40
ماذن وصلهم البيت وابوها شكرو ودخل....
لميس : انزل
ماذن : اركبي عايز اتكلم معاك 😤😤
ركبت ....
لميس : ماذن في شنو ؟؟؟
ماذن : قاعده تتكلمي مع خالد ؟؟
لميس : خالد منو 😟😟
ماذن ضرب الدركسون بي يدو وقال ...
ماذن : لميس م تستعبطي 😡😡
لميس : ماذن م تصرخ علي انا م قاعده اتكلم معه 🥺🥺
ماذن : والرسايل البرسلها ليك دي شنو 😠😠
لميس : يعني بتفتش تلفوني 😳😳
ماذن : يعني بتكلم معاك
لميس : ماذن اسمعني هو برسل لي لكن والله انا م برد علي حتي كنت ماشه اتكلم معاه لكن تاني جاتنا قصه المستشفي عشان كدا م لقيت فرصه
ماذن : يعني م كنتي ناويه تكلميني
لميس : ماذن انا عارفه لو كلمتك انت ح تعمل شنو عشان كدا قلته احل القصه دي براي 😬😬
ماذن : يعني م معتبراني مهم في حياتك عشان كدا بتاخدي كل القرارت براك صاح
لميس : اووف ماذن عليك الله م تفسر الموضوع كدا والله بس كنت خايفه تعمل لي الولد حاجه وتتورط بسببي 💔💔
ماذن : انزلي الوقت اتاخر
لميس : ماذن عليك الله م تزعل والله م قصدي 🥺🥺
ماذن : لميس انزلي
لميس نزلت وماذن حتي م عاين في وشها طوالي مشي ....
لميس مشت لي لجين في بيتهم ....
لجين : مالك زعلانه كدا ؟؟
لميس : تتزكري اول امس لمن قلت ليك خالد دا بقي يرسل لي رسائل حب وزفت 😤😤
لجين : اي مالو مشت قلتي ماشه تتفاهمي معه
لميس : الليله تلفوني كان مع ماذن وشاف الرسايل 😔😔
لجين : لا 😳😳 اكيد زعل واخد موقف الله يكسر راسو خالد دا
في مكان تاني ....
جمانه : اها يا لمار خالد قاعد يعمل زي م قلتي لي لكن تتوقعي ماذن ح يشوف رسايلو 😒😒
لمار : م مهم انو ماذن يشوف الرسايل بكرا ح ننفذ الجزء المهم ونفرق ماذن من لميس بدون رجعه لي حياتو 😏😏
جمانه : طيب يلا عندي شغل ..
وقفلت ....
لمار : ماذن بكرا ح اضوقك من نفس الكأس الشربتني منها 😏😏
ماذن رجع بيتهم وكان زهجان ....
سوسن : تعال يا ماذن
ماذن : في شنو يا امي تعبان ماشي ارتاح
سوسن : الليله كنت وين مع لميس صاح ؟؟؟
ماذن : اي يا امي كنت معاها في حاجه ولا برضو ح تقولي لي م عافيه عليك اذا مشيت ليها
سوسن : بسم الله يا ولدي مالك اسي انت متنرفز كدا وبعدين انا ناديتك عشان نتكلم في موضوع لميس دا
ماذن : يا امي عليك الله م تفتحي لي نفس السيره والله تعبان
سوسن : كدي اسمعني بالاول والله ياولدي الصراحه انا لمن رفضته لميس م عشان اخلاقها ولا عشان اهلها ولا دا كلو لكن انا كنت دايره ليك بت اختي بس عشان كدا لكن والله لميس مافي زيها خلقه واخلاق وادب الحقيقه والله عجبتني لكن زي م بقولو الشيطان شاطر وانا البت دي من يوم م عرفتك انت دايرها ورافض لمار عشانها م طقتها لكن في النهايه دي حياتك وانت حر فيها لو مع لميس او غيرها انا بس بتهمني سعادتك عشان كدا لو انت لسه دايرها انا م عندي مانع
ماذن : انتي بتتكلمي جد يا امي
سوسن : اجي يا ولد دا موضوع بهظرو في 😒😒
ماذن : ااه لو عارفه ريحتيني كيف بقرارك دا الله يخليك لينا يا امي ❤️❤️
وباسها في راسه ...
سوسن : انا بس دايره اشوف الفرحه دي دايما في وشك
