منقوله للكاتبه أميرة ابي
#حادث_سيارة_غير_قدري
#الحلقه_التانية_عشر (12)
للكاتبة "أميرة ابي" 👑
#ملاحظه يلي حاب ينزل الروايه ينزل بس مش مسامحه من يمحي اسمي من عليها لانه تعبي انا 😢
#تعديل في ناس يشكو انه الروايه تجيهم احرف مقلوبه فياريت يلي يشوف تعليق زي هكي يدير سكرين شوت للروايه ويحطها في الرد ع صاحب التعليق يلي مقدرش يقرى الروايه
خالد: هاتي التلفون جاي
فك من مفيده التلفون
تفرج اقرى شوف هذي منو !
عبدو : اه
مستحيل هذا شنو!!!
خالد: شنو مستحيل اعمى انت شوف كلامها شوف صورها
مفيده: والله مادير هكي ياسمين متربيه
خالد: امالا هذي غولتها
عبدو: قعد مصدوم ومقدرش يحكي حرف حس الدنيا ضاقت به
طبعا ارى رغم الحادث يلي داراته بنت خالها الا انه شيطانها قاعد مسيطر عليها
ولعبة لعبه جديده ويلي ساعدتها فيها الاء بنت عمها وفي نفس الوقت بنت خال ياسمين لانها علاقتها ابرك مع فرح ومرح وخدت صور ياسمين من تلفون فرح
ودارو ايميلات وهميه واحد نفس ايميل ياسمين والتاني ولد
ويلي جي في المحادثه ك الاتي:
_حبيبي يسو استاحشتك من لما نخطبتي معش حكينا
_ حبيبي وانا واستاحشتك بس الله غالب فرضو _عليا الخطوبه فرض😔
_ليش وافقتي اصلا
_بابا وماما ع خاطر الفلوس لانه هذا الدراه ربي يرفعه هو واهله حالتهم الماديه فوق الربح
_لما تتزوجي ح تنسي صح
_مستحيل ننساك اصلا هذاك الوقت المناسب يلي ح نشوفك فيه لانه هذا خطيبي
_معش تقولي خطيبي 😡
_اوكي ياروحي قصدي دراه الكبد هههه اي دراه الكبد ديما يسافر وهكي ح نقدرو نشوفوا بعض 😍
_ابعتيلي صورك مستاااااحشك موووت
صور ياسمين....
_تهبلي اممممممواح 😘
ياسمين هههه
وبدو يحكو في كلام طووووط مش تمام
وصوروا المحادثة وبعتوها من ايميل مجهول ل خالد وخالد اصلا مولي يكره في ياسمين بسبب السحر 😔
خالد: ادوي قول هذي يلي ح تامنها ع حوشك في المستقبل هذي يلي ح تكون ام صغارك ع اساس بس ربي يعرف قطع نسلها لانها فااااسده
مفيده:😢
عبدو ركب داره يجري
...........
في تونس عند ياسمين
ياسمين: تعرفي ياماما استاحشت عبدو 😢
عزيزه: غدوا ان شاءالله جاي والله ماسيبك لحظه من لما درتي الحادث لي توا شفتي يابنتي هذا يلي كنتي رافضاته
ياسمين: الحمدلله اني سمعت كلامكم ووافقت ياريتني عرفته من سنين
ياسمين: خلي نتصل بيه
طوووط طووووط
تتصل مره وااتنين وتلاثه لين عشره بس عبدو مايردش
........
