نوفيلا حبيبي محامي بقلمي منى ارام
الفصل الاول
كانت الساعة الثامنة والنصف صباحا ذخلت الى غرفة والدتها لتوقضها قبل الذهاب الى العمل
فوجدتها قد استيقظت واعتدلت جالسة تمسك سبحتها بين يديها .
نجوان :صباح الخير يا اما
فدوة : صبا ح النور يا حبيبتي
نجوان: انت صحيا من بدري ولا ايه .
فدوة : من شوية صغيرين كدا
نجوان : وماندهتيش عليا ليه ياحبيبتي
فدوة : ماانا كنت سمعاكي مشغولة في المطبخ
نجوان : اه كنت بحضر الغدا قبل ماانزل الشغل .وكمان جهزتلك الفطار ،حجيبو نفطر سوا وتخدي دواكي بعدها اروح المكتب واي حاجة تعوزيها ترنيلي على التلفون وتلاقين عندك
فدوة : ماتشغليش بالك بيا يا بنتي حعوز ايه ياعني ثم ان ام ابراهيم جارتنا بتجي كل يوم تشق عليا بعد مابتنزلي زي ماانت موصياها
نجوان : ماشغلش بالي بيكي ازاي يا اما امال حشغل بالي بمين
فدوة : تشغلي بالك بمستقبلك يا بنتي نفسي اشوفك متجوزة واطمن عليكي قبل ما اموت .
نجوان : بعد الشر بلاش كلام دا يا اما انت عرفه بعصبني ازاي ، ثم جواز أيه وهم ايه هما الي تجوزو خدو ايه غير القرف والغلب ،دا قواضي الطلاق الي بتجلنا المكتب اكثر من الهم على القلب .وتقوليلي جواز .
فدوة : بس يا حبيبتي انت مش بترضي تقابلي العرسان الي بجولك اصلا
نجوان تغلق الموضوع : أما أنا اتاخرت على الشغل يلا حجيب الفطار وتاخدي الدواء وتخرج ذاهبة الى المطبخ
فدوة : ربنا يهديكي يا بنتي و ريح بالي عليكي
هي نجوان احمد الزيات يدعوها الجميع بنوجة ، فتاة في الثالتة والعشرون من العمر جميلة جدا ببشرة بيضاء وعيون زرقاء ساحرة محجبة تعيش رفقة والدتها المريضة المقعدة في منزل بسيط بحارة شعبية .
طيبة ومحبوبة بين الناس لأنها خدومة (جدعة)
لكنها سليطة اللسان ولا تترك حقها ابدا
تعمل سكرتيرة في مكتب محاماة بنفس الحارة التي تعيش بها
ترفض الزواج لعدم رغبتها في التخلي عن والدتها المريضة .
بعد مدة في المكتب
تذخل فتاة في نفس عمر نجوان باكية : الحقيني يانوجة يااختي
نوجة : وقدانتفضت من مكانها مالك ياسمية في ايه
ثم نظرت إلى وجهها فشهقت وضربت على صدرها
نوجة : يالهوي مين الي عمل فيكي كدا
سمية باكية : مرسي جوزي
نجوان : الواطي الجبان دي مش اول مرة يعمل فيكي كدا .بس انت الي سكتالو قلتلك مئة مرة نرفعلك قضية نطلقك منو بدل المر الي انت فيه
جاءها صوت محاسن التي لحقت ببنتها
محاسن : ماتتلمي يابنت يا نوجة انت عاوزة تطلقي البنت وتخربي بيتها
نوجة : جرى ايه ياولية مش شايفة الواطي جوزها عمل فيها ايه داخلا وشها زي حبة البتنجان .من كثر الضرب
محاسن: لو اي وحدة جوزها يضربها قلمين تطلب الطلاق كانت ستات مصر كلها مطلقين
نوجة : قلمين كل دا وتقوليلي قلمين دا مافيش حته في جسمها سليمة، اتقي الله.
بت ياسمية سيبك من امك دي وتعالي نروح القسم نعمل محضر لابن الكلب دا
محاسن : ماتذخليش نفسك في الموضوع يانوجة
ماتخليش اغلط فيكي انا عاملة حساب للعشرة
نجوى : جرى ايه ياولية هو انت تبيعي وتشتري في وكمان عاوزة تغلطي فيا
محاسن : ماانت الي مش عاوزة تتلمي ولاهي الغيرة الي مخياكي تطق من جنابك وعماله بتوزي فى البت وعاوزة تخربي بيتها
شهقت نوجة : غيرة غيرة من ايه ياعناييييييا
محاسن : اه غيرة اكمن بنتي قدك ومتجوزة عندها بدل العيل اثنين وانت لس قاعدة في قرابيز امك
نوجة : جواز أيه الي بتكلمي عليه وهو انت تسمي الي بنتك فيه دا جواز دي رميت كلاب بعيد عنك ولا جوزها دا جوز الشراب ابرك منو على الأقل ليه فايدة
حتفضلي ترخصي في بنتك كدا لغاية مايجبهالك في نعش وبقي طلعي بقا مع ريهام سعيد احكي حكايتها
محاسن : مالكيش فيه ابعدي انت عنها بس وهي تتحل
نوجة : شوف الولية العقربة ولا كاني بتكلم عن ضناها
بت ياسمية سيبك من ام أربعة و أربعين دي لايمكن تكون ام وتعالي اخلي سي استاذ المحامي يرفعلك قضية وخلعك من المخفي جوزك دا
سمية وهي تنظر لامها بخوف : لا لا يانوجةان مش عاوزة اخرب بيتي انا عندي عيال يااختي
نوجة امال : جايه للمحامي ليه تكونيش عاوزاه يطبطب عليكي
محاسن : وانت مالك يكنش المكتب بتاعك واحنا مانعرفش
نوجة : لا انا هنا السكرتيرة واي قضية بتيجي لسي الاستاذ المحامي لازما تعدي عليا في الاول
ويلا يا ولية انت وهي منهما جبتولي صداع عا الصبح ايلاهي يحرقكو نسوان سكة صحيح
محاسن : انت بتطردينا من بيت اهلك مش حنمشي الأ لما نقابل سي الاستاذ
نوجة: وسي الاستاذ لس ماجاش، لما يبقى يجي ابقي تعاليلو .ولو اني عارفة انت عاوزة ايه منو بلبسك المحزق الملزق دا، ياشيخة احترمي سنك دا انت رجلك والقبر .
