اليوم التااني صحيت متنشنهه،،،بجد ماكنتا عايزاهم يسافروا،،،محمد بعد وصلني الجامعهه قال لي المساء كده طالعين انا وانتي وباقي الشباب،،،بما انو ح نسافر بكره وكده فأكيد ح تشتاقي لينا،،،قولته ليهو ح اشتاق ليك انت بس😪💔قال لي ههه خلااص،،يلا لبعدين،،،قولته ليهو ظابط،،،دخلتا الجامعهه وكالعاده مشيت الاستراحهه،،،لقيت نون قاعده ،،عاينتا ليها بنظره استفزاز كده،،،وقفتا اظبط في شعري جاتني وقالت لي حسبي الله ونعم الوكيل فيك،،،ليه كذبتي فيني كده ليه،،وهي بتبكي وصوتا رايح،،،قولته ليها ههه ماكذبتا بس السيناريو بتاعك ما ظابط،،فأنا حكيتو لمحمد زي ماهو بس عدلتوو ياحلوه😉قالت اي استفدتي شنوو،،انا بت زي زيك،،،وماتستغربي لو في يوم حصلت ليك حاجهه زي الحصلت لي دي،،،قولته ليها ههه لو كنتي محافظه على نفسك ماكان حصل ليك الحصل،،،وبعدين انا استحاله يحصل لي كده،،البقرب علي بضبحوو،،،قالت لي ماف حاجهه بعيده من ربناا،،ومسحت دموعا وقالت لي كلمات لسه واجعاني 💔💔قالت لي الحصل لي حصل غصبا عني،،،بس انتي الح يحصل ليك ح يكون برضاك ماح تقدري توقفي💔حسبي الله ونعم الوكيل فيك،،،ومشت خلتني،،،ما اشتغلتا بيهاا،،طلعتا مشيت امتحاني وكالعاده اشتغلتا كوويس،،،المساء محمد جااني ،نون كانت واقفه وبتعاين ليهو،،،محمد عاين ليها شديد وبعدين دور العربيه،،،قولته ليهو معقوله اسي في الفتره البسيطه دي حبيتاا،،،قال لي ماحبيتا بس اتعلقتا بيهااا،،،قولته ليهو انت امبارح اتصلتا عليها وقولته ليها شنوو،،،قال لي ولاشي ماحبيت اجرح مشاعرا مع انها مابتستاهل،،،بس،،،،بس قولته ليها تنسى اي شي قولتو ليها وتمسح رقمي،،،قالت لي جدا،،،كانت بارده شديد،،اتمنيتا تسألني بس،،،قولته ليهو ههه ماعندها عين تسألك،،،انسى،،،،مشينا حته كده فظييعهه،،،،محمد نزل وانا نزلت بوراهو،،،لقينا نرمين ومروان،،،،كانوا في اخر رومانسيهه،،،محمد قال ليهم اها ياجماعه نعقد ولا كييف😂💔،،،نرمين اتخلعت وصلحت طرحتاا،،،مروان قال لينا جيتو متين،،،محمد قال ليهو قبل تسلم عليها في خدها😂💔،،المهم هو حسى بنرمين خجلت طوالي غير الموضوع،،،،سألنا من اسامه وإياس،،،قولنا ليهو في الشارع،،،،المهم جوو،،،وقضيناا يوم حلووو،،لعب وهظاار😻❤❤❤❤،،،قبل نمشي محمد قال لمروان ونرمين تعال نعقد ليكم،،،نرمين قالت ليهو دا الناقص😂😂،،مروان مسك يد نرمين قووي وقال ليها انا موافق،،ولا انتي عندك كلام تاني،،،عاينت ليهو بخلعهه،،،محمد قال ليها الحكايهه كلها هظاار مامحتاجهه الخووف دا كلووو 😂😂💔،،،فعلا قعدهم جمب بعض وبقى يسال مروان هل تقبل الزواج بالانسهه نرمين احمد زوجه لك في السراء والضراء،،مروان قال ليهو امممم اكييد،،،وسأل نرمين هل تقبلي الزواج بالسيد مروان ادم زوج لك في السراء والضراء،،،،قالت ليهو طبعا،،،،قال ليهم خلاص اعلنكما زوجا وزوجهه😂😂😂😂💔قولته ليهو ماكده ياغبي😂😂💔،،اسامه قال ليهم لو عارف في زواج جماعي كان جبتا حبيبتي واتزوجنا 😂😂💔إياس قال ليهو المره الجايهه يا حبيبنا😂😂💔،،،مروان قال لنرمين على فكره لا هظار ولا شي،،،انا بالجد حااسبك مررتي وحلالي❤❤،،،وماف شي ح يغير الحقيقه دي،،وطول ما انا عايش ح افضل احبك بس،،وما ح اعمل شي تاني❤❤نرمين بقت تعاين ليهو وقالت حتى انا حااسبااك رااجلي وحلالي،،،انت ح تفضل تحبني،،وانا كل يوم ح اعشقققك بس🙈❤❤،،،محمد قال لي لقد تأسرتو كسيرا😭😂😂💔راعو لمشاعرنا،،،مروان ابتسم ومسك يد نرمين،،،قال لينا