حلقة « 8 »
من رواية "الم فتاة "
للكاتبة ( عاشقة الصمت) ممنوع تحريك الاسم من مكانه 🐼💛.
----------------------------------------
انا : وين كنتي .
دعاء : مع نضال .
انا : هذا كله وتقولي عندي بنت نبي نشوفها .
دعاء : هههه خذاء ايميلي .
انا : و حتى انا .
دعاء : نضال خدا ايميلك 😤.
انا : هههه خيرك غرتي قصي خداه .
دعاء : قولي من الاول .
انا : و انت خليتيلي فرصة نحكي .
دعاء : باهي هيا خشي الدكتور شويه و يجي
~~~~~~~~~~~~~~
~~~~~~~~~~~~~~
بيسان : امال قولي لي امي .
امال : امي نبيك في موضوع.
امها : شن .
امال : امي جاين عرب لي بيسان بكرا .
امها: باهي يتفضلو .
بيسان فرحت و عدت تتصل بي رواد ...💗
رواد : الو حبيبتي .
بيسان : تفضلو بكرا .
رواد : حكيتي لي امك .
بيسان : ايه .
رواد : نحبك .
بيسان : نموت فيك و نعشقك بجنون .
رواد : توا باي زوجتي المستقبلية .
بيسان : هههه باي زوجي المستقبلي .
~~~~~~~~~~~~~
~~~~~~~~~~~~~
انا في القاعة و خش قصي انا استغربت .
قصي : دكتور عادي ندخل .
الدكتور : انت هنا .
قصي : ايه .
الدكتور : خش و معش اتأخر .
قصي جاء قمعز جنبي .
انا : كيف جيت هنا .
قصي : بي كرعيه.
انا : بارد عارفه هذا مش قسمك .
قصي : عادي .
انا : الدكتور كيف ما عرفكش .
قصي : دكتور جديد ما يعرفنيش .
انا : باهي خلاص بنركز .
قصي : محد ماسكك .
انا : بارد .
قصي : زعلتي .
انا : اسكت خلاص .
قصي مسك يدي انا جيت بنكرها شد عليها بالقوه .
انا : حول راهو يشوفنا حد .
قصي : اسكتي و ركزي .
انا ساكته مش عارفه عليش مسك يدي لكن شعور يهبل ....💗
بعد ما تمت المحاضره
انا : حول يدك بنطلع .
قصي : باهي باي .
انا : باي .
و طلعت .....
~~~~~~~~~~~~
~~~~~~~~~~~~
دعاء : خيرك تهدرزي انتي و قصي .
انا : تعالي نحكيلك .
دعاء : هيا و قمعزنا .
انا : الي صار .............
دعاء : واو شكله يحبك .
انا سكتت .
دعاء : بلاش حشم هيا نروحو .
انا : هيا اركبي .
و روحت
~~~~~~~~~~
~~~~~~~~~~
دعاء مكسده نت .
جاها طلب صداقه عرفاته هو ..💜
نضال : السلام عليكم .
دعاء : و عليكم السلام .
نضال : كيف حالك دعاء .
دعاء : الحمد الله نضال صح .
نضال : ايه 😉.
و قعدو يهدرزوا .
~~~~~~~~~~~~~~
~~~~~~~~~~~~~~
كنت فاتحه نت و نهدرز على الواتس مع رواد .
رواد: و بكرا بنمشي نخطبه .
انا : الف مبروك رودي .
رواد: يبارك فيك .
انا : و امتى ادير العرس .
رواد : منيش مطول.
انا : باهي وين بتسكنو .
رواد : بنشري فيلة .
انا : ربي يتملك على خير .
و يجيني طلب صداقه من قصي ...💛
انا : هيا سلام توا .
رواد : سلام .
.
.
وفقت على الطلب
انا : السلام عليكم.
قصي: عليكم السلام.
قصي : كيف حالك توا .
انا : كويسه و انت .
قصي : كويس بشوفت كتابتك .
انا : امم شن ادير .
قصي : لا شي قاعد في الحوش .
انا : باهي .
قصي : و انتي .
انا : حتى انا .
قصي : نسئلك سؤال ؟!!
انا : عادي .
قصي : مرتبطه .
انا : لا .
قصي : باهي .
انا : عليش اليوم خشيت لي القاعه متاعنا .
