الحلقة "3 "
من رواية " الم فتاة "
للكاتبة « عاشقةالصمت » ممنوع تحريك الاسم من مكانه 🐼💛
------------------
عندي انا نضت و وتيت روحي علشان بنطلع لي المحلات لبست قميص ابيض في السماوي و سروال امريكي و شوز كحلي و نظراتي و نزلت .
انا: ماريا كباية نسكافي فيسع.
ماريا : حاضر مدام .
طلعت سخنة السيارة و ترن دعاء.
دعاء : مساء الخير او صباح الخير .
انا: ههههه لا مساء الخير نايضه من بكري بنطلع لي المحلات بنشري دبش لي السفره.
دعاء : كلمتك علشان الموضوع هذا هلي وافقو لكن بعد عنا و تعب .
انا: ههههه باهي بعد 6 ايام الرحله .
دعاء: اسمعي بنطلع معاك .
انا: باهي وتي روحك شويه و بنطلع من الحوش .
انا قبل بنطلع بس ادكرت موضوع خوالي و عديت شور فيلة عمي عبد السلام .
ملاك: شن الجو .
انا: تمام وين عمي .
ملاك: جواه في الصاله .
انا: هيا وجك توا .
خشيت لقيته في الصاله مع مراته .
انا: السلام عليكم.
عمي عبد السلام : وعليكم السلام كيف حالك حيوته .
انا : الحمد الله جياتك في موضوع يا عمي .
عمي : انشاء الله خير .
انا: خير انا نبي نعدي لي خوالي بعد بكرا .
عمي: والله يا ريت كلهم يبوك و يسئلو عليك.
انا: باهي و ين يعيشو بضبط .
عمي : في بنغازي منطقة.... عندهم قطعة عايشين فيها مع بعض و انتي امشي و اطلعي من غادي لي ماليزيا .
انا: هكي بيصير شكرا يا عمي و توا بنطلع ناقصاتني حاجات .
اكيد استغربتو علشان نطلع و نخش نحن عيلتنا عادي عندهم كل شي لكن وقت يغلط حد في عقوبه .
ماريا: مدام النسكافي.
انا: اسفة طولت وخديته .
طلعت و تكيت على دعاء .
دعاء: شن الجو .
اناو الفرحة على وجهي : تمام التمام .
دعاء: شن فيه لين فرحانه .
انا: باين عليه قصدك.
دعاء : ايه غير احكي .
انا: بنعدي لي خوالي بعد بكرا .
دعاء : واخير بنشوفيهم .
انا: هههه عليش .
دعاء : لا غير هكي و شن صار في السفره .
انا: بعد 6 ايام نحجز ليه و ليك .
دعاء : باهي اسمعي صهيب بيعدي لي بنغازي حتى هو مرات نقوله نمشو مع بعض و انا نقعد معاه و بعده يوم الرحله نتلقو .
انا : باهي لكن بعد بكرا ضروري نطلع لاني متشوقه نشوفهم .
دعاء: انشاء الله.
انا: هيا انزلي وصلن .
تسريع الأحداث شرينا ملابس و روحت بي دعاء و روحت الى الفيله رقيت .
انا: شن نالبس بعد نمشي طلعت دي شرت ابيض عليه بنت بي الاسود و جاكه امركيه و سروال امريكي و كويش ابيض فيه الاسود من لوطه و وتيت شنطين دبش و خشيت خديت كتب و خديت عطور و كريمات و سكرت الشناطي و قعدت نفكر كيف رح تكون ردت فعلهم بعد يشوفينيو يقطع التفكير رنة التلفون .
دعاء: الو
انا: شن الجو .
دعاء: تمام شن اديري .
انا: كيف تميت توتاي حاجاتي.
دعاء :حكيت مع صهيب و وافق بعد بكرا الصبح .
انا: اها الساعة 8 .
دعاء : تعالي عندنا بكرا تغدي .
انا : اوكي بكرا عندك لكن مش حا نطول علشان بنرقد بكري .
سكرت منها و لبست توته و رقدت .
