قصة هوانا بقلم ضي الدليمي الناشربارق العراقي

البارت_39_و_40_

#قصة_هوانا
#البارت_التاسع_والثلاثون
#بقلم_ضي_الدليمي
#الناشربارق_العراقي
#اalnasheraliraqi9

مهند، نور سمعيني زين، وضعنا ما ينحمل، اني موافق على كلشي انتي اختاريتي بنفسج، بس مرضيان عنه، راح اسايرج واهدي لعب وياج، لان اني ادري بكسرة كلبج، وفوك كل هذا احبج، وراح اخلي الايام تثبت حبي الج.

نور، مهند انتَ متاكد؟.

مهند، اي.

نور، مهند اني اشكرك على تفهمك لوضعي ولظرفي، شكرا، شكرا على كل شي.

مهند، ماكو داعي تتشكريني، ماكو شُكر بينا.

نور...
فاجأني بقراره، انصاع لرغباتي، حسيت ربي عوضني بي، تصرفه هذا وياي تصرف رجال مسؤول، يحب من كل كلبه، ميحب على جسد، يحب على الروح، قبل بكلشي اني اختاريته، واذا غيره ميتحمل قراراتي هاي، هاي اول خطوة لدخوله لكلبي، ونجح بيها.
مهند...
بعد طول تفكير، اتخذت قرار، اصبر عليها، لاني احبها، ومقدر وضعها، ماكدر اكللها لا، مو لاني مجنون بيها وكاتل روحي، مثل المراهقين، لا...لاني مقدرها، مقدر وضعها، ومتاكد انه راح يجي يوم وتحبني، وتشيل طليقها من كلبها، وتخليني بداله، بالنسبة الي، هذا هو الحب، مو حب جسد وعلاقات فقط، ولكن حب الروح، حب الداخل، هو هذا الحب، حب الشكل ميسوى شي شي كدام حب الروح.
***

اسيا، حبيبتي نور، اليوم اني وانتي نكتب كلشي محتاجته انتي كبل عرسج، حتى نروح للزوك ونشتري.

نور، لاحبيبي لا، ممحتاجه شي، لتعبين روحج.

اسيا، هاي شنو نور، اولا اني اختج ثاني شي شلون ممحتاجة شي، حبيبتي انتي عروس، ومحتاجة صالون ومكياج وملابس، شنو قابل عجوزة حتتزوج.

نور، حبيبتي عيوني كلبي، كتلج ممحتاجة شي.

اية، نور شهل حجي هذا، عروس ممحتاجة شي؟ لا حبيبتي شنو قابل حتروحين لبيت زوجج، بملابس قديمة.

نور، اه، لاااا، اتفقنا اني ومهند نشتري من الموصل.

اية، والصالون؟.

اسيا، ناخذها ويانا للصالون مو بكيفها.

نور...
مر الوكت بسرعة وعبالك ديركض بينا ركض، ورحنا للصالون اني واية واسيا، وبعد يومين عرسي، او بالاحرى المجهول، مادري شنو وشراح يصير، هل يا تُرى راح اكدر اتهنى بحياتي وابلش صفحة جديدة ويَ مهند ؟؟؟، ولا راح ابقى معندة ومتمسكة بالماضي؟؟؟، اسئلة هواي ابالي، ومن هاي الاسئلة هو نور، بنت مهند، شلون راح تتقبلني، راح تحبني، لو راح تكرهني، زين واذا كرهتني ومحبتني؟ شنو الحل؟ شراح اسوي؟، وزين اذا مهند بردت مشاعرة تجاهي، شراح اسوي؟ راح اتقبل الموضوع، لو راح تنكلب الدنيا راس على عقب؟، محتارة انا، ومظل شي ويودوني لمجهولي، وصار اليوم المنتظر.
مهند...
اليوم عرسي على نور، مو عرس، بس راح اخذها لبيتي، مراح اخذها لحضني، زواج بالاجبار، هذا زواجنا بالنسبة لنور، نور محتارة...
مدتكدر تتخيل انه هي منفصلة عن ادم طليقها، وهو عايش حياته ولا سائل عنها.
ومدتكدر تتخيل انه اني مغرم بيها ومجنون عليها.
هي محتارة، ومغمضة عن الواقع، هي عايشة بخيال، وبوهم، وهذني-الخيال والوهم- معذبيها ومدمريها...
مر الوكت بسرعة ورحنا لبيتهم ناخذها، اني والاهل، امي وابوية واختي اماني، طبعا راح ناخذها من البيت بدون عرس او شي، فاجينا من الموصل، وحجزلنا  الوالد سويت بالفندق، خطية الاهل حسبالهم عرس من صدك، وهم يرجعون للموصل كوبل...
نور...صار الوكت، كملت لبس فستاني الي صاير حلو علية، واني اتذكر يوم عرسي على ادم، شكد جان يوم حلو، جان يوم اروع من كلشي صار، نزلن دموعي، وبقت اسيا تهدي بيا، وكامت تبجي بس بسكوت، حطيت راسي بحضنا وكمنا اثنينا نبجي...