1
في غرفه في احدي فلل الخرطوم كان يوجد في الغرفه مكتبه ممتلئه بالكتب وضخمه جدا ويوجد بيانو وجيتار معلق علي الجدار بالاضافه لي كيس الملاكمه ونظيفه مما يدل علي وجود شخص زي م بقولو ( انضف من ضميري 😂😂)
وهو مستلقي علي سريره ويبدو أن عمره ٢٥ سنه وعند الساعه ٤:٠٠ بدأ المنبه بالرنين واستيقظ الشاب ذو عضلات وهو كان يرتدي ترينك رمادي ومعه تشيرت بالاسود من م يبرز عضلاته كان طويل القامه ذو شعر ناعم واسود ينزل علي وجهه مما يمنعه الرؤيه وكان يبدو ذو بشرة سمرا و لحيه مرتبه ومهذبه (اي ياهو زاتوو يا هناايه ناقص الحصان بس 😂😂) نهض من سريره وتوجه نحو الكرسي حيث كان موضوع عليه جكت التقط الجكت وارتداه وخرج من غرفته واغلق الباب بإحكام كي لا يوقظ بقيه افراد الاسره وخرج من تلك الفله وكان يوجد بقرب الفله حديقه توجه ذالك الشاب نحوها وبدأ بالجري وهو يضع (طاقية) الجكت علي راسه وعندما وصل رجل كان يجلس داخل دكان بقرب تلك الحديقه
الولد : صبااح الخير يا عمو عوض 😊
وعندما ابتسم ذالك الشاب ظهرت غمازاته وظهرت ملامح يصعب علي وصفها عيناه كعيون محارب يتجه الي المعركه وحواجبه غزيره وكثيفه (والله انا م عندي 😂😂) ووجه جميل ( خلاص يا جماعه كفانا لغه عربيه لهنا صااح 😂😂)
المهم زولنا زي م بقولو كسار لون وشعر وطول ومثقف سلم علي عمك عوض
عوض : مرحب مرحب يا ولدي 😊😊
الولد : الجريده وين الليله 😕😕
عوض : دقيقه اسي بجيبها ليك 😊
ودنقر عمك عوض لي الدرج التحت وطلع الجرايد وادي زولنا جريده
الولد : تسلم يا عمو عوض 😊😊 واده القروش وكمل جري ....
عوض : والله الولد دا نفسي اعرف بصحي بدري وبتريض لي شنو 😕 رياضه شنو عليك الله البتصحيني من الدقش والله انا كان م مجبور زاتو م بقوم 😂😂
نمش للولد ...
زولنا لسه جاري وبقرا في الجريده (والله انا كتب القرايه الواجب علي م بقراهم كمان امش اقبض في الجرايد😒😒)
اثناء م هو جاري مرا ببتين قاعدين في كرسي في الحديقه وكانو بتهامسو واول م قرب عليهم سكتو وزولنا ولا عبرهم كمل جري 😂😂
واحده من البنات : وااي يا الاء الشي دا سمح شديد يااخ انضف من سمعتي 😍😍
الاء : 😂 يابت هي انا كل يوم بصحي من ٣:٣٠ واقعد اتظبط واجي هنا عشانو لكن الولد دا مفتري شديد يااخ لكن برضو بجي ان شاء الله كان م عبرني المهم اتصبح بالخلقه دي 😍😍😍
البت : معاك حق والله 😂😂😂
الولد لمن خلاص رجع الفيلا حقتهم ودخل جات الحبشيه حقتهم اسمها مريم 😊😊
الولد : مريم وين العصير 😕😕(يلا صحي شديد 😒)
مريم : دقيقه ويكون عندك 😊😊
جابت العصير وشرب وطلع غرفتو استحمها واتوضي وصلا الصبح وبقا اقرا في قران ( يا هنايه الزول دا م شاءالله عليه 😂😂)
الساعه ٦:٣٠ غير ولبس بدله سوده مع جزمه بيضاء والساعه تقول يا ليل 😍😍 ( اعلن انبراااااااشي 😍😍) ونزل تحت لقي مره حلبيه صحته سمحه وظاهره زوله طيبه شديد عمرها يكون ٤٦ سنه اسمها سوسن 😍😍
سوسن : صبااح الخير يا ماذن 😍(يلا دي ام ماذن وماذن دا الولد المن الصباح ان بحكي عنو 😂😂😂)
ماذن : صبااح النور يا ست الكل 😍😍
سوسن : مريم وين الشاي انا ماشه اصحي الكسلانين ديل 😒😒
ماذن : خليهم انا بمش اصحيهم 😊😊
ودخل غرفه وسخانه شديد والملابس في الارض واكياس الشبس وكرتونه بيتزا يعني زول رفل جدا عكس ماذن 😍😍
ماذن : يا زفت يزن قوم وبعدين شنو المزبله العايش فيها دي 😡😡
يزن : ياخ انا تعبان عايز انوم 😥😥
ماذن : يزن 😡😡
يزن : قمت يا مذون والله قمته 😥😥
ماذن : وبعدين انت عايش هنا كيف 😕😕
يزن : والله امس ساهرته وم قدرته ارتب الغرفه وبعدين م عشان انت مهووس بالنضافه كل الناس يكونو زيك 😌😌
ماذن : خمس دقائق وتكون تحت فاهم وبعدين ح اكلم مريم تجي تنضف ليك المزبله دي 😒😒 وطلع .....
