قالي صح ماقصروش معايا و راجل اختي كان كي بابا بصح بلاصة الوالدين واحد ما يعمرها ... شفت في ياسين لقيتو يبكي حبيت نعنقو و نسكتو حبيت نخفف عليه وجيعتو بصح .? العين بصيرة و الايد قصيرة نهدر برك......
ياسين مسح دموعو و ناض و مدلي يدو وقالي يالله امشي نروحو..نضت وركبنا في الطموبيل و انا عقلي ولا يدي و يجيب يعود يديه مخو لبعيد معايا يعود يقول ولية و مكانش لي يسقسي عليها و يديه مخو لبعيد درت ليه و قتلو ياسين وين رايحين قالي للدار قتلو احبس هبطني هنا اسمع يا وليد الناس الزنقة ارحملي ورميت يدي لباب الطموبيل نفتح فيها شدني و هو يضحك قالي يا المهبولة راح مخك لبعيد لكان حبيت ندير فيك واش رآه في راسك و واش راكي تخمي راني درتو كي كنتي دايخة و ماشي جايبة خبر نحيت يدي من الباب و حسيت بالسخانة نتاع الحشمة طلعتلي للراس وذنيا حمارو... ياااااه تشوطت تشويطة صحيحةدورت وجهي وسكت ... خزر فيا و بدا يضحك قالي عندك الحق تخافي على روحك بصح حطي في بالك انا ولد عايلة و متربي و عندي وليات في داري نخاف عليهم .. ياااااااع طريق كاملة وانا مهبطة راسي من الحشمةو هو مرة على مرة يخزر فيا و يتبسم...حتى وصلنا قدام فيلا الله يبارك الجنينة نتاعها قد حومتنا قالي اهبطي ليلى وصلنا ... هبطت و انا مزالني خايفة هو فاقلي قالي ماتخافيش هذي دار اختي ماشي داري اقعدي معاها حتى ربي يفرج و نلقالك حل ..كي سمعت بسيرة اختو ارتحت شوية
💕💕💕💕💕💕💕💕
أنت تقرأ
كرونيك:💕💕 ليلى&ياسين💕💕
Fiksi Penggemarسسسس راني جيت كي العادة كرووونيك منقوووووووولة## بالللهجة الجزائرية🇩🇿🇩🇿🇩🇿 واش نقولكم هذا ينوض هذا يطيح العنوان #ليلى_وياسين #الحلقة_1 انا اسمي ليلى عمري 20 بنت عادية فيا واش في الناس لكل عشت محرومة من أغلى انسانة نحرمت من حنان الام ماتت ماما...