فتاة تجبرها الظروف على التعايش مع انواع العذاب ان كان من الاهل او الحبيب ولان قلبها من حجر تحملت كل أنواع العذاب
ولكن هل تستطيع الصمود امام هذا العذاب
وهل سيتغير مجرى حياتها نحو الافظل.
الكاتبة زينب الجعيفري
بارت 1 للكاتبة زينب الجعيفري اول مرة انشر قصه وحبيت اشاركم هذه القصه وهي حقيقيه اسمي ليالي عمري16 سنه مواصفاتي كأي بنيه عادية عيوني كبار ولونهن نرجسي وبشرتي حنطاوية لابيضه ولاسمرة عندي غمازات وشعري طويل تقريبا لخصري ولونه اسود طولي 150 ووزني 58 لاسمينه ولاضعيفه دبدوبه 😅 طبعا اني اسكن بغداد منطقه الغزالية عائلتي متكونة من امي (سعاد) وابوي (جميل) بس مينطبق عليه مثل اسم ع مسمى 😅 عندي 2خوات رند ورغد رند متزوجه عمرها 25 ورغد طالبة جامعية واخ واحد مجد متزوج واسم مرته زهراء صار متزوج من 3 سنوات بس ميصير عنده اطفال مع العلم راجعوو هواي اطباء بس مبيهم خلل ومنعرف شنو السبب وبسبب هذا زوجت اخوي صار بيها حالة نفسيه ومعقدة وتسوي مشاكل بلبيت وطبعا اعرفكم ع صديقتي بنين هي اعز صديقاتي وتوأم روحي وهي اختي الماولدتها امي و صاحبه اسراري وهي حلوة وفقيرة ع نياتها
سعاد : اكعدي صارت ساعه ب7 وربع شوكت تلحكين تبدلين ليالي: يوم بس 5 دقايق سعاد: وج كومي عندج امتحان رياضيات ليالي: اي كايمه بس حضريلي الريوك بين ماابدل سعاد:اي عيني مو احنا خدم جواج كولي شتردين تاكلين ليالي : اي شي بكيفج سعاد: اسويلج لفه جبن ليالي: يوم شبيج اي شي بس خلي ابدل صار 10 دقايق تحجين مو راح اتاخر من وراج سعاد : وفوكاها تصيحين والله اني مدللتج زايد ليالي: كمت غسلت وبدلت وسمعت صوت ابوالخط زيد واكف بلباب اخذت لفه من امي وطلعت كبل للخط لكيت صديقتي بنونه سلمت عليهه وكعدت بصفها وصلنا للمدرسه نزلنه وراح ابو الخط نزلت سلمت ع الحارس ابو عباس ليالي: شلونك ابو عباس ابو عباس: هله بويه شكو مداومه ليالي : شنو شكو مداومه غير عدنه امتحان رياضيات وليش مااجي ابو عباس : بويه عطله المديره راحت للتربيه ع سالفه الحايط وخافتن عليجن ليالي : مشكور عموو يله بنين اي صح قبل يومين وكع الحايط يعني حرامات البارحه ليل كله اقره تالي عطله بنين: راح اخابر اخويه اياد يجي ياخذنه شتكولين ليالي: هاا لا عليمن نمشي قريب البيت استحي اصعد وي واحد غريب بنين : امشي راح يتلكانه ع طريق العام دزيتله رساله ليالي : يله امشي اثناء مانمشي جاي اعبر الشارع اجت سيارة سريعه وترستني طين من فوك ليجوة واني بطبعي كلش عصبية لذلك ضجت وشلت حجارة (طابوكة) وشمرته ع سيارة وانكسرت الجامه الخلفية مال سيارة وضليت اغلط واصيح وجان توكف سيارة وينزل شاب واجه باتجاهي وكال يتبع....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
