🍂
ما أول شيء سـتفعلينه ؟
سأنام ، سأنام فورا ..
لأن اليقـظة عقاب في عالم حزيـن ، والنعـاس حيلة باهتة للتعاطي مع هذه الحياة بـ وعي أقل ،
بـ حزن أقل بالضرورة !
____________________________________
بعد سنتين
نور
...خالوو اريد واحد يكلي بنتيجتي والله خايفه
اتصل على محمد
..خالوو ماعندي رصيد منين اجيبلج ماتشوفينه السوك والمحلات بعيده علينه
...والله خايفه
كاعده بالغرفه بيت خالي من الطين منتظره نتيحة السادس بلكي ناجحه اووووف وين جنه وين صرنه... بعد مالكينه نرجس مغتصبينهه وقاتيلنهه وذابينهه بالزبل وحياتنه تدمرت ...لمن اتذكرت نرجس نزلت دمعه مهزومه وحارقه على خدي لحد هذه اليوم ماعرفنه شنوو الصار ومنوو وره الحادثه وشلون نرجس طلعت ....اووووووف تبهذلنه ...ابوي اتستر عالجريمه الصارت يخاف علسمعته وكله لضباط من اقاربه سوووهه قضيه بينهم ثار قتلو بته وخاف على اهله سفرهم وهيج مشت السالفه بين الناس
واحنه طلعنه من الولايه للريف لاكهرباء لامي بارد ولا بيت مريح وامير تعبان ومريض يرادله عنايه وهناا حاره وامي حالتهه مزينه محتاجه طبيب نفسي ومرتضى زغير اخاف عليه من الشط اليمنه دائماً اراقبه وهو حرك مايكعد مرات اربطه برجله
....ومرت ابوي ام اسعد فضحتنه بين كرايبنه واخواني من ابوي اسعد واحمد وامجد اتذكر الحقيرين من جروني من سياره وي محمد وضربوني وجنزوني فوك صدمتي
ومن ذاك الوكت ابوي صار اقسى ويانه وباع بيتنه وذبنه عالخوالنه وضعهم المادي مزين زوجته لخالي الجبير دوم تسمعنه حجي وبيت جدي قريب علينه جدي عنده زهايمر مرات يصيحني باسم امي ...امي من ذاك اليوم وهيه بس ساكته وتضحك ومرات عبالهه اني نرجس تلزمني وتكتلني اخوالي يخلصوني منهه بالكوه اخواني امير ومرتضى والاء صارو من مسؤليتي وخصوصاً الاء مااعوفهه لوحده ابن خالتي البيتهم يم خوالي تصير اخت لامي من ابوهه ابنهه الجبير نظراته حقيره النه ويبقه يلعب بشورابه من يباوعلي يحسسني الحقير عريانه اخاف كلش على الاء منه وهيه شكره وحلوه وعيونهه عسلي يخبلن جمالهه يجذب رغم زغيره....واليوم كاعده منتظره النتائج ابتسمت واذكر فضل تكملة دراستي لمحمد الخلاني اروح عدهم بيتهم وكت الدوام بعد الحاح على ابوي ومشاكل هواي وامير ومرتضى وياي وتعبت كلش بس محمد بقى وياي يكلي بلكي تكملين دراستج وتبقين سند لاخوانج واني شتحتاجين وياج حسيته اكثررر من اخ ...بس الاء خطيه جانت سادس وهم تستعد للامتحانات وبطلت مرات تبجي على مدرستهه تكسر خاطري بعدهي طفله وتبهذلت
نزيت على صوت الاء تركض وموبايل خالي على اذنهه ولجججججج نوووور ناجحه معدلجج 74
_كمت بفرح واخذت موبايل المدته اليه بصوت كله خوف وفرح حزن انتصار ماادري شنووو الاشعر بي
