الحلقة « 11 »
من رواية "الم فتاة "
للكاتبة ( عاشقة الصمت) ممنوع تحريك الاسم من مكانه 🐼💛.
----------------------------------------
نضت و معنديش نيه اني انوض اليوم هذا اليوم الذي
منحبش نشوف فيه اي مخلوق نفس هذا اليوم فقدت
فيه اغله اتنين عندي ( بابا & ماما 💔 ) نضت و استغفرت ربي تلات مرات و نضت صليت و لبست سروال بيج و قميص ابيض و ساعة سوده و شوز ابيض و شنطه بيج كتفين حطيت هاتفي و سماعات و شتاتي و طلعت لي الجامعة و معنديش جو لي حد
و صلت قعدت في السيارة علشان منبيش نشوف حد
شويه و قرب موعد المحاضره نزلت خشيت طول الحاضره بعد ساعة تمت المحاضره و طلعت طول حتى مع دعاء مدويتش لانه عارفه انه في هذا اليوم نكره في كل شي 💔
طلعت خديت من الكافتيريا نسكافي و طلعت مشيت لي البحر و نزلت قمعزت على السيارة و نشبح لي البحر و نذكر في اخرى ايام عشتهن مع بابا و ماما و نزلن دموعي 😭
ترجع بينا الذكريات 8 سنين الى الوراء
انا : ماما نبي نعدو خوالي .
ماما : لا مش ماشين بابا عنده شغل .
انا : بيش انا ابي خوالي و قعدت نبكي .
بابا : ليش اميرتي تبكي تعالي لي بابا .
انا جيته حضنته : بابا ابي خوالي انا .
بابا : من عيوني توا نعدو خوالك بكرا باهي .
انا : باهي احبك بابا .
بابا : نموت فيك امورتي .
ماما : مش قلت عندي شغل.
بابا : ايه لكن عادي اهم شي امورتي متزعلش .
انا : انتي تحبنيش ماما بابا يحبني .
ماما : انا حبك يا عيوني بس بابا قلت عنده شغل .
و رقدنا و جاء اليوم التاني .
انا : صباح الخير .
بابا و ماما : صباح النور .
ماما : هيا حيوته خليني نديلك حمام و نمشطك .
انا : باه .
بابا : هيا انا بنركب الشنطة .
ماما : باهي .
مر الوقت و طلعنا من حد الباب .
انا : بابا و ماما .
بابا و ماما : نعم
انا حضنتهم حضن و كاني حاسه اني بنخسرهم : انا انحبكم واجد باه و قعدت نبكي .
بابا : اموتي و نحن نحبوك واجد مش صح حلا .
ماما : ايه نموتو فيك يا طشتنا .
انا بستهم و بعدها ركبنا و طالعين لي بنغازي .
و نحن في اجدابيا يخش فينا بطاح بابا و ماما طول ماتو بس انا اغمه عليه و نسكرت رجلي و جروح .
نرجعو لي الحاضر 😢💔
انا قعدت نبكي : ياريتني ما قلت بنمشي يا ريتني
سمعت كلامك يا ماما كله بسببي يا ريتني مت انا و لا
متو انتم انا السبب كان ما حكيتش راهو توا انتم
معاي ليش ربي ما يحبنيش خداكم مني ليش شن
درت لعند خداكم انتم و قعدت يتيما ليش النار هذي
متبيش تطفى لميت روحي و عديت لي المقبر لي قبر
بابا و ماما 💔 قمعزت نبكي و خلاص و نلمس في
تراب قبرهم 😭
انا : اهلين بابا و ماما 💔 انا توا كبرت و صار عمري 19 سنة انا ريفت عليكم ليش سيبتوني مش قلتو انكم تحبوني اه مفيش حد يحب حد و يسيبه كل يوم نحاول اني نعيش بخير لكن قاعدين في عقلي و قلبي انتم احلى حاجتين في الدنيا و عدو قعدت يتيما 💔 توا انا كبرت و قعدت في الجامعة خشيت طب ياريتكم معاي محتاجه وجودكم جني يوم التخرج كل بنت بيكون جنبه بوها و امها و انا بابا و ماما عدو قبل حتى ما نشبع منهم حرم عليكم سيبتوني صغير منعرفش الصح من الغلط لكن جدتي كانت معاي و تحاول انها تخليني احسن انسانه محظوظه انا علشان عندي جده كيفها لكن انتم الاتنين مفيش شي يعوضني بيكم ماما انا عديت لي خوالي و شبحتهم بعد 8 سنين ريتهم علشان حتى انتي متزعليش يا رب يغفرلكم و انشاء الله تكونو من اهل الجنه توا مع السلامه 😭💔 .
نضت و قلبي يتقطع نفضت دبشي و طلعت ركبت السيارة و طلعت من المقبره رديت لي البحر و قعدت في السيارة و حطيت راسي على الدومان و الدموع ينزلو بعدها مسحت دموعي .
انا : خلاص تعبت انشاء الله ربي يرحمكم و يغفرلكم و نوعدكم معش انزل ادموعي هكي نزيد نعدب فيكم 💔
فتحت هاتفي لقيت رسائل و مكالمات واجد
من دعاء و قصي و مراد و نورسين
قصي
{ حياة ليش هاتفك مقفل }
