(((وجع حنين )))بقلم ريحانة الجنة
((الحلقة الرابعة والعشرون ))#ريحانة
وقضي يوسف وحنين اول اسبوع ليهم سوا وكان من احلي ايام عمرهم حاجة كدة من الخيال حبهم لبعض كان بيخلي كل ثانية ليهم مع بعض ليها طعم جديد وفي يوم وحنين ويوسف كانوا بيتمشوا علي البحر ويوسف حاضن حنين وبيتكلموا كان في بنت حلوة وبيضة وشعرها بني وكيرلي ولابسة بيكيني ومعاها شاب طول بعرض وعضلات بقربوا من يوسف وحنين
البنت:مش معقول يوسف شهاب وحشتني موت . وحضنت يوسف وباسته بسرعة من غير مايلحق يمنعها
يوسف:اااهلا هايدي ازيك
هايدي :كويسة بس قولي ايه الحلاوة دي هو انت مبتكبرش ابدا
يوسف : حس انها ممكن تعملو مشكلة مع حنين . قام يوسف حاوط حنين بإيده . اعرفك حنين مراتي ودي هايدي معرفة قديمة
هايدي:مراتك؟؟ انت اتجوزت تاني امتي
يوسف :لسة من اسبوع بس
هايدي:اهلا يا مدام
حنين :اهلا
هايدي :اعرفك يا يوسف . تامر صاحبي
يوسف:اهلا يا تامر فرصة سعيدة
تامر:انا اسعد . قوليلي يا ديدي هو ده يوسف اللي حكتيلي عنه
يوسف :ايه ده انته بتجيبه في سيرتي كمان
هايدي :طبعا يا روحي انت اصلك صعب تتنسي مفيش ست تعرف يوسف شهاب وتقضي معاه وقت كمان وتقدر تنساه . اصل مقولكيش يا مدام حنين يوسف كانت الستات بتحبه ازاي طول الوقت بيتعاكس وبصراحة هوكمان شقي اوي ويتحب
يوسف:حس انها قاصدة تضايق حنين وكمان حس ان حنين جرس الانظار عندها ضرب وفاضلها دقيقة وتجيب هايدي من شعرها
يوسف :طيب استأنكم يا جماعة علشان لازم نروح نتغدي
هايدي :حشوفك تاني امتي
يوسف:معلش يا هايدي زي ماقلتلك احنا لسة عرسان ومش عايزين نسيب بعض خاليها بظروفها
مشي يوسف وحنين وحنين كانت خلاص مش قادرة من كتر الغيظ
يوسف :انا عارف انك زعلانة بس والله غصب عني
حنين :غصب عنك ايه بالظبط انت ازاي تسمحلها تحضنك كدة وتبوسك
يوسف :حبيبتي طيب انتي بتعيطي ليه بس انت عارفة انها قاصدة تضايقك . وبعدين والله انا اتفاجأت بيها ملحقتش امنعها
حنين :اه ولسة يا ما حشوف شكلي حيطلع عيني كل شوية حتطلعلي. واحدة وتقولي انا كنت علي علاقة بجوزك وانا بقي دمي يتحرق
يوسف :حضنها . حقك عليا الظاهر ان انا حتعاقب بذنوبي اللي عملتها بس مكنتش احب اتعاقب فيكي وتتوجعي بسببي وبسبب البلاوي اللي كنت بعملها انا فعلا مستهلش واكدة زيك . انا كان أخري الاشكال الزبالة دي
