أوجاع الروح

بارت 15

للكاتبة زينب الجعيفري
أياد:
يعني اعرف وبس
ليالي:
ليش دتحجي بالالغاز
أياد:
بعدين تعرفين كلشي بوقته حلوو
ليالي:😞
عفته ورحت للصالة كعدت يم غياث ضلينه نسولف ونضحك ومر الوقت بدون منحس وامي لحت ع غياث ع مود نبقه وهو وافق بس اني ابقه وهو يروح يم اهله
صارت ساعه ب9
غياث:
يله عمي اني اترخص
جميل :
بعد وكت
غياث:
لاعمي هم يالله
طلع غياث وطلعت وراه
ليالي:
شعجب خليتني ابات انته مو كتلي متباتين
غياث:
امج حرجتني ومكدرت ارفض طلبها
ليالي:
امم يله تصبح ع خير
غياث:
لاتفرحين باجر ب8 اجيج ونروح
ليالي:
شعدنه دووام حتى تجي ب8
غياث:
لا مو باجر يجي خالي وعائلتة
ليالي:
ياخال هذا
غياث:
خالي كريم جانوو مسافرين بلخارج وهسه يله رجعوو
ليالي:
اها ماشي
غياث:
يله تصبحين ع خير
وتقرب باسني من شفتي وراح
ليالي:😶
سديت الباب وراه ورجعت طبعا رغد بقت واياد جان طالع وبعدين رجع
المهم صعدت انام بغرفتي واني فرحانه وكلت لازم انسى الماضي وابدي بداية جديدة وي غياث صحيح اني بعدني احب أياد ومن اشوفة كلب يفرفح بس اكابر واحاول ماابينله لان هو صار زوج اختي
المهم نمت وكعدت بليل عطشانه اريد اشرب ماي نزلت للمطبخ ودااشرب ماي بعدين شفت ماعون معجنات بالثلاجة كلت خلي اكله لان جوعان كعدت اكل بالمطبخ ومااشوف اله أياد فوك راسي
ليالي:
اسم الله 😱
شبيك احجي دك الباب طلع صوت زين موكفت الكلبي
أياد:
اسم الله ع كلبج الاعرفه انتي قويه ومتخافين بسرعه
ليالي:
😏
اكوواحد ساعه ب2 بليل يدخل جنه حرامي وتريدني مااخاف

المهم هسه شتريد
أياد:
جوعان سويلي اكل حبابه
ليالي:
روح وكعد مرتك تسويلك اني شكوو
أياد:
لاخطيه نايمه كلبي مينطيني اكعدهاا
ليالي:
اووف
أياد:
اشوفج ضجتي لان كلت كلبي مينطيني اكعدها
ليالي:
هههه لاوالله
لاعمي ضجت لان راح اسويلك سم
أياد:
سم من ايدج عسل
المهم طلعت اكل من ثلاجة ودااحمي اله اجه ولزمني من خصري
ليالي:
هاي شدتسوي
أياد:
اششش
ليالي:
هاي شبيك تخبلت وخرررر
أياد:
اشش لايكعدون اهلج
كبل دفعته حيل وضربته راشدي
وابتعدت عنه اجت رغد شافتنه سوه بلمطبخ واني وجهي ينطي الوان وهو خده احمر
رغد:
شكووو
ليالي:
رجلج جوعان سويله اكل انتي ليش تبلين العالم بي
اخذت المي وكبل صعدت لغرفتي
بقيت كاعده راسلت غياث مجاوبني عرفته نايم ضليت احوص
وراهااا اجتني رغد دخلت لغرفتي
رغد:
ليالي لخاطري اذا تعزيني كولي شكوو بينج وبين اياد
ليالي:
هاي شبيج رغد تخبلتي شنو هالحجي
رغد:
اي تخبلت وج ليل كله ماانام من وراج احس اكوو شي
ليالي:
ليش هيج تفكرين ليش تشكين بينه
رغد:
ع اساس متعرفين ليش 
ليالي:
وداعتج ووداعت ماما وبابا
مااعرف
رغد :
ليالي أياد ملمسني يوم الزواج ولايحجي وياي ع بالك غريب عني مو زوجي كل الكلام البيناتنه
سؤال وجواب وكل مانجي لاهلي الكاكم سوه لذلك كمت اشك
ليالي  :
اسمعي رغد تعرفين أياد جان يحبني واني احبه بس من زوجنه واحد قطع علاقته بالثاني وهسه مجرد اصدقاء ومابيناتنه شي وداعتج
رغد:
يعني هاهي هذا كلامج نهائي