نوفيلا حبيبي محامي بقلمي منى ارام
الفصل العاشر
صاحب أدان الفجر صوت قرع قوي على الباب
كانت نوجة تقرع باب شقه ام ابراهيم وهي ترتجف خوفا
فتحت لها أم إبراهيم فزعة
ام ابراهيم : خير يا نوجة مالك ايه الي حصل حاجة كف الله الشر
نوجة : الحقيني يا أم إبراهيم الحقيني .امي جيت اصحيها تصلي الفجر مابتردش عليا مش عارفه مالها
ركضت أم إبراهيم مع نوجة نحو الشقه وهي تردد
ام ابراهيم : يا ساتر استر يارب ياساتر استر يارب
ذخلت ام ابراهيم الى غرفة فدوة ،فيما اتجهت نوجة نحو المطبخ و هي تقول : حجيب شوية ميه علشان نفوقها
ثم عادت وهي تحمل كوب ماء ،فوجدت ام ابراهيم تخرج من غرفة والدتها مطرقه رأسها في حزن
نوجة : خير يا ام ابراهيم امي فاقت ولا لس ،
حركت ام ابراهيم رأسها بالنفي
نوجة : طب حروح أجيب لها دكتور او نوديها المستشفى احسن
ام ابراهيم وقد امتلأت عيناها بالدمع : مافيش داعي ربك اخد امانتو يابنتي
نوجة : يعني ايه مش فاهمة
ام ابراهيم: الباقية في حياتك يابنتي
سقط الكاس من يدها واخدت تهز راسها نافيه من اثر الصدمة
نوجة : لا امي مامتتش امي حتفوق دلوقتي
وركضت غرفة والدتها واخدت تهزها: قومي يا اما
قومي يا اما .قومي يا اما الفجر ادن ،قومي تصلي ،
بكرة الصبح تصحي تخنقيني ليه ماصحتكيش تصليه،
قومي يا اما ما تعمليش فيا كدا ،احنا ماتفقناش على كدا ،انت قلت حتفضلي معايا ديما انا وانت وبس
قومي يااما
ام ابراهيم : يابنتي ارحميها وارحمي نفسك دا قضا ربنا
نوجة لا هي حتقوم دلوقتي امي مش حتسبني لوحدي
ثم أكملت وقد على بكاؤها .
قومي يا ما ماتسبينيش ماليش غيرك يا اما قومي وانا اعملك الى انت عوزاه ومش حزعلك ثاني ,قومي وحقابل العريس الي جابتو ام عصام ،حقابل كل العرسان الي انت عاوزاهم بس قومي ونبي ونبي يا اما
سيباني لمين ماليش غيرك ،حرام عليك يا اما مش حقدر اعيش من غيرك
آ........ه يااما انا مش تعبانة رحت ليه .انا اشيلك العمر كلو وعمري مااتعب .انا عمري ماتعبت منك قومي وانا اشيلك العمر كلو بس قومي يا اما
ا.........ه يااما ا.........ه يااما
وظلت تبكي وتنتحب وهي تضم امها ألى صدرها مدة طويلة
اجتمعت الجارات في الخارج باكيات رفيقه العمر
والم نوجة وصوتها الذي يقطع القلب هز كل من في الحارة .
بعد مدة ذخلت ام ابراهيم لها
ام ابراهيم : كفاية يا بنتي حرام عليكي الى بتعمليه فيها دا .استهدي بالله وقومي خلينا نجهز خرجة امك .اكرام الميت دفنو .المغسلة جات برى قومي يلا
نهضت في وهن بعد أن قبلت راس امها وغطته ودموعها تنهمر امطارا .مسحت بيدها على وجهها وقالت : مافيش حد حيغسل امي غيري
ام ابراهيم : مش حتستحملي يا حبيبتي
نوجة : مافيش حد حيغسل امي غيري .طول عمري بحميها باديا .وهي بتتكسف امي بتتكسف يام ابرهيم
مافيش حد حيغسل امي غيري
احتضنتها ام ابراهيم باكية
نوجة : امي راحت ياام ابراهيم راحت وسابتني لوحدي امي راحت
ام ابراهيم : ادعياها يا حبيبتي هي محتاجة دعاكي دلوقتي ادعلها ربنا يرحمها ويثبتها عند السؤال
امك طول عمرها راضيه عليك ،ادعيلها دعوة الابن الصالح بتنفع صاحبها
نوجة : ربنا يرحمها ويغفر لها ويسكنها فسيح جناته
ربنا يرحمها ويغفر لها ويسكنها فسيح جناته
ام ابراهيم : ايوى كدا شد حيلك يا بنتي ويلا نشوف حنعمل ايه.
