#قصة_هوانا
#البارت_الخامس_عشر
#بقلم_ضي_الدليمي_
#الناشربارق_العراقي
#اalnasheraliraqi9
عدت يومين وصار العصر ونزلت لاكيت ابوبة وامي واسيد واية...
ـ نور...اريد احجي وياكم شي.
ـ الام...خير شكو بنيتي.
ـ اسيد...شصار.
ـ نور...يا جماعة اريد احجي وياكم علمودهذا الولد.
ـ الاب...خير ان شاء الله.
ـ نور...يا جماعة ترا اني مموافقة عليه.
ـ الام...ليش يمه شبي...رحنا سالنا على اخلاقه والنعم منه، شبيج هيج ليش.
ـ نور...صليت استخارة ومرتاحيت.
ـ اسيد...ترا عيب عليج نور، هيَ الوادم مو لعبة بين ايديج.
ـ الاب...يالله على كل ماصار شي الزواج مو غصب...بس خلي يكون بعلمج راح تتندمين.
تحججتلهم بصلاة الاستخارة الي اصلا ما صليتها، واني اصلا لا فكرت بي ولا عاجبني، هو الولد مبي شي بس اني ماريد استزوج اصلا....
ـ يمه يمته نروحلهم.
ـ اتصل عالمره واگللها جاييكم بشغلة ونروح نخطبها.
ـ اي يمة اتصلي خلصيني عاد.
ـ اليوم اتصل بيها شبيك.
ـ خير ان شاء الله...اليوم اذا متصلتي يصير غير حجي.
ـ لا تخالف اتصل...اتصل.
ادم...
راح نروح نخطب بنية الي....بس ياترا منو البنية هاي؟؟؟؟؟
نور....
اي نور....
راح اروح اخطبها، على گد ما حاولت انساها على گد ما يزيد حبها بگلبي، ما كفيت عن حبها بالعكس تماما، صارلها سبع سنوات من رفضتني، اكو اشياء هواي تغيرت بهاي المدة، بلكت نور من الاشياء الي تغيرت، سمعت من ازهار بالصدفة انه اجو عليها ناس خطابة، واني جن جنوني...ماظل براسي عقل، حلفت يمين لازم اروح اخطبها واحجي وي اهلها مو وياها...
بس ان شاء الله تصير من نصيبي...
نور...
گعدت ثاني يوم الصبح اروح للمحكمة نزلت للمطبخ كلت صباح الخير الكل ردو الا امي...
ـ نور...يوم شو ماكو صباح النور.
ـ الام...عوفيني روحي ولي ما احجي وياج.
ـ نور...ليش شسويت.
ـ الام...ماسويتي شي بس خجلتيني گدام ام اكرم.
ـ نور...يعني اذا رفضت ابنها اصير خجلتج.
ـ الام...نور انتي بنتي واعرفج...انتي رافضة الولد من البداية...لا صليتي استخارة ولا فكرتي بي، ما طول انتي هيج ليش تخليني اخجل وي الناس.
ـ نور...يمه اتصور اني گتلج ماريد ازوج...على يالله مع السلامة اني رايحة.
نور...
كلام امي بي شي من الصحة، بس اكو شي ديخليني ارفض كلمن ياقدملي، وضليت افكر وافكر، لحد ما اكتشفت انه اني عندي كومة شغل وكومة قضايا بالمحكمة، وبالمكتب همين، اكثر القضايا الاستلمتها قضايا الطلاق والميراث وهاي السوالف، اكو هواي منهم ظالم بزي مظلوم، واكو فعلا مظلوم...
ولكن اني گبل ما استلم قضية طلاق احجي وي الزوجة واقنعها بانه لازم تتحمل وتصبر، واكو منهم يقتنعون بحجيي واكو منهم يكولون نحنا مظلومات واكو فعلا مظلومات بينهن...يتعرضن للضرب والاهاين....
يمكن هذا الشي مديسمحلي افكر بالزواج ككل...
ادم...
واتصلت امي على ام اسيد، وگالتلها اليوم جاييكم بشعلة، وراح نروح العصر، متشاگ لشوفة نور، مشتاگلها كلش، وصار العصر ورحنا اني وامي وازهار، ودخلنا للبيت واستقبلونا ونعم الاستقبال، مرت نص ساعة ولا امي تحچي بموضوع الخطبة، ولا نور تجي واكحل عيوني بشوفتها، لحد ما سمعت صوت باب البيت الخارجي يعلن على انه واحد اجه...وطلعت اية من باب الاستقبال المطل علكراج، وشفت نور شفت بت گلبي...واخيراً شفتها.
&&&&&&&&&&&&&&&&&&&&&&&&
#قصة_هوانا
البارت_السادس_عشر
#بقلم_ضي_الدليمي_
#الناشربارق_العراقي
#اalnasheraliraqi9
أنت تقرأ
قصة هوانا بقلم ضي الدليمي الناشربارق العراقي
Fantasyملاحظه القصه خياليه نشعر بأن الحياة تصنع لنا ما نريد، وبعدها نكتشف العكس. نحب بجنون، ونشعر بأننا سكنا قلوب من نحب، وبعدها نكتشف العكس. نصل الى نهاية صبرنا، ونشعر بأن الحياة قد اغلقت ابوابها بوجوهنا، وبعدها نكتشف العكس. ويبقى السؤال....هل القادم اجم...
