الكاتبه اميره ابي
#حادث_سيارة_غير_قدري
استوحيت هالرواية من قصة بنت ليبيه 👌بس سردتها بطريقه من واقعنا.... وحبيت انه تكون عبرة لكل بنت وولد يقراها ...
_لو تذكرو ياسمين قداش عانت من الالم يلي تعرضتله في الحادث ومن خطيبها يلي رخي بيها ولا من تاخرها علي امتحاناتها ولا من اكبر ابتلاء وهو حرمانها انها تكون ام 💔 رغم هذا كانت قوية قدام البشر لكن تضعف قدام ربي كانت تناجي فيه وبصوت وبدون خوف كانت تهدرز علي ربي كل ليله وهي علي السجاده 💗مايأستش 6شهور وهي تدعي ودمعتها علي خدها..
_وصح عبدو نسحر بس لو تذكروا نسحر قبل ماهي ادير حادث وبعد الحادث قعد معاها شهر في تونس والمعنى انه عبدو وايمانه بربي وصلاته كانوا اقوى من السحر والشعوذه👌بس يلي خلاه يسيبها هو انه مش واثق فيها وصدق انه الرسائل ليها يمكن اي شخص في مكانه ح يصدق لانه كل الادله ضدها بس غلطه انه ماواجهاش ومتأكدش منها وماعطاهاش فرصه ادافع عن نفسها،وغلطه هذي خلاته يخسرها طوووول العمر يعني سلمه لغيرة بسبب غباءه وتسرعه وعدم حكمته...
لما تحبوا اعطو فرصه للتحبوه اسمعوا منه احكوله يلي في قلوبكم ماتحكموش عليه من وراء ظهره لانه مرات يطلع مظلوم وانت يلي تتعاقب بخسارته في النهاية👌كونوا اشخاص واعين تعلموا الحوار مع الطرف الآخر حتى لو كنتوا متأكدين من ادانته ✋ ناقشوا وبعدين انتو وراحتكم بتسيبوه او بتعطوه فرصه جديده...
_سامر ولد العيله المعروفه ولد العز الشاب المتغطرس يلي ماتهزاشي انثى... انسانة بسيطه ومن عيلة بسيطه 🏡 غيرت حياته للافضل💓 ✋👌المعنى مش كل شي مستويات اجتماعيه وفلوس🚙✈🏰💵💸 البنت المتربيه صح ويلي عينها مليانه واللطيفه تغنيك ع الف وحده ع اساس هاي بس معدنها فااااارغ وتفكيرها مادي وساذج 😶
_ياسمين بعد صبرت وتمسكت بربي ربي حقق فيها هذي الايه(انما يوفى الصابرون اجرهم بغير حساب)الزمر_10
وقوله صلى الله عليه وسلم(إن عِظم الجزاء مع عِظم البلاء، وان الله تعالى اذا احب قوما ابتلاهم، فمن رَضِي فله الرِضا ومن سخِط فله السُخط) رواه الترمذي
وعوضها ربي بغير حساب وكان عوضه كبير......ويلي هو سامر الشخص المثالي يلي رغم مثاليته الا انه يحتااجها لانه يبي من يحن عليه ناقص حنان بسبب الظروف وهكي مش ح يقدر يفارقها ابدا سامر الراجل الحقيقي 💪يلي لا يهزه كلام الناس ولا افعالهم سامر يلي قعد ليها اخ واب وزوج وسند.... وبدت ام 👶رغم انه قالولها مستحيل وحققت حلمها وحلم عيلتها بأنها تكون دكتورة اسنان ناجحه وعاشت حياة حتى في الحلم ماحلمتش بيها...
_اروى يلي كفرت بربي يلي حتى توبتها معش تنقبل خدت جزاتها في الدنيا وضيعت شبابها من غير عذاب الاخره يلي كلكم تعرفو شنو عقاب الساحر 🔥🔥
_زينب يلي حاطه راسها من راس شباب يتامى وراس مالها مشاكل وعراكات خسرت راجلها يلي كان راجل يقولوا بيه وقعدة ارملة... وماتبننت يوم سعيد في حياتها 💓ديما خلي كلامك معطر وموزون ماتخليشي سبب تعاستك وتعاست غيرك لانه مش معروف امتى كل واحد فينا توافيه المنيه....
وان شاء الله استفدتوا من روايتي هذي لاني مانبيش بس تكون مجرد روايه فوتوا بيها وقتكم انا نبيكم تاخدوا منها العبرة وتتعلموا👌
واستنوني في روايتي الجديده بعد الامتحانات ان شاءالله ع قصة بنت انا شخصيا خديت منها العبرة وتعلمت منها 👌 وح يكون عنوانها مستوحى من اسم البنت #ابتسام 💓 ويلي هو #ابتسامة_امل 🌠
#تحياتي_اميرة_ابي👑
