مساء الخيررر رمضاان كريم عالكل وينعاد بالصحة والسلامة.ادري تأخرت عليكم وضوجتكم اعذروووني جدا اسفة مرات ضروف تصير اقوة مني تخليني ماالحك التفت فاسفة واعتذر جدااااا.ومتابعة طيبة
البارت العشرون
فيدعبدالله
رغد:كيفت ببنات ايسر احس تغير جوو البيت وصارت بي روح بدل ما مكابلة ايسر واعصابة الي طافرة كل شوية التهيت العب وية قمر بس الجبيرة جانت نافرتني وكارهتني ولو حاولت اتقربلهة تضوج ومتهتم كلت يلا حقهة يجوز عبالهة اني الاخذت ابوهة منهم او امهة زارعة هالفكرة ببالهة بس صدمني جذبهة من وكعت قمر واتعورت جنت بالمطبخ دا اسويلهن كيكة وهي وكعت ركضت عليهة وشلتهة اريد اغسللهة ولاكاني ايسر طالع من الغرفة على صوت بجية قمر اشو ملاك تقدمت وتكولة اني ضربتهة وعورتهة عزززا انصدمت طفلة ماتوقعت منهة هالشي بس الصدمني اكثر انه زوجي المصون يصدكهة وبدون اي سؤال يضربني شكد استرخصت روحي من شفتة يضربني لحجاية طفل اسأل يااخي ليش عبالك الحل بعضلاتك ضجت وكرهت من صدك و نفرت منة ولعبت نفسي هو اخذ بناتة وطلع وضليت اني كالعادة دموعي تواسيني حاولت الهي نفسي سويت كيكة وحضرت العشا واني اكول لقلبي ها يااثول هم تنقهر عليه بعد لو يمووت ما اسامحة انسان اناني بلا رحمة منا وانتهة طريقي وياه لان كلمااكول انصلح حالة وتقبلني يتصرف تصرف يخليني اكرهة وانفر منة هاي هية ياعقلي استوعب احنة ماراهمين ولاتعلق هالقلب الاثول باوهام حب ماموجودة اني وايسر عمرنة ماراح نكون قصة زواج سعيدة او راهمة لان اساس الزواج مو راهم ،مر تقريبا ساعة ونص ورجعوا استقبلت قمر وملاك اتقدمت بيدهة هدية صلح واعتذرت اني هم اتقبلت اعتذارهة ونسيت تصرفهة 😊لان تبقى هي طفلة وما عليهة عتب بس العتب عالجبير المايعرف يوزن الامور وايدة سابقة عقلة كاللي جبت عشا طفيت على الي مسويتة وخليتة بثلاجة ورتبت العشا الجابوهة عالميز والتهيت اوكل بالبنات وملاك حسيتخة اهوون شوية بس ايسر ما باوعت بوجهة مااريد اشوفة ويرجع كلبي مثل كل مرة ولاسباب مااعرفهة يتخربط ويطلعلة اعذار مااهتميت لان كلش ضايجة ومقهورة منة دخلت غسلت للبنات وطلعتهن ورجعت غسلت واريد اطلع ومااحس الا اندفعت للداخل وانسدت الباب اريد افتهم شكو واباوع ايسر ساد الباب مال الحمام ومنتجي عليهة ولازمني بشكل كلش مقربني عليه ترتبكت من الموقف الي احنة بيه وحاولت اوخرة بس لزم ايدي وبايدة الثانية رفع وجهي وكاللي ضايجة مني مووو مارديت عليه بس دموعي صارت بطرف عيني كاللي لاتذبحيني وتنزليهن مااتحمل باوعتلة متفاجئة هذا عندة انفصام راح تجنني شخصيتة العجيبة
ايسر:مااتحمل اشوف دموعهة ضعفت كدامهة ونسيت كل عنادي شفتهة اتفاجأت بكلامي كتلهة هنا ضربتج واشرت على خدهة هزت راسهة بايدي دنكت على قزومتي وبست خدهة وكتلهة اعذريني حقج علية
رغد: احس ناار تطلع صارت من خدودي غضب على خجل شعورين بداخلي صعب امسح كلشي ببوسة واعتذار بس مااريد اصدة ومااريد يحرمني من حنانة اريدة يبقى هادئ ومايصيح ويعصب ويخوف كاللي وهنا ضربتج هم اتذكر واشر على شفايفي بعدني ماكايلة لا ومااحس الا بوووسة دااافية طبعهة على شفايفي احس لهنا وانكطع النفس وخرتة من الباب وطلعت ركض لغرفتي سديت الباب واتلمس بخدودي ووجهي الصارن طماطة احس جسمي يرجف واحساس غريب اول مرة يصيرلي اتخربط كياني وكلبي صاار يركض بقيت بالغرفة استحي اطلع وهم البنات اكيد يردن شي او هو شلون اطلع بيا عين استحي منة والله لحدما اندكت الباب وفاتت ملاك
أنت تقرأ
مشاعرخارج دائرة الصمت
Romanceقصة واقعية هي،بكماء،مضربة عن الرجال،خجولة،تنذر حياتهة لرعاية والدها لكن ماذا لو دخل هو،الضابط،الحاد الطباع،الجريء الى حياتهة ،ضروف تجبر الطرفين على الزواج دون مشاعر ترى ما مصير هذا الزواج
