4
جا عمر لي ماذن في المكتب ...
عمر : مذون 😍😍
ماذن : مالك فرحان كدا 😕😕
عمر : كيف ياااخ م افرح 😍😍
ماذن : فرحني معاك 😌😌
جا منتصر داخل 😊😊😊
منتصر : سمعتوو بالخبر 😕😕
عمر : اصلا م بتتكيف الا تخرب علي 😒😒
منتصر : اسي انت مالك 😒😒
ماذن : فهموني معاكم 😕😕
عمر : الشركه التركيه زي م قالو الناس ح يجو الفتره الجايه السودان وح نقدم تصاميم العبايات الصيفيه للموسم دا لكن برضو في شركات منافسه والشركه البتربح ح يتعاقدو معاها 😍😍
منتصر : لكن م تنسي نحن م مجهزين ولا حاجه وكمان في شركات منافسه 😕😕
ماذن : لكن اذا نحن الربحنا شغلنا ح يزدهر ويتوسع وح يكون عندنا سمعه بره السودان 😊😊
عمر : بالظبط كدا 😍😍😍
ماذن : اذا كدا نحن لازم نبدا الشغل الجد 😌😌
منتصر : انا ح اخلي المصممين يجوك يا ماذن وانت نثق معاهم علي حسب فهمك 😌😌😌
عمر : وانا ح ابدا اجهز العارضات 😌😌
وح اكلم جمانه تجهز المواقع حقت التصوير 😊😊
ماذن : تكونو م قصرتوو يلا يا شبااب ورانا شغل 😍😍
وطلعو واي واحد علي شغلو ...
ماذن وقف قدام صورت ابو المعلقها في المكتب ...
ماذن : شايف يا حاج الشغل ماش يتوسع بس ناقص انت تكون المدير ( لمن دمع ) بس انا اوعدك ان شاء الله ح نشيل العقد دا نحن وح اكبر ليك الشركه دي قدر الامكان 😥😥 بتمني لو كنت واقف جنبي وسو نمشي الشغل 😥😥
فجأة الباب فتح وجات جمانه ماذن طوالي غشا دموعو ...
ماذن : انت م علموك تدقي الباب 😠😠
جمانه : اسفه يا مذون لكن فرحته لمن سمعت الخبر 😍😍 وجيت ابارك ليك 😌😌
ماذن : اولا مية مره انا قلت ليك في الشركه استاذ ماذن وتانيا نحن لسه م حصلنا علي الشغل تمام يلا امشي شوفي شغلك 😒😒😊
جمانه : حاضر لكن ح امر عليك بعدين 😊😊
ملاذ جات لي ماذن جوه ....
ماذن : بكرا تجيبي لي CV لي كل المصممين العندنا وعايزهم تاني يجو يشتغلو عندي هنا في المكتب وانا ح اشرف عليهم 😌😌
ملاذ : حاضر يا استاذ ماذن لكن عايزهم يكونو في حدود كم 😕😕
ماذن : بعد اشوف ح اختار الافضل م مهم العدد 😌😌
ملاذ : و بخصوص التقرير بتاع استاذ خالد 😕😕
ماذن : خالد اسي انسي انا عندي شغل اهم منو وانت امشي اعملي العليك 😊
ملاذ : حاضر 😌😌
في جهه تانيه .....
لجين : يابت انا قدمت ليك في جامعه الخرطوم لكن ان شاء الله يشيلوك 😌😌
لميس : بالجد تسلمي يا لجين لكن انا المره الفقر دي م تخليني اقر 😥😥
لجين : م اصلا انت م قاعده ليها ح تمشي تقعدي في الداخليه 😌😌
لميس : يابت انت قايله انو بت زي تعيش براها دي حاجه ساهله من ويت ح امن حق الداخليه ولا الاكل والمواصلات دا كلو 😥😥
لجين : ح تتسهل ان شاء الله لكن انت خلي املك في الله كبير 😊😊
لميس : ونعم بالله 😌😌
لجين : امسكي دا 😌😌
لميس : التلفون دا جيبتي من وين 😕😕
لجين : جمعت قروشي العندي وجبتو 😌😌
لميس : طبعا م ح اقبلو 😒😒
لجين : يابت انت مجنونه انا م اختك وبعدين لمن تسافري ح نتواصل كيف وكمان هو كلو ربيكه 😠😠
لميس : بالجد يا لجين م عارفه اقول ليك شنوو 😊😊 انا مهما عملته م اوفيك حقك 😌😌
لجين : كمان شوف المتخلفه دي من متين اتعلمتي الذوق 😕😕 دي صفاء ولا شنو 😹😹
لميس : غلطانه انا البشكر واحده زيك وبعدين صفاء دي كان عندها ذوق دا حالها 😒😒
لجين : يلا انا ح اكلم بت خالي قاعده في داخليه تشوف ليك محل معاها 😌😌
لميس : وقروشها 😕😕
لجين : انا عندي شويه وبعدين انت لمن تجي طالعه من البيت م تخلي ولا قرش لي صفاء الحقيره دي 😠😠
لميس : اسرق يعني 😨😨
لجين : تسرقي شنو يا متخلفه دي قروش ابوك وبعدين دا حقك لكن هم ظالمنك 😌😌
لميس : 😖😖😖
لمن جا المساء كدا. ....
