الحب الاول

1

مرحبا اني ريما احجيلكم عني اني طالبة خامس علمي
حياتي مخربطة اعيش حالت ضياع تشتت حياتي مثل المتاهة وكلما اثق بشخص يطلع مو كد الثقة كمت اخاف من اقرب الناس الي

اني طيبة وعلى نياتي بس البشر تغير ومو مثل قبل

حياتي عادية ونفس الروتين البجي والعزلة اعيش ببغداد ويا اهلي عائلتي متكونة من بابا محمد وامي رنا واختي واخواني اثنين
اخوية علي الجبير عمره 26 مهندس واختي مرام تدرس بلكليه مرحله ثالثه قسم جغرافيه عمرها 22
واني الثالثه بأخواني  امي جانت مقررة متسوي اطفال بس بعد سنوات صرت عدها اني فرق بيني وبين اختي مرام 5 سنوات عمري 17 شاطرة كلش جنت كله اطلع الاوله ومدرساتي يحبوني

مواصفاتي بيضه وعيوني كبار عسليات لونهة كلش حلو شعري طويل وحلو  حلكي وخشمي زغار نازكه
اني رشيقه جسمي وسط لا ضعيفة ولا سمينه طولي 160
ورا ما امي جابتني حملت بااخوية سيف وصار هو المدلل عمرة 15 وكلشي يريد يصيرله طبعا اني ويا 24 ساعه معارك لان هو قريب لعمري

بدايت معاناتي وقصت حبي المؤلمة من الثالث ثانوي جنت مراهقة وانكسر كلبي كسر قوي بس الحمدلله

الله موجود  وميعوف احد

احجيلكم عن طفولتي شوية جنت طفله هادئه كلش ومسالمه

جانو جهال الشارع يكتولوني واروح لاختي

مرام : ها ولج ريما منو كتلج هلمرة
ريما:  ابجي واحجي جان عمري 8 سنوات بس عبالك 5 او اقل

كتلهة هذيج البنيه كتلتني واخذتهة عليهة

مرام:  كل عقلج وكاعدة تبجين تدرين هاي ازغر منج شبيج يحضي صيري قويه هسة اني راح اضل واكفه وانتي كتليهة

ريما:  لا اخاف خاف تكتلني

مرام:  ولج شنو تكتلني اني واكفه وانتي اكبر منهة شوفيهة حتى هيا ناعمه لتضلين هيج جبانه يله روحي

ريما:  تشجعت شوي ورحت وكفت كبالهة هيا مدارتلي بال ضلت تلعب مدري منين اجتني الجرئة وسحلتهة من شعرها كامت تبجي وتصيح واني اجر بشعرهة اقوى التفت على مرام ابتسمتلي ابتسامه خلتني احس بلقوة اكثر

بعدين عفت البنيه ورحت لمرام

مرام: عفية بحبيبة اختهة هيج اريدج لتضلين ضعيفة صيري قوية ولتخلين احد يكتلج

ريما: ابتسمت ومسحت ادموعي وحضنتني مرام

جانو اخواني علي ومرام كلش يحبوني ومدلليني حتى اكثر من امي
لان امي كل وقتهة لسيف احسه اخذ مني الدلال تمنيت امي مجايبته

شوي شوي كبرت وكمت انجح من مرحله لمرحله وطبعا كله اول حتى بسادس ابتدائي طلعت الاوله على مدارس منطقتنا

جان عندي امل انو راح يكون مستقبلي حلو وحلمي اصير دكتورة

هذا الحلم الي جنت مستعدة اموت بس علمود احققه
المدرسة كل الحياة بلنسبه الي

لما رحت للثانوية احس كلشي بحياتي تغير حتى صديقاتي تغيرو اطباعي

جنت هادئة كلش بس كمت كلما اكبر سنه اصير اوكح واقوى وشخصيتي تصير اقوى

صح جنت زغيرة بس عقلي عقل وحدة جبيرة وافكر زين من نجحت من الاول للثاني ثانوي  اشترولي تلفون حديث وكلش حلو مجنت احط بي برامج تواصل الاجتماعي مجرد عندي فايبر ويوتيوب اباوع علي اما الفيس وغيرها مااعرفهة ولا شايفتهة

جنت صف ثاني متوسط بداية السنه يوميا انام من وكت لان دوام من الصبح ومرة مااجاني نوم

كمت للمطبخ جوعانه سمعت صوت شخص يسولف بلحديقة اقتربت حتى اعرف منو

سمعت صوت اختي مرام وجانت تخابر ولد عرفت عدها علاقة ويا ولد

مجنت كلش مقربة لاختي بهيج سوالف متسولفلي تسولف لصديقاتهة
المهم اني مدرت بال هيا جبيرة وتعرف تصرف حاولت مااخليهة تشوفني ودخلت جوه بس اعتقد لمحتني

ثاني يوم جنت كاعدة بغرفتي على الجربايه اجتي كعدت بصفي وسولفتلي كلشي عن علاقتهة هيا وهذا الولد وطلبت مني محد يعرف ابد

اني ضليت صافنه عليهة وهيا تسولف واكول بداخلي شكد غبية مرام وين اكو حب بلنت واضحك عليهة بداخلي بس محبيت اتدخل وخاصة هيا متسمع مني لان اني ازغر منهة

جان الوضع كلش عادي وروتيني جدا ممل بس اقرة وكت فراغي اباوع مسلسلات بليوتيوب مرة طلعت امي للسوك وابوية بلشغل وسيف وعلي هم مو بلبيت

جانت مرام عساس مريضه كلش وبس نايمه وتبجي من الوجع

جنت كاعدة اقرة لان عندي امتحان شفتهة كامت
راحت للحمام مهتميت كلت يمكن تغسل وتجي

ثواني واسمع صوت وكعة مو بس قوي يهز الحيل رحت اركض للحمام وشفت الصدمة

صحت بصوت كلش عالي
صوتي جان وياخوف وبجي وفزع واني اشوف اختي مسبحه بدمها صحت بكل حيلي

مراااااامم ....

يتبع...
رايكم ولتنسون التصويت 😘