اذا غرورك يمنعك تعتذر لي تعال جنبي و ابتسم لي و اسامح.

1

السلآم عليكم ورحمة الله وبركاته

لكل حكاية فصول.,
فالحياة تجارب.,
منها ماهو مرّ مذاقة.,
لاتستطيع الروح على تجرعة..
ومنها ماتتلذذ الأنفس عندما تتذوقه.,

:
:

كانوا هناك..
على اريكة من الرفاهية.,
نحتسيهم مع قهوة المتعة.,
كل مساء وصباح.,
كونوا مع أبطال روايتي..
قلبا وقالبا...فهم بانتظاركم

روايتي الأولى

[[ إذا غرورك يمنعك تعتذر لي تعال جنبي وابتسم لي واسامح ]]

بقلمي الخاص
|{ بنت كلاس }|

/
\
/

الجزء الأول:

في عام 1991 بعد انتهاء حرب الخليج في احد غرف الولادة خرجت صرخة أنثى
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآهـ

بعد دقائق قليلة الا بصراخ طفل يستغيث وكأنه يقول لماذا اخرجتوني لهذه الدنيا
الممرضه: ألف ألف مبروك جتكم بنت زي القمر
سلطان :الله يبارك فيك بس طمنيني على زوجتي
الممرضة: لا لاتخاف بخير الحمد لله الان بننقلها لغرفتها .. عن أذنك
سلطان يدق على ابوه : هلا يبه ترى أمل ولدة وجابت بنت بشر امي
ابو خالد : لا الف الف مبروك ان شاء الله ربي يجعلها من البارآت

وانتشر الخبر في بيت ابو خالد

ام خالد :لا الف الف مبروووك يالله ان تكبرها وتعافيها وهـ يا انا حبيتها قبل ما شوفها
ام صالح (فوزيه)مرة خالد: ايه والله يا خالتي ان فرحتنا مابغت تولد كل شوي مهبله فيها هالبنيه اشوى انها بس جت
ام ثامر (حنان) بنت ابو خالد : والله الحمد لله يا يمه .. الا قولي لي متى بيخرجونها
ام خالد : والله على قولت اخوك سلطان انه بكرة الظهر
ام صالح : لا زين اجل خل نرتب لها الغرفة
ام خالد : ولا يهمك مزينه كل شئ
ريان : ماما .. ماما
ام خالد : هلا والله بظناي تعال يمه شف امك هنا .. فوزيه شوفي ريان يناديك
فوزيه ام صالح : هلا حبيبي تعال هنا
ريان : ماما صدق ان في بيبي جديد بيجي بيتنا
ام صالح : هههههههههههههه ومن اللي قالك
ريان : سمعت بابا خالد يقول لبابا ان عمي سلطان صار عنده بنت
ام خالد : ايه يا قلب امك انت .. تعال عندي
ريان : امي فاطمه صدق كلام بابا
ام خالد : ايه حبيبي صدق ولا بعد هذي بتصير زوجتك
ريان: ماما يعني هذا البيبي لي
ام خالد:ايه حبيبي انتبه لها زين وحطها بعيونك

وراح ريان وهو مستانس

ريان "الله يعني بيصير عندي بنوته انا لازم انتبه لها واحبها وماخلي احد يزعلها ولازم اجيب فلوس على شان اصرف عليها مو الرجال لازم انا اللي اصرف عليها ريومه حبيبتي ايه ريم انا احب هالاسم لازم اسميها ريم"

ويدخل سلطان من باب البيت على مجلس الرجال

سلطان : السلام عليكم ورحمة الله وبركاتة
ابو صالح : هلا هلا بالابو ههههههههههههه
سلطان : اللي يسمعك يقول اول ولد لي الله يخليلي نواف
ابو خالد : الا ياولدي وش بتسميها
سلطان :والله مادري يا يبه لحد الان ما قررنا