قصي : الدكتور متاعي غايب .
انا :شكلك ديما ادير فيها .
قصي : لا اول مره .
انا : باهي توا باي بنرقد 😴.
قصي : باهي شكلك خميره نوم .
انا : لا بس تعب باي .
قصي : باي .
وخشيت رقدت نوم اهل الكهف 😂😂....
~~~~~~~~~~~~~
~~~~~~~~~~~~~
الساعة 4:30 م
رواد : امي خلاص بكرا ماشين .
خالتي حنان: انشاء الله .
زياد : والله خوي بيقعد عريس 😂.
خالتي حنان : خيره مليون وحده تتمناه .
زياد : هههه يا ناري عليه مراتك .
رواد : ترا نوض من حداي و هو ينق .
ايناس : ريفت ع حياة .
زياد : ما تكلميش فيها .
ايناس : مره مره بدت هيا جامعة .
رواد : ايه كلمتها ابدري واتس قالت بدات .
ايناس : توا نكلمها .
زياد : افتحي المايك
ايناس : باهي .
ورنت عليا ترن ترن .......
انا نسمع في الهاتف فتحت و عين مغمضه و عين مفتوحة 😂.
ايناس : الو حياة كيفك .
انا : امليح و انتي .
ايناس : خيره صوتك شكلك نوم .
انا : نكلم فيك من عالم الأحلام .
زياد : هههه عالم الاحلام صار .
انا نضت : اهلا وسهلا شكله الكل يسمع فيه .
ايناس : فضايح 😂😂.
انا : باهي قاعده نتكلم ب اداب😂 مبنوش الفاضيح.
ايناس : هههههه.
ويدق الباب 👊
انا : خليك على الخط شويه .
ايناس : باهي .
فتحت الباب .
ماريا : تنادي عليك المدام.
انا : باهي قوليلها نازله و انتي وتيلي حاجة نأكلها .
ماريا : تمام .
و سكرت الباب .
انا : وينك يا بنت .
ايناس : قاعده .
انا : هيا باي .
ايناس : المدام تبيك .
انا : ههه ايه هيا سلام و سلميلي على الكل .
ايناس : وصل ☺.
.
.
خشيت الحمام « حشاكم » و نزلت
انا : وينها امي
ماريا : في الجنان .
انا : اوكي .
مشيتلها 🚶
انا : مساء الخير يا غاليه .
امي : مساء النور .
انا : كيف حالك اليوم.
امي : بخير .
انا : قلتلي ماريا تبيني .
امي : ايه نبي نهدرز معاك .
انا : باهي خليني نخش نخد اليكال و نجيك .
امي : متغديتيش
انا : هههه كيف نضت .
امي : باهي يا سنفور كسول عدي جيب يكالك و تعال.
انا : حاضر😂.
انا : ماريا و ين اكلي .
ماريا : تفضلي .
انا : يسلمو .
و طلعت لي امي ....❤
انا : بنكلم دعاء اتجي .
امي : باهي .
انا : اوكي بنرقا نجيب الهاتف .
امي : باهي .
رقيت خديت الهاتف
ترن ترن........
دعاء : الو .
انا : اهلين شنجك .
دعاء : تمام .
انا : تعالي اليوم عندي مكسده .
دعاء : توا نشوف صهيب كان با.
انا : دبري راسك اهم شي اتجي .
دعاء : اوكي يالا سلام .
انا : سلام .
سكرت و نزلت نهدرز مع امي ❤
~~~~~~~~~~~~~
~~~~~~~~~~~~~
دعاء خشت على صهيب في الدار 🚪
دعاء : صهوبي حبيبي .
صهيب : شن تبي احكي .
دعاء : سلم خوي يفهم طول .
صهيب : اوكي شن تبي .
دعاء : نبيك تشيلني لي حياة .
صهيب : مش كنتو مع بعض .
دعاء : ايه بس تبيني ضروري.
صهيب : نص ساعة و نلقك واتيه.
دعاء : سلم خوي الغالي .
~~~~~~~~~~~~~~~~
~~~~~~~~~~~~~~~~
يتبع...........
اتمنى ان تنال اعجابكم الحلقة 8 من رواية الم فتاة
للكاتبة « عاشقة الصمت...💛 »
انتظروني في الحلقة القادمة ✌💚
