حكايات اربعين ليلة فصلية

البارت 15 الغيرة

____💝_____ #حكايات_اربعين_ليلة _____💝____

__⚘___⚘---#البارت_15 ---⚘___⚘___

                《《《《العمارة 1964》》》》

زوليخه :-العمه من حجتلي على الي صار وياها ودمعتي وية دمعتها متوقعت هلكد شايله هم بقلبها هي بعدهي صغير مو جبيرة يطلع ب٣٥ سنه عمرها

العمه :-اووف يزليخه شذكرتيني ولو ماناسيتها بس... المهم الحمدلله على كل حال

زوليخه:-هم كعدت تعلمني شلون امشي بالكعب وشلون اكل بالشوكه والسجين وشلون انسق بالملابس واحجي ويه العالم وووو كومه سوالف

لليل رجعوا جابر وكفاح وياهم ثنين اطفال بنية ولد كلش حلوين يشبهون جابر مكتلكم جابر يخبل شاب كلش حلو من شفته اول مرة وانه عيني عليه بس طبعا ماابين اله بعد جمال عمارجي
..
جابر :-سلام عليكم
الكل :-وعليكم السلام

زوليخه :-عافنه وصعد فوك والعمه هم راحت لان جابر جان مخليها يمي علمود لا اضوج

مرت الايام بملل واني اشتاقيت لاهلي وللهور وللكصب ولريحة الحطب من يحترك الفجرية

مر ثلاث اشهر على جيتي البيت جابر كمت اضوجن من اشوفنه ويه كفاح وشلون يتغازلون بيناتهم اتمنى انه هم هيج يغازلني ..

جابر :-ماانكر اني كمت انعجب بزوليخه وشكد حاولت امنع نفسي بس مااكدر جانو من ينامون اروح الغرفتها الكاها غاطه بالنوم

اباوع على ملامحه كولش حلوة وتجذبني شوية شوية واطع على كيفي اجه يوم جان صديق مسوي حفله عيد ميلاد الابنه فعزمني وياي العائلة

رحت العمه منال ...عمه اريدج من اليوم بعد تغيرين لبس زوليخه اليوم بليل عدنه حفله بيت جمال صديقي وتدرين كل الباشوات راح تجي اريدها فدشي مختلف

العمه :-مو تدلل
زوليخه:- كاعده مااشوف الا عمه منال طبت الغرفتي

العمه :- كووومي دادا على السريع خل نجهزج اليوم عدنه حفله ولازم تجين  الكوافيرة بالطريق

زوليجه :-حفله شنهي هاي و يعني شنو كوافينه شتكوفت

العمه :-ههههههه مو كوافينه كوافيرة كو وا في را ماشي وهاي الحفله بيت صديق جابر

زوليخه :-والله ياعمه مدري منين تجيبون هاي الاسماء انه بحياتي ماسامعتها

العمه :-اسمها اني مو انه ومادري مو مدري شكد اعلم بيج امشي امشي كدامي اليوم اطلعج تخبلين وكل العلمته الج اليوم تنفذي بالحرف ماشي

زوليخه:-ماشي ..كعدت طلع بالفساتين اختارتلي فستان ازرق صلوخ ومن الخصر بي سرج نمنم ابيض ومثل الفرو هم اسود وحذاء اسود كعب وجفوف تور قصيرة وجنطه صغيرة ومثل القبعه صفح وبيها تور وبيها نمنم ابيض