လေယာဉ်ပေါ်တွင်Venessa စိတ်ညစ်ညူးစွာထိုင်နေလိုက်သည်။ချပေးထားသော လိမ္မော်ရည်ကိုပင်မသောက်နိုင်။အိတ်ထဲမှ ပန်းချီကားကို နှမြောကြီးစွာ ကြည့်နေမိ၏။ ခက်ခက်ခဲခဲ Longဂိုဏ်းဆီမှ ဖြတ်လုထားရသည့်တန်ဖိုးကြီးပစ္စည်းကို Lim Yaumgလက်ထဲ ပြန်ထည့်လိုက်မည်ကိုတွေးရင်း သွေးအန်ချင်စိတ်ပင်ပေါ်လာသယောင်။သို့သော်လည်း Mei နှင့်ခြိမ်းခြောက်ထားသဖြင့်ဥပေက္ခာမပြုန်ိုင်။ သူမကိုယုံကြည်ပေးသူတို့၏မျှော်လင့်ချက်ကို ရိုက်ချိုးပစ်သည့်အထိ သူမ အကြင်နာတရားမမဲ့သေးပေ။
"နားနေလိုက်ပါလား။Chuu Gonကိုရောက်ဖို့နောက်ထပ်၃နာရီလောက်ကျန်သေးပါတယ်"
Fridi၏စကားကို အထူးအဆန်းသဖွယ်နားထောင်ရင်း သူမ ပြန်ပြောလိုက်သည်က"၃နာရီတည်းနဲ့ ဘယ်လိုအိပ်မလဲ။မအိပ်တော့ဘူး"
Venessa၏စကားကြောင့်Fridiမှာ ဘာမှဆက်မပြောတော့ဘဲ ထွက်သွားလိုက်သည်။Venessaသည်ငြိမ်သက်စွာထိုင်နေရင်း အတိတ်အကြောင်းပြန်လည်စဉ်းစားနေလိုက်သည်။
ထိုနေ့က သူမတို့၂ယောက်လုံးဒဏ်ရာအသီးသီးရကာ မလှုပ်ရှားနိုင်တော့သည့်အချိန်တွင်Fukouu ရောက်လာသောကြောင့်ကံသီစွာလွတ်လာခဲ့ခြင်းပင်။Lim Yaung၏ လူယုံ Fengသည်လည်း ငတုံးတစ်ယောက်မဟုတ်သောကြောင့်ဒဏ်ရာရနေသော သူ့ကိုသာ တွဲခေါ်ရင်း ထွက်ပြေးသွားလေသည်။
Fukouuအကြောင်းတွေးမိလိုက်သည်နှင့်သူမနှလုံးသားမှာ အလွန်အမင်းနာကျင်လာရသည်။သူမဘဝတွင်ရှားရှားပါးပါး ချစ်ခဲ့မိသူတစ်ဦးက အစကတည်းက နောက်ကျောကိုဓားနှင့်ထိုးနေခဲ့သည်လေ။ ထို့ပြင်Mei ထိုသို့ ဖမ်းမိသွားရခြင်းမှာ သူမအပြစ်မကင်းပေ။
သူမသာ Meiသူလျှိုလုပ်မည်ဟုဆိုတုန်းက ခေါင်းမငြိမ့်ခဲ့လျှင်၊နောက်ဆုံး သူသာFukouuကို ထိုအကြောင်းမပြောခဲ့လျှင်Mei နာကျင်ရမည်မဟုတ်ပေ။သူမသည်လည်း ငတုံးတစ်ယောက်မဟုတ်သောကြောင့်Meiအကြောင်းဖော်စားသွားသူမှာ Fukouuမှလွဲတခြားသူမဖြစ်နိုင်မှန်းသိနေပါသည်။
YOU ARE READING
Midnight Flower (Season 2)
Actionဟန်ဆောင်မှုတွေ လ်ိမ်ညာခြင်းတွေကို ပြန်စတင်လိုက်ရအောင်.... မုသားတွေ ပြည့်နှက်နေတဲ့ ဇာတ်လမ်းတစ်ပုဒ်ကိုအမှောင်ထဲကနေငါပြောပြမယ်..... နားထောင်မလား.. Own Creation Not Translation The Second Season Of Masquerade Series Starting Date...