ارهقنى عشق طفله

الفصل السابع ( اختطاف)

ارهقنى عشق طفله ...الكاتبه وفاء مطر ..

★***★
حور جرت وحضنت شادى جامد وهى بتعيط وقالتله
_ شادى شوفت عمل معايا ايه ، انا عايزه حقي
شادى لا يعرف أيهدأ حور ام يهدأ نفسه
شادى : حور أخرجى استنينى ف العربيه انا جاى وراكى
ثم نظر بتحدى لمهاب ومهاب ايضاً ينظر له بتحدى أكثر
خرجت حور وهى لا تقوى على المشى
***************************
شادى : يااااه مهاب باشا تانى هههه واضح ان الزمن مصر إننا نتقابل ونتخانق
مهاب بثقه : وانا اللى بفوز ديماً
شادى بغل : تفوز بأى حاجه إلا حبيبتى
مهاب بعد أن سمع كلمة حبيبتى غضب ولم يسيطر على غضبه ثم ألكم شادى عده لكمات وهو محترف بذلك
مهاب : زمان أنا سيبتك تفوز وتتسلى ب بفاطمه عشان مكنتش بحبها لكن دلوقت لا يمكن أسيبك تتسلى بحور
شادى : حور عمرك ما هتقدر تبعدنى عنها لأنها وببساطه بنت خالتى
مهاب : هنشوف مين هيفوز بحبها وده تحدى زى بتاع زمان وهتخسر يا شادى
شادى بغضب : ايااك تقربلها يا مهاب ايااااك ، حور بتاعتى انا وبس
وأخذ يضرب مهاب والغضب عماه وكلاً منهما يضرب الآخر
مهاب وهو يتنفس بشده : مفكر إن حور لما تعرف إنك تبع المافيا هتحبك ؟!
شادى : محدش يعرف الحكايه دى غيرك ولو حور عرفت صدقنى انت كمان هتكون خسران لإن وقتها انا هقولها ان انت رئيس المافيا نفسه وشوف هى هتعمل ايه بقى وهتتفضح ازاى
ثم خرج من القاعه وبداخله غضب وحقد شديد من مهاب
اما مهاب بحاله لا يفرق كثيراً عن شادى ووغضب بشده وكأنه بركان ثائر على وشك الانفجار
ارتعب مهاب على حور اذا عرفت فهذا يشكل خطر على حياتها من الرؤساء ف المافيا الأمريكيه
******************
ذهب شادى وأمسك حور من ذراعها بشده وادخلها السياره
شادى بصراخ : ايه اللى يخليكى تستنى جوه لوحدك
حور تبكى ولا ترد
شادى : حور ردى علياااااا
حور ببكاء : هو طلب منى بحث اوديهوله بكره عشان يشغلنى فى المستشفي مكنتش اعرف انه واطى اوى كده
شادى بغل : مهاب الكلب والله لأوريه
حور : هو انت تعرفه يا شادى
شادى : هااا لأ بس اللى عمله معاكى النهارده يعنى
حور : شادى معلش مش هعرف اروح معاك الشركه النهارده روحنى عشان اعصابي تعبانه والحق اعمل البحث
شادى : ماشى يا حوريتى مش هضغط عليكى كفايا اللى انتى فيه
ثم أوصلها الشقه
***********************
شادى وهو في طريقه للشركه رأى فتاه أقل مايقال عنها ملاااك ولكن لحظه ، ما هذه الملابس التى ترتديها يا الله ايعقل أن يكون هذا الجمال بلا مأوى
شادى بعد أن نزل من السياره : يا صغنونه فيه ايه ، فيكى حاجه
البنت : صغنونه فى عينك انا عندى 18 سنه
شادى ببلاهه : هااا 18 سنه ازاى ، انتى عامله زى الطفله
البنت : انت اللى عجوز
شادى بضحك : عجوز  ، عندى 30 سنه يخربيتك
المهم ، فيه ايه ممكن اساعدك بحاجه
البنت ببكاء : انا لسه خارجه من الملجأ من يومين ومش لاقيه مكان اروح فيه والشباب طمعانين فيا
شادى بخبث : طب انا عندى شقه غير الفيلا اللى ساكن فيها هقعدك فيها واللى تحتاجيه هجبهولك قومى يلاا
فريده : اثق فيك ازاى بس اهئ اهئ
شادى : انتى شايفه شكلى وعربياتى ، يعنى لو عايز واحده هيكون قدامى عشره مش مستنيكى انتى يعنى
أحست بصدق فى كلامه وذهبت معه