عشك خرافي

بارت 1

الكاتبة.
سحر الغرام
اذا عجبتك القصه صوتولي
////////////////////////////////

مرحبا اني صكر عمري 31
دكتور وشيخ عشيره شكلي ابيض وعيوني سود وكل الي يشوفني يسألني عن اعيوني عبالهم امكحل بس ارموشي اثخان لهاذا السبب ينشافا مكحلات
استلمت الشيخه من جدي لان تعب واني اكثر واحد مؤهل
عندي 3اعمام كلهم عايشين بالبصره
اله واحد منهم ساكن بغداد طبعن كل اهلنه بنفس الشارع. يعني تقريبا نص المنطقه النه
عمي العايش بغداد
دائما يجي يزورنه هو واولاده ومرته هي خالتي اخت امي بس بناته ما يجن وياهم
اثنين مزوجات وحده ما مزوجه بس ما تزورنه ابد وصار عندي فضول اتعرف عليه
مرات اكول يجوز مغروره ومتكبره لهذا السبب ما تجي ويه اهلها
عائلتي تتكون من
ابوي وامي واخواني🌴 مجد وياسر وعمار 🌴كلهم مزوجين بس اني مو على بالي الزواج وطلايبه
وعندي خوات 3 اثنين مزوجات ولد عمي وساكنات قريب من عدنه وحده ازغيره عمرها 17بزر الكعده والدلوعه عند الكل اسمها رشا
بيتنه كلش جبير وكلمن عنده اسويت كامل

_________________________________
في بغداد

ولج جوجو اكعدي راح يروح الخط عليج
مممم هسه كمت
عزا ولج ابسرعه دومج امأخره العالم ابسرعه
اي اي كمت كمت
صباحو يوم مممواح صباحو يا وردتي يله ابسرعه جهزي حالج وتعالي اتريكي

مرحبا اني جوري عمري 21اني شكره واعيوني عسلي فاتح وكبار كلش وحواجبي اثخان وطابكات
ما احط مكياج ما احتاجه ادرس طب
عائلتي تتكون من ابوي وامي واخوي محمد مو بس اخوي وصديقي  وخواتي 🍁جوهره وجميله 🍁
احنه عايشين ابغداد بس اصلنه بصره
ابوي وامي من البصره بس شغل ابوي صار بغداد واضطر يستقر بغداد من احنه اصغار ودائما.
ابوي وامي واخوي يرحون للبصره يشوفون اهلهم
بس اني اتخبل من عدهم
رحت مره من اني ازغيره
وشفت الويل ومن عدها وبعد ما اروح
اني الوحيده من بناتهم كملت دراسه لان عدهم البنت بس توصل سادس اعدادي خلاص صارت كبيره ولازم تتزوج
_______________________
روتيني اليومي من الكليه للبيت صح عدنه حريه بس بحدود

مره من المرات اجانه ابوي وحجه ويانه كلنه
ماما
الله. يساعدك ابو محمد
بابا
ويساعدج يالحبيبه
اليوم اشوفك فرحان كلش فرحنه وياك
اي فرحان كلش اليوم امي وابوي يجون من الحج
وعزمونه
وبصراحه صايرنه كم شهر ما رحت وشفتهم
وبصراحه ابوي اصر نجي كلنه حته جوري وجوهره وجميله
لازم تحضرون كلشي لان باجر من الفجر نطلع ماشي

صار يروحي حته اني اشتاقيت الهم
بابا اني اروح لبيت خالي ابقه عدهم ما اكدر اروح
جوري 😡كلت كلنه نروح يعني كلنه نروح
😔صار بابا
واسمعيني ملابسج تلبسينه كله محتشمه ما اريد لبسج ضيك فاهمه تلبسين جبه عرفتي
صار بابا
___________________
رحت لغرفتي وجهزت ملابسي
وقتت المنبه ورحت بسابع نومه
كعدت على صوت ماما تكعد بيه
كمت ابسرعه اخذت دوش سريع وجففت شعري كلش يضوجني لان كلش طويل
وجهزت نفسي ونزلت اتريك
لكيت الكل جاهزين بس منتضرين اخواتي
اجن اخواتي ورحنه
الطريق كلش طويل تعبت ودخت
كعدت واني اصرخ لكيت محمد. امفرغ بطل الماي على وجهي دائما ينكته بيه
تداهرنه اني ويا وناسيه القوم الي واكف ورانه درت وجهي وتفاجئت
السارع متروس زلم شباب وشياب وتوسطين بالعمر والكل يضحك على الموقف الصار بس واحد
طابكات حواجبه تكولك👈 مجرم حرب ويتأفأف
بس شكله حلو يدل على شخصيته وهيبته
نزلنه وابوي يعرفني عليهم
لان اني ما اعرفهم عرفت عمامي ولد عمامي وصل الدور ل مجرم الحرب
وعرفت اسمه صكر مديت ايدي اسلم عليه
سلم بس لزم ايدي حيل اله اشويه تنكسر
عصرها عصر ما اكدر احجي بس احس اذاني كامت تطلع منه دخان. من الحركه
عابت على شنو شايف روحه
دخلنه للبيت بصراحه كلش حلو مو بيت قصر
سلمت على الكل
وسلمت على بينه قريبه من عمري حبيته اسمه رشا
وعرفت هي اخت صكر بس تختلف كلش عنه تضحك وتشاقه
اجه جدي وبيبيتي وصار رمي وذبحو ذبايح
وصارت عزيمه بالبيت
جان الجو هوسه ناس تطب وناس تطلع والبيت متروس ناس بس العجبني. كلهم مو خطار كلهم جوارين
وهاي الجمعه  عدهم عاديه يعني يوميه تتكرر
راسي صار طبل جانو امجهزينه غرفتين اني والبنات بغرفه  وابوي وامي ومحمد بغرفه
اني طفرت عن اخواتي ونمت ابغرفت رشا
مالي خلك جهالهن اني ورشا صرنه صديقات
صارت الساعه 12
وبعدهم كاعدين صايرين مثل الكروبات مجموعه مجموعه البنات على صفحه والشباب على صفحه والشياب على صفحه
بس هذا مجرم الحرب كل ساعه ويخزرني من اضحك
كلش ظجت منه
كلت لرشه تعبت اريد انام
صعدنه لغرفتها فليت شعري ورشا ضلت صافنه عليه واجت تجر بشعري وتكلي
الله. عليج صدك هذا شعرج
اي شعري
يعني مو باروكه
لا صدكي شعري لان ما كاصته من اني اصغير
يخبل بس لا تحلينه كدام احد ماشي لا ينصاب بالعين
ماشي
اخذت حمام سريع ورحت نمت ابسابع نومه
ورشا نزلت جوه
_________________________________