عشك خرافي

بارت 8

الكاتبة
سحر الغرام.

دگوا باب كلبي #
عنك يسئلون #
طلع جرحي #
يكلهم ذوله شالو #
             
«««««««««««««««««««««
 
جوري*

ما اعرف اشصار بيه من شفت صكر
سابح ابدمه ركضت اله مثل المجنونه
ما اعرف اشلون اجتني الجرئه ونزلت
حضنته وكمت اصرخ صكرررررر
صكرررر رد عليه رد عليه حبيبي اي انته حبيبي
تعرف اني احبك اي احبك هسه يله عرفت

ولك كوووم كوم لا تعوفني احجي وابجي بنفس الوقت اتهسترت ما اعرف شنو اسوي نزعت الجاكيته الفوك ملابسي وضغطت على الجرح واختي جميله اتصلت بمحمد وخبرته عن الحادث

اني حفضت رقم السياره الهجمت علينه هم انهزمو واسمعهم يكولون مات خلينه ننهزم. 
واني احجي ويه صكر ما اريده يفقد الوعي

صكر*

من وكعت سمعت صوته ابتسمت الها وبعده كمت افقد وراجع اصحه وجنت اسمع كلامه من تكلي احبك
كلبي طار من الفرح بس كل اشويه تصير ضلمه وارجع اشوف وجها جنت ماسك ايدها قوي ما اريد اتركه
بعده ما اعرف اشصار

جوري*

بعد فتره اجه الاسعاف ومحمد ولد عمي كلهم وسياراتهم سدت الشارع نقلو للاسعاف واني ما قبلت اتركه جان ماسك ايدي قوي
صعدت وياه

واني انطيت الرقم لولد عمي قسم منهم راحو يدورون على السياره وقسم ويانه راحو للمستشفى

دخلو صكر لغرفة العمليات واني فاحطه من البجي اجه ابوي وجدي  وعمي وخالاتي وامي انترست المستشفى
واني ما ادري بروحي من حجيت لمن ابوي اخذني ابحضنه وكام يتشكر ربي العالمين لان رجع صوتي

بس اني مو فرحانه لان برجعت صوتي صكر صار ابخطر ما اريد صوتي خلي يرجعلي صكر وخلي صوتي يروح 👍وعد اذا رجعت صحته زينه اعترفله ابحبي وهنا بالمستشفى

وبعد طول انتضار وجانت لحضات الانتضار جدا مؤلمه
اجه الدكتور بشرنه انو صكر عده مرحلت الخطر
وبعد نص ساعه يصحه من البنج

شكرنه ربي العالمين ونتضرنه ساعه كامله بعده صحه صكر وكله اتريد تدخل اتشوفه
الدكتور ما قبل وكال واحد واحد يدخل ايشوفه خمس دقائق كله كملت سراها وصل السره الي
اني بين  حيره ورتباك وخجل وتردد وبعدني عد وعدي 👆احجي ابكلبي اشلون وشلون لمن وصلت اله

اجت اعيوني بعيونه وجانت نضراتي كله لهفه وخجل
ونضراته كله لهفه وشوك
انتابني شعور كلش غريب بين حيره وتردد
وصلن يمه وكتله

الحمدالله على السلامه صكر

الله. يسلمج يبت كلبي ماتعرفين اشكد فرحت من سمعت صوتج لو ادري اصوابي راح يرجع صوتج
جنت من زمان اتصوبت