دفنت السيدة فدوة ،وكان مهاب و والده الاستاذ مجدي اول الساعين في جنازتها حتى أنهم وقفو مع جيرانها في الحارة لتلقي العزاء،
لازم مهاب الحارة مند نهاية الدفن ولم يغادرها ابدا حتى أنه كان يبيت في مكتب والده
كما رافقت امل نوجة وظلت تبيت معها ،اما السيدة سلاف فكانت تزورها يوميا
مرت خمسة عشر يوما ونوجة تلازم غرفة والدتها
حتى زارها الاستاذ مجدي في محاولة إخراجها مما هي فيه
مجدي : بعدهالك يانوجة حتفضلي على الحال دا كثير
دا قضاء ربنا يا بنتي كلنا لها في الاول وفي الاخير،
طول عمرك ايمانك قوي ،فين نوجة الي اعرفها فين
نوجة القوية
نوجة : موت امي كسر ظهري يا استاذ مجدي
مجدي : لا انت عمرك ماحتقدر حاجة تكسرك لأنك قوية بقلبك وبعقلك
طب انت عارفه مين الي قالي الكلام دا عليكي
رفعت نوجه رأسها اليه بنظرة متسائلة
مجدي : باباكي
ايوى باباكي ،كان في يوم انا سالتو ليه مارجعش الصعيد وتجوز وخلف ولد زي ما جدك كان عاوز على الأقل حيسبلك سند في الدنيا بعديه
عارفة قالي ايه
قالي: بنتي مش محتاجة سند بنتي حتسند بنفسها لان ببنتي قويه بعقلها وبقلبها
اوعي يا نوجة تخيبي املو فيك يلا قومي وشد حيلك عاوز اشوف نوجة الي بتسند نفسها وبتسند غيرها
ابتسمت نوجة له بالم فضمها إليه بحنان وقال : انت مش لوحدك انت طول عمرك بنتي وحتفضلي
ثم إنا معيا ضيف عاوز يشوفك بس مكسوف حبتين
نوجة : مين
وقف مجدي أمام الباب ونادى : تعالي يا اسيل
دخلت اسيل في استحياء ووقفت صامتة
توجد : اهلا يااسيل ازيك
اسيل : ازيك انت يا نوجة .الباقية فحياتك
نوجة : وفي حياتك الباقية.وافقه ليه تعالى قعدي
جلست اسيل بقربها
مجدي : اسيبكم انا بقا وامشي اصلي عندي شغل متلتل في الشركة .مهاب ساب كل حاجة فوق راسي وقاعد هنا ثم خرج مغادرا
اسيل : انا اسفة يانوجة على كل الكلام الوحش الى قولتهولك
بعد ماانت ما مشيتي من الحفلة وحدة صاحبتي ورتني
فديو صورتو بيبن الي عملو معاكي ايمن
انااصلا ما كنتش محتاجة اشوف حاجة علشان اعرفوا على حقيقته
كلامك كان كافي ليا، كلامك فوقني من الغيبوبة الي كنت فيها،.خلاني اشوف انا بغبائي وصلت نفسي لفين وانا بجري وراء حب مزيف
انت الوحيدة الي واجهتني بغلطي فوشي، بقوتك خلتيني أكره ضعفي
علشان كدا جيت اقولك اوعي تضعفي انت في ناس كثير بتقوى بيك اولهم انا
احنا محتاجينك يانوجة
ابتسمت لها نوجة وقالت : انت بنت طيبة يا اسيل واكيد ربنا مخبيلك الاحسن
اسيل وهي تمد يدها للمصافحة طب ممكن نبقا صحاب
نوجة : وهي تجدبها محتضنة ممكن جدا
اسيل : انت انسانيه جميلة جدا يانوجة وانا دلوقتي عرفت مهاب بيحبك ليه
خجلت نوجة من كلامها
اسيل : بالمناسبة مش حترحميه وتطلعي بقا
دا قاعد في مكتب بابا ومش بروح البيت ابدا
داانا حتي لما شفت اتخضيت وقولتلو البنت كدا حتقرف منك
شقت الابتسامة تغر نوجة
اسيل : ايو كدا خلي الشمس تطلع وتنو على اخويا الغلبان دا
سمعو قرعا على الباب وذهبت اسيل لتفتح
بعدها بقليل اسيل على الهاتف مع مهاب
اسيل : الحق يا مهاب في ناس جو من الصعيد عاوزين ياخدو نوجة معاهم .
يتبع
الجزء دا بمناسبة عيد الأم
هو صحيح نكد بس يخليك تقدر امك واقولها ربنا يخليكي ليا يا امي
والي انو متوفية يدعلها بالرحمة
انا نزلت الجزء الجاهز وحكمل اكتب الباقي
