رجعتا بيت ناس عزه،،،ولقيتا مستنياني بره،،،قالت لي اتأخرتي؟؟قولته ليها كنت بجيب شويهه حاجات تفضل معاي ذكرى❤❤،،قالت لي طيب طيب،،،اطلعي غيري ملابسك،،،وتعالي نتغدا،،،قولته ليها ما عندي نفس،،،قالت لي لو ما ح تاكلي عشان نفسك،،،اكلي عشان البيبي،،ولا نسيتي انو جزء منك،،،قولته ليها مش لما اتذكر منو ابوهو اول،،،وطلعتا فوق وانا دموعي في طرف عيني،،،،استحميت،،،وقعدتا افكر كيف ح اقدر اساافر ومنو ح يسفرني،،،وياترى ح اقدر أسافر من دون ولي ولالا،،،ميهه سؤال في الدقيقه الواحده هاجمووني،،،بعد شويهه باب الغرفهه اتفتح،،،قولته ليها عزه ماعايزه اتغدا،،،قال لي انا سيف،،،قلبتا عيوني في استغراب،،،وقولته ليهو ادخل،،،،دخل وكان شايل ورق في يدو،،،،قولته ليهو عايز حاجهه؟؟قال لي ح اطلب منك طلب،،او ممكن تقولي شغل وح تأخدي عليهو قروش ماتخاافي،،،قولته ليهو شنو هوو،،،قال لي عايزك ترسمي لي فساتين زي الرسمتيهم المره الفاتت،،،يعني بس تغيري شويهه في التشكيلهه،،،قولته ليهو غريبهه! عايز بيهم شنوو،،،قال لي انا نسيت اقول ليك اني قريت هندسهه معمار،،،بس مما قومتاا،،،قومتا وانا بحب التصميم،،،بإختصار روحي في الرسم،،،وطبعا زي ما شايفهه السودان،،،ما بهتم بالتصميم والمصممين والموديلز على قدر كده،،،،وانا اصلا كده كده ما قاعد في البلد دي،،،فعايز منك تصممي لي كم فستان،،،لانو كل اللي رسمتهم انا،،،اتسرقوا،،،والافكار كلها طارت من راسي،،،بإختصار عايزك تبقي لي مصممه في الفتره دي،،،لانو انا لازم اسافر الشهر الجاي،،،خلاص البلد دي ما بتنفع معااي،،،قولته ليهو ماعندي مشكلهه،،،وياسيدي من غير قروش،،،لانو انا كمان روحي في الرسم،،،قرب مني وقال لي يعني بعدين ماح تستغليني بحاجهه؟؟!قولته ليهو ماممكن تقول كلامك دا وانت بعييد مني؟؟!،،،زحاا شويهه وقال لي ع العموم دا الورق ولو عايزه اي شي انا بجيبو ليك على شرط ترسمي اكبر كميهه من الفساتين بتصاميم مختلفهه،،،قولته ليهو تمام،،،عاين لي بنظره كده مافهمتها،،،وطلع،،،،عاينتا للورق وقولته اهو ح يشغلني شويهه،،،،قعدتا ارسم اول فستان ما ظبط،،،التاني ماظبط،،،التالت ظبط،،،،اتشجعتا ورسمتا كم فستاان كده،،،اخر ورقهه بقيت اشخبط فيهاا،،،كنتا برسم لي في ملامح واحد،،بس ماعارفه دا منو،،،يدي الكانت بتتحرك وبترسم الملامح،،،وانا على حسب احساسي موااصله وبرسم،،،،الوش كان كامل الملامح ظااهره،،،،رفعتا الورقهه وقعدتا اعاين ليهاا،،،،ماعرفتا انا رسمتا منوو،،،والملامح دي اكيد ماغريبه علي بس هو منووو💔💔💔،،،ختيت الورقهه في الدولاب،،،وباقي الورق في الدرج علشان اكمل رسم بكره،،،،وانا بين نايمهه وصاحيهه بتجيني ملامح الشخصيهه الرسمتهاا،،،وأحداث كده غريبهه،،،هو ما حلم وانا متأكده الشي البشوفو دا عشتو قبل اليوم،،،بس التفاصيل ما متذكراهاا💔💔قومتا على حيلي،،،شربتا موويهه،،،وكان عندي صدااع💔،،،قعدتا افكر في الشخصيهه اللي رسمتهاا والاحداث الشفتها المامفهومه دي💔💔ماقدرتا اوصل لحاجهه،،،نومتا على كده،،،،