يلا بعد اذنكم يااخ،،ح اخد مرتي مشوار خااص،،،وانتو لو عاوزني ارجعو البيت،،،محمد قال ليهو كويس يا كلب،،الا ما اعمل لي خطيبهه وح اسفهك سفهه،،،إياس قال ليهو سمعتا انو مدني بمزززاا 😻👏،،،محمد قال ليهو ايوه دا الكلام،،،الواحد يمشي هنااك يختار عرووس ويجي،،،،قولته ليهم ياشباب والله ح اشتاق ليكم،،،محمد ضماني وقال لي عارفين عارفين،،بس اهم شي خلي بالك من نفسك وقرايتك،،،قولته ليهو حاااضر،،ياخ بس ماتطولو هنااك 😭😭💔،،،قال لي هههه ماح نطول،،،وبعدين بطلي بكى ح نعيش العمر كلو هناك،،،اكيد ح نرجع،،،،يلا ارح البيت اسي،،تلقي ريري بتجهز لينا. في الشنط😂قولته ليهو ههه اي والله،،،،
مشيناا البيت لقينا بابا قاعد بره بتفحص في العربيهه،،،،قولته ليهو بابا ح تسافرووا بالعربيهه؟قال لي اكييد،،اصلا الشارع نضيييف،،،،دخلنا جوه لقينا ماما بتجهز في شنطهه مروان،،محمد قال ليها ريري جهزتي شنطتي ولا لسهه،،،قالت ليهو ههه من بدري،،اتأخرتو كده ليه؟،،محمد قال ليها بنشبع من اختنا بس،،،اسبوع ما ح نشووفاا،،،اياس قال ليهو احسن زاتووو،،،قولته ليهو حيوان😢،،اسامه قال لي والله ح نرتاح من وشك دا😂😂💔قولته لمحمد ساااامع 😢💔،،قال ليهم هوووي كلو ولا زعل دلووعتي ❤،،،ماما قالت لينا وميرو وين،،،قولته ليها مع مرتوو😂اقصد مع خطيبتوو،،،قالت لي اهاااا،،،
طلعتا غرفتي وقعدتا ابكي وبعاين لصور اخواني،،،ماعارفه الخلاني ابكي شنوو وكل مااعاين لصوره محمد ابكي زياده💔💔محمد جاا وناداني رقدتا في السرير وعملتا روحي نايمهه،،،،محمد دخل وباس راسي،،،قال لي نوم الهناء لدلوعتي انا❤،،،وطلع،،بعد طلع انا انفقعتا بكى،،اول مره محمد يكون بعييد مني💔💔،،،تاني يوم ماكان عندي امتحان،،،صحيت بدري وصحيت إخواني وقعدنا نتوونس،،،مروان قال لي اسي ماكان تخلينا ننوم احسن،،قصصك البايخهه دي😒،،،،،قولته ليهو كده احلف انك ماح تشتاق لي،،،قال لي ماح اشتاق ليك دي شنو دي،،،قولته ليهو بصوت بطئ غياااظ،،،بعدين بابا قال لينا قومو اجهزو،،،وانتي يا ايناس جهزي شنطتك وحاجاتك عشان نغشييك بيت عمك،،،قولته ليهو طييب،،،،طلعتا فوق جهزتا شنطتي وشيتاتي،،،ولبستا لي بنطلون جينز وتي شيرت ابيض واسبورت ابيض،،وسرحتا شعري وجبتو بالجمبهه،،،،نزلتا تحت مروان حمر لي،،،قولته ليهو اصلا من الباب للباب،،ماف زول ح يشووفني،،،قال لي تمام،،،طلعوا الشنط،،،وقبل ماما تركب،،قولته ليها والنبي يا ماما اديني خاتمك دا،،،قالت لي دا ألماس يابت جنيتي،،،قولته ليها ماح اضيعو يااخ بليييز😢💔قال لي طيب،،،،كان مكتوب عليهو اسمها💜💜،،،شلتو ولبستوو،،طلعنا العربيهه وقعدتا جمب محمد،،،،بقى يغني طبعا صوتو فظييع❤
#الشوق الكتييير قلبي مبهدلو،،اي نار الحب عذااب براي مابحملووو👏❤❤،،ياا عشااق زمان تعالو واسآلو،،،،،،،""بقينا نشيل معاهووو اعمل ليك ايه لو ترجعلي تاني 👏👏❤...الخ""،،،لحدي ما وصلووني،،،قولته ليهم ح اشتااق ليكم😭😭❤،،،بابا قال لي كلو اسبوع بس،،،خلي بالك من قرايتك،،،قولته ليهو طييب،،،ماما قالت لي ماتعذبي عمك ومرتوو،،،قولته ليها طيب،،،محمد قال لي ح اتصل عليك كل يوم تمام،،قولته ليهو تمام،،،اسامه غمز لي،،واياس قال لي انزلي واقطعي وشك دا😂😂،،،مروان قال لي خلي بالك من فلانه لو سمحتي😉قولته ليهو هه طيب،،،نزلتاا وبقيت اشر ليهم،،،ومحمد بطلع لي لسانو😢❤،لحدي ما العربيهه اختفت،،،،حسيت اني عايزه الحقهم واقول ليهم ماتسافروا يااخ 💔💔،،،
#سلام©✨