صفاء طلعت من البيت لي جيرانهم وعبدالله بجي بليل بس لميس كانت بتبكي وهي بتلم في حاجاتها لكن مجبوره ودخلت غرفته صفاء شاالت ليها قروش وشالت شنطتها حقت ظهر اصلا م عندها ملابس كتير وكتبت رساله لي ابوها وبقت مارقه لاقتا لجين راكبه في ركشه وساقتها ومشوو...
لمن وصلو الداخليه لاقو بت خال لجين اسمها مروة سلمت علي لميس وكانت زوله ظريفه ودخلتها الغرفه لميس لمن ودعت لجي بكت بكا 😭😭😭
في الغرفه....
مروة : يا بنات دي لميس ح تقعد معانا 😊😊 لميس دي سارة ودي خلود 😊
سارة : اهلين نورتي الغرفه 😊😊
لميس : منوره باسيادها 😊😊
خلود : اهلا 😒😒
مروة : تعالي ارتاحي دا سريرك 😊😊
لميس طوالي رقدت في السرير وقبلت علي الحيطه وهي بتبكي 😖😭😭
عبدالله لمن جا من الشغل ....
عبدالله : لميس يا بت يا لميس 😠😠
صفاء : والله البت دي بقت قليله ادب وم بتسمع الكلام 😠😠
عبدالله : انا بادبها الليله 😠😠
لمن دخل الغرفه م لقا لميس ولقا بس رساله فتحها وبقي يقرا فيها ...
م عارفه يا بابا انت لمن تلقي رسالتي دي ح تعمل شنو لكن انا تعبت تعبته من كل الدنيا دي انا من يوم م انت عرست صفاء انا م شفت لي يوم سمح انا اتعذبته واتالمته وكنت كل يوم بنوم جعانه لكن بستحمل عشانك انت وعشان م تختلف مع صفاء لكن خلاص انا م قادره اتحمل اكتر من كدا انا عشت طفوله محرومه من امي لا والاكتر تجي مرت ابوي وتعذبني انا كنت قايله انت بتحبني لكن طلع العكس انا من يوم انت ضربتني حتي من دون م تسمع مني انا اتخذلته منك وعرفته اني بقيت يتيمه ام وابو انا الليله مشيت مكان م حتلقاني فيه مااشه احقق حلم امي وابقي دكتوره لكن صدقني انا م بكرهك انا بحبك وبحترمك شديد عشان كدا م عايزه اخيرك بني وبين صفاء ف انا اخترته امش واخلي صفاء معاك هي واخوي الجاي وقول لي صفاء انا حقي منها الله بشيلو لي لكن برضو انا عافيه ليها عشان اخوي يا بابا م تفتش علي وصدقني بتك قوية وبتقدر تعيش براها واذا ربنا وفقني ح اجي واقيف قدامك في يوم لكن ح اكون دكتوره وح تشوف صورة امي في وشي يابابا عليك الله م تزعل مني بتك وبت امي لميس 😭😭😭
صفاء : احسن كدا ريحت 😌😌
عبدالله والدموع في عينو ...
عبدالله : يااخ انت م بتحسي انت البت فااتت وخلت ليك البيت 😠😠
وطلع.....
صفاء : والله كدا ريحتني طلعت قبل م يجي ولدي ويشوفها 😌😌😌
