كلما اشوفلي طفل ابتسم وافرح..
ووشويه شويه تغادر الابتسامة وجهي ويصير بدالهه حزن ودموع...
اتذكر طفولتي المررره تحمل الم كنت طفله صغيره واني بيوم من ايام طفولتي بعيد الاضحى اركض وعمري 7 ومتجمعين اقاربنه وامي حامل اتمنى كون حامل بولد حتى ماتبجي اتذكر من صارت عدهه اختي الزغيره الاء شلون بقت ضايجه وتبجي....
والناس تسمعهه حجي
اركض والعب صاحتني امي ووجهه تعبان وعركان وجانت تطبخ والمطبخ حار وتطبخ عالجوله..
لان خطار عدنه وهواي ناس زوجة ابويه ذابه الشغل كله على امي كلما اشوف امي بهاي حالته وتعبه وملابسه القديمه اكره زوجة ابويه رغم امي تكلي مايصير نكره احد والله خلقنه نحب بعضنه وخلق الحب ....والكره من وساوس الشيطان ...اجيت لامي اركض ...
امي ...::ولج نورشوفي اختج وين راحت لاتطكهه السياره لاتخليه وحدهه بالباب
نور..::لايمه توني شفتهه يم نرجس ثنينهن واكفات بالباب
امي ....::ولج روحي شوفيهه ماتتيه وحدهه
.....طلعت اباوع مالكيت اختي الاء عمرهه سنتين خليتهه يم اختي نرجس عمرهه 5 ....
بعدين شفتهه طايحه بالطين وتبجي ونرجس تسحل بيهه ماتعرف تشيلهه
...اخذته وشلته وهيه ماتهدأ تتحرك وترفس وتصرخ واني دمرتني وياهه ودمرت ملابس العيد الحبيتهن خيطتلي خالتي بدله حلوه وياهه جنطه كلش ضجت تلفت وتوسخت واني شايلتهه ....
دخلت للبيت واشوف غرفة الاستقبال متروسه زلم وابويه كاعد يم الباب ويسولف ويضحك....
واني دخلت وهاي تصرخ بحظني وتشمر بروحهه اخر شي وصلت يم التنور حزام بدلتي انلف على يدة التنور بسبب حركات الاء واني امشي سريع جرني الاحزام وانركع بالكاع سوه اني واختي .....
كل الناس بالاستقبال باوعولنه ابوي صرخ بيه ثووووووووووووووله غبيييييييييييييييييه حيوووووووووووانه ....
. رغم اني طفله بوكتهه بس الكلمات بقتت ترررررن براااسي وكدام النااااس وابويه يصررخ بيه وبااالعيد وبعده مامنطيني عيديه .....
ركضت لجوه عفت اختي تصررخ وعفت التنوور بالكاع ....
موووقف مؤلم وحززز بقلبي كوني اني صاحبته وطفله بوكت جنت فرحة العيد عايشتهه ومغروره بالبدله الحلوه والجنطه الخلت بنات الجيران يحسدني عليهه ويباوعن الهه ...
.موقف من مواقف طفولتي التعيسه ....ويستمر حزني والامي ببيت زوجة ابي وليس بيت ابي ....
يتبع # .....من قصة عشق جهنم .. حقيقيه ....
