نوفيلا حبيبي محامي بقلمي منى ارام
الفصل الثالث عشر:
مهاب : يعني ازاي حتنزلي معاهم الصعيد بعد بكرى
عماد: واه وايه يمنع دلوكيت مانتو كده اوكده عتنزلو تكتبو الكتاب اهناك
مهاب : ايوى ننزل سوى مش تنزل لوحدها
صالح: لوحدها كيف ياولدي وهي معنا ،ثم انتم عتتجوزو قريب ،سيبهانا نشبعو منيها هبابة دي الفرجة طالت عمر
مهاب : ربنا مجيب فراق ثاني ياحج، بتنا حيكون مفتوح ليكو تنورونا فاي وقت.
صالح : ربنا يكرم اصلك يا ولدي ،بس بردو جولت ايه عتخليها تاجي معنا ولا لع
مهاب : حقول ايه يا حج ،زي ماهي عايزة
صالح : لاع زي ماانت عاتعوز .بناتنا ماعيكسروش كلمة رجلتهم واصل
مهاب : امرك يا حج خليها تروح معاكم ،بس بشرط
نوجة: شرط ايه
مهاب مبتسما بمكر : كتب الكتاب نهاية الأسبوع مش حستنى يوم ثاني
عماد : رايك ايه يا خيتي
مهاب : بتسالها ليه الراي الاول واخير ليكم. بنات الزيات ماعيكسروش كلمة اهليهم واصل
قالها مهاب بلهجة صعيدية
نظرت اليه نوجة بحدة
وابتسم الحج صالح وقال : باين أن الكلام الي سمعناه عنك صدج وان عن حج محامي عجر .
عماد : بس ناخد رأيها بردك ،جولي رايك وماتخفيش ياخيتي
نوجة : الي انت وجدي تشفوه صح انا موافقة عليه
ابتسم مهاب في انتصار
نوجة بس ليا شرط .
عماد : بخبث : اشرطي وزيدي يا خيتي
نوجة : تسلم ياخويا : شرط كتب الكتاب نهايه الاسبوع بس الجواز مش حيتم الا بعد سنوية امي
مسح مهاب على وجهه وقال تعرف يا حج انا عمري فحياتي ماخسرت قضية .
بس عمري ماكسبت قصاد بنت ابنك دي في حاجة
ضحك صالح وهو يضرب بخفة على كتف نوجة
صالح : ماهي بنت احمد صالح الزيات بردك .
في صباح اليوم التالي دق الباب عندما كانت نوجة تتحدث على الهاتف مع مهاب
مهاب : افتحي الباب دي اسيل انا بعتها علشان تنزلو سواى تشترو الشبكة انا موصي على حجات حلوة عند صايغ معرفة، حتروحي مع اسيل تختاري منهم الي يعجبك
نوجة : ماكنش ليه لزوم اصلا ،قالتها وهي تفتح الباب لاسيل وتشير لها بالذخول
مهاب : مالوش لزوم ازاي في عروسة من غير شبكة
معلش ماقدرتش انزل معاكي عشان عندي شغل متأخر كثير دا انا حتى عندي محكمة دلوقتي و يدوب الحق ارتب اموري قبل اخر الاسبوع
نوجة : عادي ولا يهمك انا مقدرة انك مشغول كفاية
سبت شغلك وقعدت جنبي طول الفترة الي فاتت
مهاب : يسلملي العاقل انا .
طب الدبل انا الي حجيبها بعدين .انا ذاخل المحكمة دلوقتي لما اخلص حتصل بيكي ,خلي بالك من نفسك
نوجة : مهاب .. ..شكرا
مهاب : افتكرتك حتقولي بحبك يامهاب
نوجة : احم يلا عشان متتاخريش على الجلسة ،سلام
مهاب : بحبك يا رخمة، سلام .
اسيل : بلي ريق الراجل حرام عليكي
نوجة : مين يشهد للعروسة
اسيل : هههه قصدك مين يشهد للعريس
نوجة : طب يا اخت العريس البس واجيلك
اسيل : اعملي حسابك حنروح المول نشتريلك فستان لكتب الكتاب كمان ،امل حتلحقنا على هناك
