الحب الاول

2

‏وكُن مبتسماً دائماً، ليس لأحد بل لأجلك أنت.✨💗

ريما: جان المنظر مرعب بلنسبة الي معرفت شلون
اتصرف غير كمت ابجي وحظنت مرام احاول اكعد بيها

بهاي اللحظة دخل علي للبيت اجه يركض كام يصيح كلي شكو هاي شبيهة

ريما : ابجي واحجي والله مااعرف خل ناخذها للمستشفى بسرعة

راح علي شغل السيارة وشال مرام صعدهة بسرعة اني لبست ملابس الصارت كدامي وصعدت خليت راس مرام بحضني وابجي وادعيلها

وصلنا المستشفى دخلنا

ورا شوية طمنا الدكتور وكال مابيها شي بس خسرت دم هواي
جان الدكتور يحجي وعينه عليه بس مدرتله بال فتت بسرعه اشوف اختي لكيتهة كاعدة حاطيلهة مغذي ومضمدين الجرح باايدهة

من شافتني كامت تبجي مسحت ادموعهة وبستهة

ريما:  ليش هيج سويتي بينا خوفتيني عليج
ضلت ساكته مردت ورا شوية اجه  الدكتور
فحصهة وكال تكدرون تطلعوهة

كومتهة وياي وسندتهة عليه كوه تمشي اندار علينا علي وكال هذا الموضوع مااريد لا ابوية ولا امي يعرفون بي وانتي مرام حسابج بعدين

مستحيتي هلكبرج تسوين هيج وعلمود شنو مخليتي الله بين عيونج لو ميته جان رحتي للنار اني اعلمج

صعدنا بسيارة ورجعنا للبيت تعجبت محد موجود

ريما : علي صار ساعتين ومحد جاي للبيت شعجب
علي:  ابوية عندة شغل وامي خابرتني كالت مارة على بيت عمي ومجلبه بيها على العشة انتي خلي مرام تغسل وتبدل وتحاول متخليهم يشوفون الجرح لان البيهم مكفيهم مناقصهم سوالف جهال

ريما:  اني رحت غسلت الحمام ومخليت اثر للدم وساعدت مرام تغسل وبدلتلهة ملابسهة

بعدين اخدتهة للغرفة مددت على الجربايه وغطيتها

ريما:  هسة كلشي تسولفيلي بلتفصيل كل مرة اسكت واكول اختي اكبر مني وماادخل بتصرفاتهة لان هيا واعيه وتعرف تتصرف بس بعد الي سويتي اليوم مااعتقد تعرفين تتصرفين يله سولفي

اني دا احجي اشو هاي كامت تبجي وحظنتني

مرام: اني دا اموت ريما
ريما:  احجي شبيج لتخبليني
هيا كامت تحجي وتبجي واني ابجي على حالهة

مرام:  اياد طلع متزوج ويضحك عليه ريما طلع ميحبني اني مااكدر اعيش بدونه مدا اتخيل شلون كدر هيج يسوي بيه احبه ريما احبةةةة

ريما:  حبيبتي استهدي برحمان وامسحي ادموعج صدكي ميستاهل تبجين علمودة هذا واحد حقير ميخاف الله انتي خلي لربج هو ينتقم منه صيري قوية ولتكولين مااكدر اعيش بدونه
لان الدنيا متوكف على احد مثل ماعشتي قبله تكدرين تعيشين بعدة خلي ايمانج قوي