عشك خرافي

بارت 7

الكاتبة#
سحر الغرام#

انتي كلج مالتي مو مال ابوج #
وامج اصلن جابتج لكليبي #

بعد ما خلصنه لحضات العتاب والمسامحه
انداريت واشوفلك صكر. مزعوج من شنو ما اعرف
ليش مزعوج شنو السبب هم ما ادري
بس احس يريد يخنكني وقبضت يده متكوره
يعني بس واحد يحجي وياه يجي بوكس على وجه
تركته وكملت فرحتي ويه اهلي

******************

صكر

ما اعرف ليش حسيت بالغيره من حضنة محمد
وكملته من حضنت ابوها كلبي اشتعل نار
معقوله احبه لدرجه حتى ابوها واخوها
اغار منهم

بعد ما اتحمل ودي اروح واجرها من حضن ابوها
زودتها بس تحضن وتبوس شنو ما تشبع بنت الذينه
اني كلبي صاير نار وهي ما حاسه بيه اصلن ولا امعبرتني

بعد ما اتحمل اذا بقيت يمكن اجرم بيه تركتهم وصعدت لغرفتي راسي يريد ينفجر
حطيت راسي فكرت راح انام بس طلعت كل اضنوني غلط سرحت بمنضرها لمن كانت اتغسل بالحمام

خصرها تكولك نبع ريحان
وشعرها مثل اخيوط الذهب
وجه يشع مثل الشمس خبلتني
لمته تحنين وتعطفين على حالي
حتى لو شفقه منج عمي راضي بكلشي بس كون ترضين بيه

واني افكر وسرحان بيه وجان يدك مبايلي
واشوف رقم الي يخرب اللحضات ماكو غيرها
اسعيدان
اووف منج ومن نكج
فتحت خط

-الوووووو اشعدج متصله
مو قبل نص ساعه اني وصلتج

-ها صكر مو. مو اني ردت اطمن عليك

-انتي تستغفليني لو تضحكين عليه هاااااحجي اشعدج

-ما عدي شي بس ردت اكلك يومين وتعال عليه

-منو كالج يومين مو اني كلتلج تبقين عد اهلج لمن اني اجيبج هاا مو حجيت وياج بالطريق ومصرفج يوصلج لبيتكم  وبعد لا تتصلين عليه اني اتصل عليكم فاهما

-بس اني اريد ارجع للبيت ما مرتاحه اهنا

-اسمعي ولج هي كلمه وما اعيدها رجعه ما ترجعين لمن اني اسمحلج فااااااااااهمه(بصياح)

(سعاد اتخاف من صكر من يكون امعصب كلش يخوف وهي جبانه ابسرعه تخاف منه ف هو الوحيد الي ما تكدر عليه ابد)

بعد هل كلام سدت المبايل
وهي تحلف وتتوعد اتدمر حياة جوري حته لو تخسر اعز شي عده

صكر ضل يرجف من العصبيه(لا من الوكاح ههههه)
ضل يفكر بجوري اذا عرفت ابزواجه شنو ردها
شنو. شعورها شراح اتسوي يمكن جان عدي امل بس هسه لا لا ما راح تسكت يمكن ترجع تنتكس حالتها
بس اني راح اخليها ما تعرف هل فتره لمن يتحسن وضعه