KAYA KO PA

Kaya ko pa

Kaya ko pang maging masaya...

Bakit nga ba lumbay ang nadarama

sa tuwing gigising sa umaga?

Pagpasok sa skwela,

pagsakay sa jeep at pagsigaw ng para

Ano itong nadarama na hindi mailagan?

Bumabato ng Katanungan, Kamalasan

Galit? Poot? Sakit? Kirot?

Kaya ko pa

Kaya ko pang igalaw ang mga paa

Maglakbay mag-isa

Kumantang walang gitara

Mangapa sa dilim at mabilad sa araw

dahil

Kaya ko pa

Kaya ko pang higupin ang nakakapaso at umaapaw na sabaw

ng kalungkutan

sa tuwing kinakalimutan ng mga kaibigan

na inakalang makakasama mo hanggang kailan...

Kaya ko pa

Kaya ko pang mangarap na isang araw ay makakamit din ang ulap

Lumutang sa alapaap

Matikman ang sarap

ng buhay ng hindi mahirap

Kahit ito'y hindi matutupad

Kahit pa hanggang pangarap lamang

Ako'y lilipad

Kahit na babagsak sa bangin

Tatangayin ng hangin

Ipagpapatuloy ko pa din

ipagpapatuloy kong kayanin.

Kaya ko pa

Kaya ko pang pilitin ang sariiling ngumiti

Magpinta ng pula sa labi

Na kahit mag-isa ako sa isang tabi

Hindi ako magmumukhang tanga o kawawa

Kundi ordinaryong tao na nagpapalipas lamang ng oras.

Kaya ko pa

Kaya ko pang pagsisihan

Mga oras na sinayang

Ang mga taong pinakawalan

Ang mga panahong puno pa ng pag-asa

Ang inakalang hinding-hindi mawawala

Ang mga nagmahal na binalewala

Dahil prinsipe ang hinanap ng mata

isang pagkakamali na huli na nang mapuna

Sapagkat hindi (pala) ako prinsesa

Walang prinsipe ang magdadala sa akin sa palasyo niya...

kaya ko pa...

Kaya ko pa...

Kaya ko pang kayanin

Ang dibdib ay punuin ng hangin

Tibay ng loob ay maspalakasin

Tibay ng loob ay buhayin

dahil kaya ko pa

Kaya ko pang bumawi

sa mga pagkakamali

sa mali noon na ugali

Kaya ko pang iwaksi

Ang pangungulila sa mga dating kasama

Lahat ng nakilala'y may sariling buhay...

Kaya ko din

Kaya ko ding maging ako

at totoong tao

mabuhay para sa sarili

tama na ang parating pagpabor sa ibang tao

na sa paglipas ng araw ay KAKILALA NA LAMANG

o Kilala noon, NAKILALA lamang

O pamilyar na mukha, hindi na matandaan kung SINO, SAAN, KAILAN

Kaya ko pa

Kaya ko din palang kumalimot

wag puro ako ang nililimot

at laging nakakaramdam ng kirot at kurot sa dibdib

Kaya ko pa...

KAYA KO PA. <3