#أوجاع الروح
للكاتبة زينب الجعيفري
بارت 5
ليالي :
بدون متكول موافقه
اياد:
أول شي اعرفي شرط يله توافقين
ليالي:
ع كلشي اوافق بس المهم تبقه بنين يمي
اياد:
لهل درجه تحبينها
ليالي:
واكثر هم لان هاي روحي
اياد:
عمي هنيال بنين
ليالي:
ههههه ،هسه شنو الشرط
أياد:
نصير اصدقاء
ليالي:
امم اوك ،يله عيني أروح انام باجر وراي دوام
اياد: اخذي راحتج عيني باي
ليالي: باي
مسحت المحادثه ونمت
ثاني يوم
كعدت صبح بدلت وتريكت واجه ابو الخط زيد طلعت وصعدت بلسيارة وشفت بنين بلخط طرت من الفرح وشبكتها كتلها ها شبسرعه ابوج وافق
بنين:
لاموافق ،بس البارحه اياد كلي باجر داومي بمدرستج واني احاجي ابوي باجر
ليالي:اها
بنين:
عفيه عليج ليلو شكلتيله
ليالي:
معليج بالتفاصيل الج الصافي
بنين:
هااكو تفاصيل امم عليه
تعاي وج سولفيلي
ليالي:
سولفت لبنين ع كل الي صار بيني وبين اياد
بنين:
اي اصلا هو اخوي خوش ولد مو مثل ذولة الملطلطين
ليالي: امم
كملت الدوام ورجعت للبيت فرحانه ونسيت سالفة أكرم سلمت ع امي وصعدت بدلت ونزلت حضرت غده وي امي تغدينا وصعدت لغرفتي اقرة وكلت لازم اشكر الولد عيب منه
دخلت وكتبتله شكرآ خيو تعبتك وياي
رد عليه
اياد:
العفو بس بعد لاتكولين خيو احنه مو اتفقنه نكون اصدقاء ماريد كلمه خيو
ليالي :اوك
اياد: ليالي بماانه احنه صرنه اصدقاء اكدر اسالج سؤال
ليالي:اي جواب
اياد:
بس هو شوي خصوصي ومحرج
ليالي:
كول
اياد:
من اجيتي وسالتيني ع بنين
ليالي:
اي
اياد:
شفت اثر بركبتج
ليالي:
هاهاي اختي تشاقه وياي وجرحتني
أياد:
بس ممبين اثر جرح مبين اثر للحبيب
ليالي:😳
اني تفاجئت واستحيت مرديت عليه وسكتت مجاوبت
اياد:
هاشو سكتي ،جاوبي،وينج،وينج
ليالي :
اتصل عليه ومجاوبت وضل يتصل كمت وحظرته
واني نقهرت وكمت ابجي وادعي ع اكرم هذا كله بسببه الله لايوفقه يطلعها بخواته ،بناته يارب
صاحتني امي ع عشه كتلهم مااشتهي ونمت
اجت امي صبح
سعاد:
ليالي كعدي روحي للدوام ساعه ب7:30
ليالي :
مالي خلك اروح
سعاد:
خير يمه ليالي بيج شي
جاستني لكتني مصخنه
كومي بنيتي اخذج للدكتور
ليالي:
مالي خلك عوفيني
العصر اروح
سعاد:
ماشي
اني مرحت للدوام ظليت نايمه مماكله شي للعصر اجتي بنين تسال عليه
بنين:هاعوبة ليش ممداومة اليوم
ليالي:هلا صخلة وج مريضة ومالي خلك
بنين:
سودة عليه بيه ولابيج
ليالي :
تسلمين حبيبتي صدك بنين منو جابج
بنين :
اخوي اياد اول مكتلة وافق
تباوعلي وتغمزلي
ليالي:شبيج خيرج
بنين:
مابية
ضلينه نسولف للمغرب وره شوي كالت
بنين :
لازم اروح لان عندي قراية
دنت عليه بوستني و
همست بأذني يكول اياد خلي تلغي الحظر عندي شغله وياها مهمه
ليالي:
كليله تحلم وبعد ماله علاقة بيه
بنين:
ليالي، اني مااعرف شنو صاير بينكم بس لازم تحجين وياه وتبينيله السالفة ليش تخلينه ياخذ نظرة مو حلوة عليج
ليالي:
اوك يله ولي
بنين:
عابت رايحه باي
ليالي:باي
راحت بنين واني صحصحت وسبحت واكلت شوي وبعدين صعدت اقره
خلصت قراية فكرت بكلام بنين كلت صح كلامه خلي الغي الحضر ولغيته وره نص ساعه راسلني
اياد:
واخيرآ لغيتي
ليالي:
شفت الرسالة ومجاوبته ضليت ساكته وره شوي كتب
اياد:
اني اسف يمكن ضوجتج بسؤالي بس والله لو مااعزج مااسألج هيج سؤال واعرف انتي مو من نوع البنات الي يهتمن للحب او الي عدهن حبيب
ليالي:
من حجه هيج كلت لازم احجيله ع مود ميفكر بغير شي كتله راح اكولك بس اوعدني هل شي يبقه بينه لان اني حتى لبنين مسولفت
اياد:
اوك وعد مااكول لاي احد وهل سر بينه
ليالي:
سولفتله ع كولشي
هو ظل يغلط ع اكرم وعصب حيل
اياد:
شلون هيج سؤي هذا بلا اخلاق هذا حقير وانتي ليش مكلتي لامج
ليالي:
اخاف تصير مشاكل من وره هاي سالفه واني اخاف ع مجد لان كلش عصبي ومتسرع
إياد:
مواخاف مرة ثانية من يشوفج يسوي الاكبر منها
ليالي:
لااني راح احاول مااروح يمهم واتحجج
أنت تقرأ
أوجاع الروح
Mystery / Thrillerفتاة تجبرها الظروف على التعايش مع انواع العذاب ان كان من الاهل او الحبيب ولان قلبها من حجر تحملت كل أنواع العذاب ولكن هل تستطيع الصمود امام هذا العذاب وهل سيتغير مجرى حياتها نحو الافظل. الكاتبة زينب الجعيفري