كعدت صبح وسولفت لخاله القصه كولهه طبعا خالتي تحاول انو تخفف همي بس اني بداخلي شي انكسر 💔 المهم مرت ايام واني لاشايفه علي ولاسامعه عنه اي خبر ولاطالعه من البيت طبعا خاله ايمان تحاول انو تطلعني من البيت علمود تتغير نفسيتي بس اني مااقبل اطلع
الئ ان كعدت صبح ع صوت خاله ايمان
ايمان; تاره اكعدي اكعدي
تاره:خير خاله شكو
ايمان: كعدي بدلي سجلتلج بلمدرسه وراح ترجعين داومين
تاره:لا خاله مااريد
ايمان:موبكيفج يلا حبيبتي كومي
بدلي ونزلي وراي
تاره;اني مقبلت بس بعدين فكرت انو اني ليش قاهره نفسي ع شخص ميحبني خلي اشوف حياتي وانسئ الماضي كمت بدلت ونزلت تريكت وي خاله
طبعا خاله متفاجئ
تاره:خاله اني راح انسهه الماضي وابدي حياتي من جديد
ايمان: اي يبعد خالتي هيج اريدج قويه ممح
طبعا بعد ماكملنه رحنه ع مدرسه كمله الاوراق علمود ادوم والمدير كال باجر انشاالله تبدي داوم
خاله خذتني للسوك ومبقئ شي مشترته اليه
كلش فرحت انو اني بديت حياتي بديت اضحك واطلع واعيش الحياه مثل باقي الناس بعد ماكنت حابسه نفسي بلغرفه وبس ابجي واكلب بصور علي الشخص الي خدعني بحبه وعافني وكسر كلبي
صار ليل واحنه بعدنه دا نسوك ونشتري ملابس
شتريت كومه ملابسه بعده رحنه للمطعم تعشينه ورجعنه للبيت جنت حيل تعبانه وقتت الفون ع ساعه 5 طبعا جان دوام ساعه 7 بس حبيت اكعد اجهز نفسي
رتبت حواجبي وجهزت نفسي وبدلت نزلت صبحت ع خاله وتريكت وطلعت
رحت ع مدرسه وشفت بنات شلون متونسات ويضحكن وقررت انو انسه كل الماضي واشوف حياتي من جديد
بقيت شهر مستمره بلدوام وصار عندي صديقات ورجعت حياتي مثل قبل
ف بيوم
كعدت صبح كالعاده ورحت ع دوام صديقتي اسمهه نور
نور;هلاو تاره شونج
تاره;هلاوات حبيبتي
نور:تاره محتاجتج بشغله فدوه
تاره:اي كولي
نور;اكلج فدوه روحي وياي من نخلص دوام عندي للكوفي الي كبال مدرسه بس احاجي صديقتي هناك
تاره:لامااكدر اخاف اتاخر
نور:فدوه تاره
أنت تقرأ
عشقت منقذي
Storie d'amoreقصتي تدور حول فتاه امتلكها الحزن وهي صغيره فشاب قلبها وهي في سن طفوله 😢حزن /حب/ثار/اغتصاب