محاسن : قبر يلمك انشاء الله .دا الي في سني لس ماخشوش دنيا
نوجة : قصدك حيخشو اخرة , والله لو اتشقلبتي زي القرد عمرو ماحيبصلك
داراجل محترم متجوز ست تتلف في سلوفانة ،يبصلك على أيه انت يا عرة النسوان
بت يا سمية خدي امك العقربة دي ومشي من وشي مش عاوزة امد ايدي عليها
وبقي عدي عليا المسا نتكلم .
في مكان ارقى
كان يجلس على طاولة الإفطار رفقة والديه واختيه
مجدي : قلت ايه يا مهاب حتنزل معايا المكتب النهاردة ولا لا ياابني
سلاف : مكتب ايه يا مجدي
مجدي : مكتب الي فالحارة .عاوز مهاب يمسك الشغل إليه هناك طول ما احنا في الحج
سلاف: مش كثير عليه دا كفاية شغل شركة المحاماة الي حيبقى كلو عليه
مجدي : دول كلهم يومين في الاسبوع الي حيرو هم هناك وإجراءات القضايا حيخلصها كام محامي منعندنا في الشركة زي كل مرة
اسيل : مش عارفة يابابا انت متمسك بالمكتب دا ليه مع انو بقا عندك أكبر شركة محاماة في البلد بس لس مصر تشتغل فيه
سلاف : لانو كان فاتحة الخير عليه
مجدي : مش بس كدا المكتب دا بعمل بيه خير لربنا انت مش عارفة يا اسيل يابنتي كام غلبان ضاع حقو علشان معوش يدفع اتعاب محامي .انا بحاول اساعد الغلابة علشان ربنا يبركلي في مالي وفيكم
امل : ربنا يخليك لينا يااعظم اب في الدنيا
مجدي : وخليكو ليا يا حبايبي
ثم التفت لمهاب : ها يابني ساكت يعني ماقلتلوش رايك
مهاب : الي تشوف يا حج ثم أردف وهو يقف مغادرا
انا عندي محكمة بعدها حعدي على الشركة بعد الظهر حعدي على حضرتك هناك
مجدي : طيب يا بني ربنا يقويك
مهاب: يقبل يد والده و خد أمه ويغادر
هو مهاب مجدي سراج الدين في الثلاثين من العمر وسيم جدا بجسم رياضي وملامحه الجادة المحببة
والجدية اهم طباعه يكاد لايضحك قليل الكلام . من اشهر المحامين الشباب في مصر لا يخسر قضية وكلت إليه ورغم أن أباه من أسس شركة المحاماة لكنه كان مساهما في انجاحها بشكل كبير مما جعل والده يذخله شريكا فيها
بعد الظهر في مكتب المحاماة
مجدي :يلا نوجة روحي انت علشان تتغدي وتطلي على والدتك وانا حستنى شويا علما مهاب ابني يجي
نوجة : حاضر ياسي الاستاذ تامرش باي حاجة
مجدي : لاروحي وماتتاخريش في الرجعة عاوز افهمك كام حاجة في الشغل مع مهاب
نوجة انت تامر . سلام.
نزلت الدرجة تعدل من طرحتها التي فكت ولم تنظر أمامها لتصطدم بشخص ما
رفت عينها وفي نيتها مسح السلم العمارة بهذا الشخص لكنها تراجعت حين ألقت نظرة على هيئته وعرفت على الفور أنه ابن الاستاذ مجدي.
مهاب بنظرة حادة : مش تفتحي
نوجة :في نفسها : اه لو مكنتش ابن الاستاذ بس كنت خليت شبشبي يسلم على قفاك بس تقول ايه اكل العيش
نوجة: بصوت حاولت تلطيفه : معلش يا استاد ماخدتش بالي
لم يرد واكمل طريقه صاعدا الدرج
نوجة : وكمان بتتنك باينها ايام سودة دا غير أبوه خالص ربنا يجيب العواقب سليمة يرحمنا من الناس الغتة يارب .
انتهى الفصل الاول
انا حاولت اصلح الأخطاء الي كانت موجودة
اسفة العتب على النظر
رأيكم مهم 😍😍😍😍😍