يزن : اسي الغرفه دي م نضيفه لكن انت عندك مرض اسمو نضافه 😌😌 وجري علي الحمام قبل الخمسه دقائق م تتم 😂😂
وماذن اتجه للغرفه التانيه وكانت كلها عباره عن ورود وزهور وكلها بالوردي ( اكيد غرفه بت 😂😂) وحاجات كدا زاتها م مفهومه 😂😂
ماذن : مزن يلا ح تتاخري علي الجامعه يلا 😒😒
مزن : حاضر يا ماذن خمسه دقائق بس 😥😥
ماذن : مزن يلا سررعه 😠😠
مزن طوالي علي الحمام 😂😂 ( هرش جد يا ماذن 😂)
وقعد ماذن هو وامو في الصفره يشربو الشاي
جو نازلين يزن ومزن مع بعض 😌
يزن : يااخ اخوك دا بعرس متين وافكنا من المعطه دي 😠😠
مزن : والله لو حبشيه ندي ليهاا لكن يطير مننا 😥😥
ماذن : الزول لمن يجي يقطع بوطي صوتو 😊😊
يزن : معقوله يا مذون يااخ نحن اخوان 😌😌( جنس كضب 😒😒)
مزن : يووخ نحن لاقينك 😍😍
وقعدو معاهم ....
سوسن : يااخ انا م لاقوني كسلانيين زيكم كدا 😒😒
يزن : والله بس يا حاجه انا ساهرتته والا انت عارفاني من ٥ اكون صااحي 😌😌
مزن : يزن براحه السقف ح يقع فينا 😒😒
سوسن : انت والله لو عليك الضهر م تصحي 😒😒
يزن : معقوله يا حاجه 😥😥
سوسن : حاجه في عينك اسي عليك الله البشفني م بقوول اختك 😒😒
مزن : يعجبني الواثق في حالو 😍😍
يزن : 😂😂😂
ماذن : 😂😂 بطل حركات يا يزن 😒😒
يزن : اديني سكته 😌😌
مزن : ماذن الليله وصلني معااك 😌😌
ماذن : انا م بقدر اتأخر من الشغل خلي العولاق دا يوصلك 😒😒
يزن : معليش يا اخوي مقبوله منك 😌😌
مزن : طيب 😌😌
وخلصو شااي وبقو مارقين طبعا ماذن عربيتو BMW بالاسود رهيبه ويزن عربيتو توسان سودا برضو حلو وطلعو مزن ويزن مع بعض عشان يوصلها وماذن لحالو 😌😌😌
طبعا ديل اسرة ماذن كانو عايشين بره في فرنسا وجو السودان لمن ماذن كان عمرو ١٧ سنه وسكنو هنا ابوهم متوفي لي ٣ سنه وعندو شركه كبيره ومشهوره بتاعت اعلانات وفيها جزو بتاع تصميم ملابس وكدا المهم متنوعه لكن الاساسيه اعلانات وماذن قرا هندسه معماريه جامعه الخرطوم واتخرج ليه اقل من سنه ولمن ابو اتوفي اتاثر بي وفاتو شديد لانو كان صحبو وسندو وقرر في النهايه انو يستلم شغل ابو لانو كان بيريد شغلو شديد وبعد وفاتو بقي زول صامت وم بهظر كتيرر عكس شخصيتو القديمه وبقي هو المسؤل من اخوانو وامو المهم ماذن اسي مدير شركه ابو وهو عندو اخو واحد هو يزن وبقرا في ثالثه جامعه برضو هندسه ودا زول مرح شديد وبريد الهظار وعمرو ٢٢ سنه وعندهم اختهم مزن ودي بتقرا صيدله برلومه وعمرها ١٩ سنه وزوله ظريفه وحلوه عسل 😍😍 وامهم بقت سندهم بعد وفاات ابوهم زوله حنينه وبتريد اولادهاا شديد 😍😍 وهي عندها اخت واحده رحاب وعندها بت اسمها لمار وعندهم عمهم برضو واحد وعندو ولدين خالد ومحمد لكن م متواصلين مع بعض شديد ....
# كسرره
في نااس ح يقولو لي ليه التفاصيل دي كلها لكن انا حبيت اغيرر مود شويه عشان تعيشو مع القصه وتندمجو فيهاا 😌😌
