ﺍﻟﺠﺰﺀ6 :
ﻣﺖ ﺑﺎﻟﺴﺨﺎﻧﺔ ﻭ ﻟﻌﻴﺎ ﻣﻠﻲ ﺑﻴﺲ ﻳﺎ ﻳﻤﺎ ﺯﺩﺕ ﺩﺧﻠﺖ ﻗﺎﺑﻠﻮﻧﻲ ﺍﻟﻜﻠﺒﺎﺕ ﺗﻊ ﺍﻟﺸﺮﻳﻜﺔ ﻏﻴﺮ ﻳﺘﻔﺮﺟﻮ ﻓﺠﺪﻱ ﻭ ﺍﻧﺎ ﺍﻟﻨﻮﻉ ﻟﻲ ﺣﺴﺎﺳﺔ ﻭ ﻧﺘﺄﺛﺮ ﺑﺎﻟﺨﻒ ﻛﻤﻠﺖ ﺧﺪﻣﺘﻲ ﻓﺎﻟﺒﻴﻐﻮ ﺑﻜﺮﻱ ﻗﻠﺖ ﻧﺨﺮﺝ ﻧﺪﻭﺭ ﻓﺎﻟﺠﺎﻏﺪﺍﻥ ﻭﻻ ﺍﻧﺎ ﺧﺮﺟﺖ ﺣﺘﻰ ﻧﺴﻤﻌﻬﻢ ﻳﻘﻄﻌﻮ ﻓﻴﺎ ﻭﺣﺪﺓ ﺗﻘﻮﻟﻬﺎ ﺷﺘﻬﺎ ﺭﺍﻳﺤﺔ ﺗﺴﻜﻦ ﻭﻳﻦ ﺍﻟﻘﻴﻄﻮﻥ ﻭﺣﺪﺓ ﺗﻘﻮﻟﻬﺎ ﻃﻼﺑﺔ ﺷﻮﻓﻲ ﻟﺒﺴﺘﻬﺎ ﻭﺣﺪﺓ ﺗﻀﺤﻚ ﻭ ﻋﻼﺑﺎﻟﻬﻢ ﺑﻠﻲ ﺭﺍﻧﻲ ﻧﺴﻤﻊ ﻭ ﺍﻧﺎ ﻏﻴﺮ ﺳﺎﻛﺘﺔ ﻣﺼﺖ ﻣﺎ ﻧﻘﻮﻝ ﺩﺍﻗﺘﻠﻲ ﺭﺟﻌﺖ ﻟﺒﻴﺮﻭ ﻭ ﺣﻄﻴﺖ ﺭﺍﺻﻲ ﻭ ﺑﺪﻳﺖ ﻧﺒﻜﻲ ﻭ ﻧﺪﻋﻲ ﻟﺮﺑﻲ ﺣﺮﺍﻡ ﻋﻠﻴﻬﻢ ﻳﺄﺫﻳﻮﻧﻲ ﻭﺍﺵ ﺫﻧﺒﻲ ﺍﻳﻼ ﺭﺑﻲ ﻣﻌﻄﺎﻟﻴﺶ ﻭ ﻣﻌﻨﺪﻳﺶ ﻋﻼﺵ ﻋﻠﻴﻬﻢ ﻫﺎﻛﺎ ﺣﺘﻰ ﻣﺰﺍﻝ ﻣﺨﺪﻣﺖ ﺷﻬﺮ ﺑﺎﺵ ﻧﺨﻠﺺ ﻭ ﻧﺸﺮﻱ ﺣﺘﻰ ﺩﺧﻞ ﺭﺣﻴﻢ ﻛﺎﻥ ﺭﺍﻓﺪ ﺑﺎﻃﺔ ﺗﻴﺮﺍﻣﻴﺴﻮ ﻋﻼﺑﺎﻟﻮ ﺑﻠﻲ ﺍﻧﺎ ﻧﺤﺒﻮ ﻫﻮ ﺑﻨﻴﺘﻮ ﺩﺧﻞ ﻗﺎﻟﻲ ﺷﻮﻭﻓﻲ ﻭﺍﺍﺵ ﺟﺒﺘﻠﻚ ﺣﺘﻰ ﺻﺎﺑﻨﻲ ﻓﻬﺬﻳﻚ ﺍﻟﺤﺎﻟﺔ ﻧﺒﻜﻲ ﺗﺴﻤﻰ ﺍﻧﺎ ﺩﺍﻳﻤﻦ ﻻﺯﻡ ﻧﺘﺒﻬﺪﻝ ﻭ ﻳﺼﺮﺍﻟﻲ ﺍﻟﺴﻤﻴﺮ ﻗﺎﻟﻲ : ﻭﺍﺷﺒﻴﻜﻲ ﺗﺒﻜﻲ ﻭﺍﺵ ﺻﺮﺍ ﺍﻧﺎ ﻣﺤﺒﻴﺘﺶ ﺍﻧﻮﺽ ﻭﻻ ﻧﻄﻠﻊ ﺭﺍﺳﻲ ﺑﻴﺴﻚ ﻛﻲ ﻧﺒﻜﻲ ﻧﻮﻟﻲ ﺣﻤﻤﻤﻤﺮﺓ ﻛﻲ ﺍﻟﻄﻮﻣﺎﻃﻴﺶ ﻧﺒﻬﺪﻝ ﺍﻟﺴﻴﺪ ﻏﺘﺎﻧﻢ ﺍﻟﻔﺮﺻﺔ ﻭ ﻟﻌﺒﻠﻲ ﺑﺸﻌﺮﻱ ﺑﻤﻌﻨﻰ ﺣﻂ ﻳﺪﻭ ﻋﻠﻰ ﺭﺍﺻﻲ ﺍﻧﺎ ﻧﺤﻴﺘﻠﻮ ﻳﺪﻭ ﻭ ﺩﻧﻴﺖ ﻗﺎﻟﻲ ﻭﺍﺵ ﺑﻴﻜﻲ ﻟﻴﻠﻴﺎ ﺍﺣﻜﻴﻠﻲ ﻋﻼﺵ ﺭﺍﻛﻲ ﺗﺒﻜﻲ ﺍﻫﺪﺭﻱ ﻃﻠﻌﺖ ﺭﺍﺻﻲ ﻭ ﺍﻧﺎ ﻧﺒﻜﻲ ﺧﺰﺭﺕ ﻓﻴﻪ ﻗﺎﻟﻲ ﻳﺎ ﻃﻔﻠﺔ ﻭﺍﺵ ﺻﺮﺍﻟﻚ ﻛﺎﺷﻤﺎ ﻗﺎﻟﻮﻟﻚ ﻭﻻ ﺩﺍﺭﻭﻟﻚ ﺍﻫﺪﺭﻱ ﻃﻠﻌﺖ ﺭﺍﺻﻲ ﻭ ﺣﺒﻄﺘﻮ ﺗﻊ ﺍﻳﻪ ﻗﺎﻟﻮﻟﻲ ﻣﺴﺤﻠﻲ ﺩﻣﻮﻋﻲ ﻭ ﻗﺎﻟﻲ ﻧﻮﺽ ﺍﻏﺴﻠﻲ ﻭﺟﻬﻚ ﻭ ﺗﺒﻌﻴﻨﻲ ﻗﻠﺘﻠﻮ ﻭﻳﻦ ؟ ﻗﺎﻟﻲ ﻗﻠﺘﻠﻚ ﺗﺒﻌﻴﻨﻲ ﻧﻀﺖ ﻏﺴﻠﺖ ﻭﺟﻬﻲ ﻭ ﺍﻧﺎ ﺧﺎﺭﺟﺔ ﺷﺖ ﻫﺬﺍﻙ ﺍﻟﺘﻴﻐﺎﻣﻴﺴﻮ ﺍﻟﺒﻜﺎ ﺣﺒﺲ ﻭﺣﺪﻭ ﻫﻬﻬﻬﻪ ﻣﻲ ﻗﺎﻟﻲ ﻧﺨﺮﺟﻮ ﺗﺴﻤﻰ ﻧﺨﻠﻲ ﺍﻟﺘﻴﻐﺎﻣﻴﺴﻮ ﻭﺣﺪ ﺍﻓﻒ ﻏﺎﺿﻨﻲ ﺍﻟﻤﻬﻢ ﺧﺮﺟﺖ ﻣﺎﻟﺒﻴﺮﻭ ﺷﺪﻧﻲ ﻣﻴﺪﻱ ﻗﻠﺘﻠﻮ ﻭﺍﺵ ﺭﺍﻙ ﺍﺩﻳﺮ ﻧﺤﻴﺖ ﻳﺪﻱ ﻭﻳﻦ ﻭﺻﻠﺖ ﺑﻴﻴﻴﻪ ﻭﺍﺵ ﻟﻬﻨﺪ ﻣﺎﺷﻲ ﻫﺎﻛﺎ ﻗﺎﻟﻲ ﻟﻴﻠﻴﺎ ﺍﻛﻲ ﺣﺎﺑﺔ ﻫﺎﺫ ﺍﻟﻤﺸﺎﻛﻞ ﻳﺨﻼﺻﻮ ﺗﺒﻌﻴﻨﻲ ﻭ ﺍﺳﻜﺘﻲ ﻗﻠﺘﻠﻮ ﻭﻳﻦ ﻧﺘﺒﻌﻚ ﻫﺬﺍ ﻫﺒﻠﺖ ﻣﺘﻤﺴﻨﻴﺶ ﻭ ﺍﻧﺎ ﻃﺒﻌﺎ ﻛﻲ ﻧﻬﺪﺭ ﻧﻌﻴﻂ ﺩﺧﻠﻨﻲ ﻟﻠﺒﻴﻐﻮ ﻭ ﻏﻠﻖ ﺍﻟﺒﺎﺏ ﻭ ﻗﺎﻟﻲ ﺑﺮﻛﺎﻱ ﻣﺘﻌﻴﻄﻲ ﺍﻧﺎ ﻫﻨﺎﺍﺍ ﺣﻠﻴﺖ ﻓﻤﻲ ﻗﻠﺘﻠﻮ ﻋﻼﺵ ﻏﻠﻘﺖ ﺍﻟﺒﺎﺍﺏ ﻗﺎﻟﻲ : ﻣﺮﺍﺍﺍﺡ ﻧﺪﻳﺮﻟﻚ ﻭﺍﻟﻮ ﻭﺷﺒﻴﻚ ﺗﺎﻛﻠﻲ ﻓﺮﻭﺣﻚ ﻋﻼﺑﺎﻟﻚ ﺑﻠﻲ ﻧﺤﺒﻚ ﻭ ﻣﻨﻘﺪﺭﺵ ﻧﺄﺫﻳﻚ ﺑﻼ ﻣﺘﻌﻴﻄﻲ ﻭ ﺩﻳﺮﻱ ﺍﻟﺴﻤﻴﺮ ﻗﻠﺘﻠﻮ : ﻣﺎﻻ ﺣﻞ ﺍﻟﺒﺎﺍﺍﺏ ﻗﺎﻟﻲ : ﻣﻨﺤﻠﺶ ﺣﺘﺎ ﺗﺤﺒﺴﻲ ﻟﻌﻴﺎﻁ ﺩﻳﺎﻟﻚ ﻗﻠﺘﻠﻮ : ﺧﻼﺹ ﻣﻨﻌﻴﻄﻴﺶ ﻓﻬﻤﻨﻲ ﻋﻼﺵ ﻗﻠﺘﻴﻠﻲ ﺗﺒﻌﻴﻨﻲ ﻭ ﻋﻼﺵ ﺣﺘﻰ ﺗﺸﺪﻧﻲ ﻣﻴﺪﻱ ﻫﻮ ﺯﻋﻒ ﻣﺮﺩﺕ ﻓﻌﻠﻲ ﻗﺎﻟﻲ : ﺧﻼﺹ ﺍﺳﻤﺤﻴﻠﻲ ﻣﻨﺰﻳﺪﺵ ﻧﻤﺴﻚ ﻣﺘﺰﻋﻔﻴﺶ ﺑﺮﻙ ﺍﻧﻲ ﺣﺎﺏ ﺑﺮﻙ ﻧﺤﻄﻬﻢ ﻓﺤﺪﻭﺩﻫﻢ ﻫﺬﻭ ﻟﻲ ﺭﺍﻫﻢ ﻳﻬﺪﺭﻭ ﻋﻠﻴﻚ ﻣﻨﺤﺒﺶ ﻧﺸﻮﻓﻚ ﺗﺒﻜﻲ ﺑﺎﻻﺧﺺ ﻛﻲ ﺗﺒﻜﻲ ﺗﺒﻴﻨﻴﻠﻬﻢ ﺑﻠﻲ ﻧﺘﻲ ﺿﻌﻴﻔﺔ ﻗﻌﺪﺕ ﺳﺎﻛﺘﺔ ﻭ ﻧﺨﺰﺭ ﻓﻴﻪ ﻗﺎﻟﻲ : ﺩﻭﻙ ﺟﻲ ﻭﻻ ﺗﻘﻌﺪﻱ ﺗﻨﻮﺣﻲ ﻫﻨﺎ ﻗﻠﺘﻠﻮ : ﻧﻘﻌﺪ ﻧﻮﺡ ﺧﻴﺮ ﻣﻴﻘﻮﻟﻲ ﺭﺍﺣﺖ ﺷﻜﺎﺗﻠﻮ ﻗﺎﻟﻲ : ﺍﻓﻔﻔﻒ ﻳﺎ ﺭﺑﻲ ﻭﺍ😍😍😍
ينبع.....
أنت تقرأ
كرونيك:★*★*★ ليليا_&_رحيم★*★*★
Fanficباللهجة الجزائرية 🇩🇿🇩🇿🇩🇿🇩🇿🇩🇿 منقوووووولة### ﺟﺰﺀ 1 : ﻣﻌﻼﺑﺎﻟﻴﺶ ﻛﻴﻔﺎﺵ ﺗﻐﻠﺒﺖ ﻋﻠﻰ ﻗﻠﺒﻲ ﻭ ﻣﺸﺎﻋﺮﻱ ﻭ ﺳﻠﻤﺖ ﺭﻭﺣﻲ ﻟﻮﺍﺣﺪ ﻣﻨﺤﺒﻮﺵ ﻫﻮ ﺳﻮﻓﺮﺍ ﺑﺰﺍﻑ ﻣﻌﺎﻳﺎ ﻭ ﻋﻴﺎ ﻳﺮﺟﻌﻨﻲ ﻧﺤﺒﻮ ﻣﻲ ﺍﻧﺎ ﺍﻟﻠﻪ ﻏﺎﻟﺐ ﻣﻘﺪﺭﺗﺶ ﻛﻴﻤﺎ ﺳﻴﻴﺖ ﻧﺒﻌﺪﻭ ﻣﺤﺒﺶ ﻳﺒﻌﺪ ﻳﺤﺒﻨﻲ ﻟﺪﺭﺟﺔ ﻗﺎﺑﻞ ﺣﺐ ﻣﻦ ﻃﺮﻑ ﻭﺍﺣﺪ ﺍﻟ...
