مساء الخير عالغوالي شلونكم عيني شخباركم رجعتلكم بقصة جميللة رومانسية ،مستفزة،جريئة واقعية خل نسميهة حقيقية كون الابطال موجودين بنفس ظروفهم وشخصياتهم صفاتهم على ارض الواقع زواجهم تقليدي فهنا وظفت الخيال وغيرت ظروف الزواج ومعيشتهم وخليتهةتختلف تماما باطار جدا رائع وشيق ان شاء الله تنال اعجابكم متابعة طيبة باول باارت
البارت الاول
فيّد عبدالله
السلام عليكم شلونكم يابة اكدر اسولف وياكم شوية😌 و اعرفكم عن نفسي واكتبلكم عن شوية امور تصادفني بشغلي كضابط بداية اني اسمي أيسرضابط برتبة نقيب موالي١٩٨٧عايش ببغداد بمنطقة حلوة ومرتبة وحالتي المادية خير من الله وعندي بيت عايش بي وية امي الله يحفظهة الية مرية جبيرة بالعمر ومريضة ومرضهة زاد خصوصا بعد ماتوفة والدي قبل ٣ سنوات عندي ٣ اخوان واني ال٤ وعندي اخت وحدة اني اصغر واحد باخواني ووراية اختي ريام متزوج وعندي بنات ٢ وزوجتي حاليا حامل ورافض اتسوي سونار لان مقتنع اليجي من الله هلا بي وكلة رزق رب العالمين صح بداخلي اتمنى يجيني ولد يشيل اسمي لكن كلة رزق والحمدلله عندي بناتي بالدنيا ملاك عمرهة ٦ سنوات وقمر٤ سنوات زوجتي سهى صح بنت عالم وناس ودارسة مكملة تربية ومتعينة مدرسة لكن عصبية بشكل وتغار بجنون وهالشي مسببلنة عقدة ومشاكل متنتهي مااحب مرة تفرض رأيهة علية مستحيل اقبل وهي تشوفة عدم حب الهة وهذا الشي الي خلانة مامتفاهمين ابد جنت افتقد للهدوء ببيتي وراحة البال شي نسيتة حتى امي ماجانت راضية على علاقتنة وتحاول دائما تنبه سهى لكن لاحياة لمن تنادي بس ابقى احترمهة كونهة ام بناتي وقايمة بواجبي ومداريتني ومدارية امي ومحافظة على بيتي هالاشياء توكف بعيني وتخليني اتخطى المشاكل وانسى واتقبل اعتذارهة من تهدأ لان اني من طبعي صح هادئ واتحمل بس لو انفجرت مستحيل ارضى او يكدر احد يوكف بوجهي ويسكتني فهي تعرف طبعي وحافظتة.قبل اسبوع اجة نقلي لمقر ثاني جان اقرب على بيتي فكلت اريحلي صح ابتعدت على اصدقائي هناك بس هنا اقرب لبيتي ومنطقتي داومت اول يوم ولفت انتباهي شايب جبير بالعمر يطلع عمرة بالسبعين وتعباان وصحتة تعباانة كوة يتنفس صحت عالشرطي شلووون عايفي هيج متشوف حالتة جيبولة طبيب اخذوا مستشفى
الشرطي:سيدي هو اليوم يلا هيج انتكست حالتة البارحة جان زين
ايسر:شكد صارلة هنا
الشرطي:سيدي البارحة جابوا بقضية سرقة بايك الشركة اليشتغل بيهة حارس يعني بهالعمر ويبوك ياسيدي خل يموت مو ترسوا البلد
ايسر:انتة شمدريك الصدك وين بربك لوصدك بايك ما جان هسة اخذ الغلوس وشرد شعندة هنا
الشرطي:هااا ايجوز مالحك
ايسر:جيبلياه للمكتب واتوجهت للمكتب وشوية واجة الشرطي جايب الرجال الجبير وهوة كوة واكف اشرتلة عالكرسي وكتلة اتفضل استريح خطية استغرب وكللي
أنت تقرأ
مشاعرخارج دائرة الصمت
Romanceقصة واقعية هي،بكماء،مضربة عن الرجال،خجولة،تنذر حياتهة لرعاية والدها لكن ماذا لو دخل هو،الضابط،الحاد الطباع،الجريء الى حياتهة ،ضروف تجبر الطرفين على الزواج دون مشاعر ترى ما مصير هذا الزواج
