لما الدكتور قال كده سيف وعزه عاينوا لبعض وهم مخلوعيين،،،الدكتور قال ليهوو اهم شي الراحه التامه لانو حملها كعب،،،وح اكتب ليها على شويهه فايتمينات تنتظم عليهاا،،،سيف قال ليهو معليش بس مدام مين الحامل،،،،الدكتور قال ليهو مش دي زوجه حضرتك،،،هي حامل،،وفي اسبوعا التاني كمان،،،سيف عاين للدكتور مخلوع وماعارف يرد يقول ليهو شنووو؟!،،،،عزه قالت ليهو طيب يا دكتور تسلم،،،بعد الدكتور طلع،،،انا فتحتا عيوني،،،اتذكرتاا اي حاجهه قديمهه حصلت معاي،،،غروري وتكبري،،ايام الجامعهه،،الحادث💔💔،،،شويهه شويهه بقيت اتذكر قصهه المستشفى والدكاتره💔💔مسكتاا راسي وبقيت اصرررخ،،،عزه جات مسكتني،،،قالت لي اينااس مالك،،،قولته ليها عزه!!؟،،،انتي الجابك هنا شنوو،،،،انا عايزه اطلع من هناا،،،عايزه اشووف اهلي😭😭💔💔💔💔،،،لاخر لحظه وهم بيدفنوا انا ما ودعتهم،،،عايزه اهلي💔💔💔،،قالت لي اهدي شويهه طيب،،،،اهدي،،،البركه فيكم،،،اهلك في مكان احسن من هنا بكتييير،،،بقيت ابكي زياده،،،،قعدت جمبي وضمتني،،،قالت لي خلاص خلاص،،،اهدي،، سيف واقف ومخلوع،،،قال لي عزه ممكن افهم في شنوو؟؟!،،،رفعتا راسي،،،وعاينتا ليهوو،،،،نظرات عيونو حاده،،انفو مستقيم وحاد زي السيف،،حواجبو مقروونهه،،،لونو قمحي،،،طويل،،،عروق يدينو بارزه،،،وواضح من وشو انو عصبي،،،،كان لابس ليهو قميص ابيض فيهوو خطوط بالكحلي،،،وبنطلون حكلي،،،،مدخل يدينو جوه جيبووو،،،ولابس نظاره💜💜عزه قالت ليهو،،ياسيف ما وقتوو،،،خلينا نرجع البيت حاليا،،،وانا لما افهم منها بفهمك،،،قالت لي ايناس قومي ارح معاي،،،قولته ليها لالا انا ماعايزه امشي معاك،،،عايزه ارجع بيتنا،،،رجعيني بيتنا،،،قالت لي بحالتك دي ماينفع ترجعي،،الافضل تمشي معاي،،،وبعدين برجعك بيتكم تمام،،،مارديت عليهاا،،،سيف كان متنرفز شديد،،وكأنو قصهه حملي دي ذكرتو بقصهه حمل عزه💔💔،،طلعتا معاهم وانا طبعا حالتي حالهه،،،شعري منكش وعيوني مورمهه وضعفتا شدييد💔💔،،،،في الطريق عزه قالت لاخوها،،ياسيف خالتو بتكون وصلت ولا لسهه؟؟!قال ليها اتصلت علي قبيل،،،زي الزمن دا بتكون في البيت،،،وصلنا بيتهم،،،،،طبعا من بره شكلوو حلوو وكبيرر،،،ذكرني ببيتنا💔💔،،،،دخلتا معاهم جووه،،،بيتهم كان خررافي ومرتب بطريقهه حلوه وراقيهه،،،عزه قالت لي ارح معاي فوق،،،استحمي وغيري ملابسك،،،،طلعتا معاها فوق،، وسيف بعاين لي من فوق لتحت،،،،،عزه طلعت لي بجامهه طويله ومعاها توب،،قالت لي استحمي،،،وانا ح انزل اعمل ليك حاجهه تاكليهاا،،،شكلك ليك فتره ما اكلتي،،،،دخلتا الحمام،،،عاينتا لنفسي في المرايهه،،،معقوله دي انا؟؟!،،،لالا دي واحده تانيهه،،دي ما انا المغروره والمتكبره،،،اللي كنتا شايفهه نفسي اعلى من الناس وفوق ليهم،،،،دي واحده تانيهه خاااالص💔💔استحميت،،،،واتوضيت،،،طلعتا لبستا التوب وصليت ركعتين،،،دعيت لاهلي،،،وانا دموعي غالبااني،،،جات عزه لقتني قاعده ادعي وابكي،،،،قالت لي ربنا يصبرك،،بس الحزن ما بجيب زول،،،يلاا قوومي اكلي وارتاحي،،،انا ح اجيك بعدين،،،قومتاا اكلتاا زي الكأني ماشايفهه اكل قبل كده💔💔،،،ورقدتا في السرير،،،،تقريبا دي كانت اول نومه انوما بدون ما افكر في اي شي واكون مرتاحه فيها💜،،،،
في الشركهه عمو مصعب ما كان مطمن للبعملو عمو احمد بس هو مافي في يدو اي حاجهه يعملا غير انو يسكت ويسمع البقولوا ليهو ويعملوا بالحرف الواحد،،بس في نفس الوقت عمو مصعب كان عاوزني اظهر،،،علشان امسك شركات بابا لانها من حقي وما من حق زول غيري💔💔،،،انا صحيت بعد حكايهه ساعتين،،،،عاينتاا بالبلكونهه الوقت كان قريب للمغرب،،،فضلتا واقفهه وبفكر،،،ليه عمو احمد اخدني المركز داك،،بالجد ناوي يخلص مني؟؟؟!اسئله كتييره هاجمتني وماكنتا ح القى ليها جواب الا عند زول واحد بس،،،استنيت لحدي ما عزه جات،،،،قالت لي اها بقيتي كيف؟؟!قولته ليها تماام،،،بس ممكن طلب،،،قالت لي اتفضلي،،،قولته ليها عايزه اعمل مكالمهه،،قالت لي جدا،،،ادتني تلفونا ونزلت تحت،،،،شلتا التلفون وضربتا لعمو مصعب،،،رد لي الووو،،،قولته ليهو عمو مصعب💔قال لي ايناس،،،انتي وين يابتي،،،الحاصل عليك،،،طلعتي من المستشفى ولا ووين مكانك حاليا،،،قولته ليهو عمو اسمعني،،،عايزه اعرف حاجهه واحده بس،،،شغل بابا المتابعو منوو،،،والقروش اللي في البنك؟!،،،قال لي يابتي بصراحه لما انتي كنتي في المستشفى،،،عمك قال لي انو حالتك بطاله وانك فقدتي عقلك،،،فأنا عملتا ليهو توكييل،،،انو يمشيي الشغل والاملاك كلها تبقى في حوزتو لحدي ما انتي تتعافي،،،قولته ليهو كييف يعني😳قال لي دا الحصل،،،وانتي يابتي لازم ترجعي وتمسكي مال ابووك،،،قولته ليهو خلينا من حكايهه ارجع ولا ما ارجع،،،عايزه منك حاجهه واحده بس،،،ماتكلم عمو احمد اني اتصلتا عليك وماعايزه اي زول يعرف مفهوم،،،قال لي حااضر،،،بس،،بس زياد من وصل قالب عليك الدنياا،،،قولته ليهو زياد رجع متين😳،،،قال لي قبل فتره،،،وحكى لي الحصل كلووو وقصهه المركز واي شي عملوا زياد،،،،قولته ليهو طيب طيب،،،بس برضو ماعايزه زول يعرف مكاني،،،طلب اخيير،،،عايزاك تتصرف وتجيب لي مفتاح البيت بتاعنا،،،عندي حاجات لازم اشيلهم،،،قال لي حاضر،،،قفلتا منو واتصلتا على نون،،،كان لازم افهم الحصل وانا ما واعيهه شنوو؟؟!،،،اتصلتا عليهاا،،،قالت لي الوو منوو،،،قولته ليها نون،،،انا ايناس،،،قالت لي اينااس وانفقعت بكى 💔💔،،،،قالت لي انتي جيتي من السفر متين،؟!قولته ليها سفر شنو😳،،،،قالت لي عمك قال لي كده،،،قولته ليها نون انا عايزه اشوفك،،،قالت لي انتي وين اسي،،،قولته ليها في بيت ناس عزه،،،قالت لي عزه؟!الوااحده دي،،،،قولته ليها اي،،،ح ارسل ليك العنوان في رساله،،،وضروري تجيني،،،قالت لي طييب،،،،قفلتا منهاا ونزلت تحت،،،،وانا قلبي بضرب،،،بقيت انادي عزه،،،عزه،،،جات طالعه مره كده كبييره،،قالت لي عزه في المطبخ،،،انتي صحبتا الجات معاها؟!قولته ليها اي،،،قالت لي طيب امشي على يمينك بتلقي المطبخ،،،مشيت المطبخ لقيت عزه،،،قولته ليها معليش بس ممكن تكتبي لي عنوان بيتكم هنا عشان نون،،،نون جاياني،،،قالت لي تمام،،،كتبتو في رساله وانا رسلتو لنون💔💔،،،،،،بطني كانت واجعاني شدييد،،،قولته لعزه عايزه لي حرجل،،،اغليهو واشربو لانو بطني واجعاني،،،قالت لي حرجل،،،بس يا ايناس،،انتي،،،انتي ما ممكن تشربي حرجل،،،قولته ليها ليه في شنوو؟!،،،قالت لي انتي،،،انتي حااامل،،،عاينتا ليها مساافه وانا بحاول استوعب كلاما دا،،،كيف حامل ومتين ومن منوو؟!،،،،وقفتا مصدومهه لانو انا ما متذكره اي شي من الفتره الفاتت💔💔💔
#سلام©✨
