
مـاما: اي و السيـاره ما تلمـش الحـق
محسـن: لـو معنـدكمـش اعتـراض تجـي معـايا اميـره
انـي بصـوت واطـي يكفـي يسمـعا هـوا : احتـفظ بخـدمـاتك لنفسـك وفـر ع روحـك
مهيـب: جـاء صاحبـي تو انحطـو شنـاطي عنـدا
محسـن: تمـام يـلا فـي امـان اللـه
____________
ايمـن نـزل : ويـن مـاشي انـت تـوا
محسـن : متمـزط بنمشـي لنـرجـس نفـهم منـها وانحـل المـوضوع
ايمـن: و بـوهـا
محسـن: حنتكـلم معـاه حتـى هـوا و انـريح راسـي، حقـا طاحت. فيـك بنـت
ايمـن: بنـت!
محسـن: خـلاص بعـين انفـهمك تـشاو
وصــل لحـوش عمــه نـزل و رجـل اقـدم.و رجــل اتـوخـر طـق ع بـاب بتـردد وايديـه في اجيـوبـا و ايهـز فـي كـرعيـه
عنــد انفتـح البــاب نـرجـس ارتعبـت و سخنـت وقتـ شـافت محسـن قـدامهـا وجـت بتـصكر بـاب
محسـن حـط اكـراعـا ودف البــاب بالقــوه
يتــبـع 💚
حـلقـه طولتـها كيـف مـا تـبو + تعمقـت فـي السـرد اكثـر وحنكمـل فـي طريقـه هـذي 💚
منقول
