نور؛؛؛؛
اوووف ذكريات الطفوله تشب النار بكلبي ...سديت دفتر ذكرياتي ..من اكون فارغه احب اكتب عن الماضي رغم اضوج منه ....كمت شربت ماي بارد ..رجعت لغرفتي ..
-حضرت ملازمي ورحت للكنتور اختار اللبسه باجر البسه ...
-نور وهيه تبتسم ..تذكر حبيبها السري الذي لم تفضح لاحد بسرها الى الأن ولم تعترف له
-باجر يداوم غاب اسبوع لان عمه متوفي ..... لازم اختارلي لبسه مميزه ...افففف شكد مشتاقتلك.... ياربي احس كلبي راح يوكف من كد مامتشوقه اله واشوفه احسهن موو اسبوع سنه ماشايفته
-قبل اسبوعين ...بالكليه امشي بالممر اخاف اتأخرت على المحاظره ..
اسمع نووور ...نووور ...وكفت والتفتت وجمدت بمكاني احس رجليه ثكلت ...اي هووه .... شلابس هذه يريد يخبلني فوك مااني مخبله ومجنونه بي ...لابس دشداشه ...لبس خليجي يخبل علي ..بقيت اباوعله واني ميته خجل طبعي المااتخلص منه
-شلونج نوور
-اا..ااا ززينه الحمدلله
-عدنه محاظره هسه توني شفتهم .. اطلب منج طلب نووره..
-اي اتفضل
-اريدج تكولين لسيف ياخذلي اجازه طالع وي اصدقائي لحفلة تخرجهم
-أي ان شاءالله
-احمد وهوه يدير وجه ويمشي مستعجل مشكوره نوروره ....بعد اخوووج
-لحظه مااستوعب احمد حجه وياي ....كلي نوووره ...نوووره....بس اخر كلمه هدمت سعادتي ....ابتعد واني اراقبه ..جريت نفس ..احس احد فجر بصدري نار ..وشي ثكيل على كلبي ...حاسبني صديقه اخت لاغيرر...اصحي يانور اصحي ...
-مشيت للقاعه بثكل فتحت الباب ....عيوني راحت يم الاستاذ تستنجد وتتوسل مايخليني واكفه بالباب وابرر حته يخليني ادخل ...حالتي ماتساعدني ...
-بس ملامح وجه الاستاذ العصبيه ماتبشر بخير ..وهو يباوع لساعة ايده ..يتاكد من اني متاخره اوو يذكرني بالوقت !!!
-اريد اعرف وين جنتي كل هذه الووقت ..
-الاستاذ شيحجي اووووو هسه شيذكرني ....اي اي الحمدلله سعفتني الذاكره ..
-استاذ الخط اتأخر عليه
-بحده ..هذه مو عذر ست نور هسه 9 ضبط شبقه للمحاظره...انتن تفترن ..جايات للونسه ..ماكوو التزام ..مع الاسف انتي الشاطره والزينه غيرج شيسوي ووووووووو
-بقه الاستاذ يعد ويصفط ويرزل كدام الطلاب همزين احمد ماموجوده وراح ...اني مايهمني غير احمد ....بسسس للموقف الذكرني الحبي من طرفي فقط خل ادموعي تنزل الدموع السكتت الاستاذ الغاضب والتبدل وجه من الغضب للشفقه والطلاب التعجبوو وقلقو اصدقائي وصديقاتي اقرء بعيونهم حقد على الاستاذ وشفقه عليه
-بسهوله انسحبت وخليت الكل بحالة صمت واتجهت لبره أجرت تكسي ورجعت للبيت مااتحمل اداوم اليوم تعبانه تعبانه ...اريد اميييييي اريد اميييييي ....
-السايق ينظر لنور ويسئله ...اذا بيه شي اوتحتاج مساعده وهوه مثل اخوه ...ونور ردت عليه ...وصلني للبيت تسلم خويه
رجعت من ذاك اليوم المشؤم واني اتمدد على السرير واغمض عيوني اتوسل باافكار انام واني ماافكر بي
- بعد توسلات كثيره ودموع تحكي للوساده قصه حب لاتوجد له نهايه جميله
-
- الصبح بالكليه .....ساعه 10ونص
-احمد:- نووور ماتوقعت هيج للأسف عبالي حاسبتني اخوج
-نور:- وهي مصدوومه شنوووووو
..... من عشق جهنم ......
نورهان التميمي#
