عشك خرافي

بارت 5

الكتابة.
سحر الغرام
اذا عجبكم البارت صوتولي
"""""""""""""""""""""""*
كل ما اريد اشتم هوى #
*يخنكني واحد غالي #

جوري

ضجت كلش من عدهم كلهم
ما حبيت اشوفهم كلهم. السبب بلي صار بيه
اعتكفت بغزفتي وما طلعت بره الغرفه رغم امي اجتني تتوسل بيه وتأشر على الباب
عرفتها تريدني انزل يمهم
بس اني عندت وحته حسسته اني زعلانه منه
اجن اخواتي الي من سنه ما اتنازلن وشافني
وكامن يبجن ويتوسلن بيه بس اني
شايله بكلبي عليهن اهواااي
لان المفروض يوكفن وياي ابشدتي بس هنه تركني اعاني لحالي
تركني وراحن بعد محاولات اهواي بس رفضت اكون وياهن ابمكان واحد
============================
الكل اتعشه وصارت لمه حلوه
والكل منطلق بالكلام والضحك بس كلهم ابكلبهم حسره على وردتهم الي ذبلت وهمه السبب ابذبول ابنيتهم
وصار حديث يخص جوري بما انو جوري ما تسمع
ف همه ما خذين راحتهم بالحجي
الجد
ابني ابو محمد اشقررت بموضوع جوري وسفرها
ابو محمد
والله. من باجر اكمل اجراءات. السفر واكمل جوازها اجدده حته اخذها واسويلها العمليه
زين بس انته وياها ترحون
لا اني وامها
بس هم لازم يروح وياك احد وحدك ما ترهمه
بس ما اكدر اخذ محمد عنده دوام اشلون
ابني اخذ صكر وياك حتى اني يرتاح كلبي عليكم
والله. ما ادري شتكول صكر
صكر
طبعن اروح عمي مستحيل اخليك اتروح وحدك
اني راح ارتب اموري ونشالله. نسافر
الجد
بس حجيت ويه جوري
لا بويه لسه ما حجيت وياها
روح هسه احجي وياها
بويه خاف تنهار وهي كوه اتحسنت
ابني لازم اتمهد الطريق الها حته ما تنصدم بعدين
ماشي راح اروح وانشالله ما تتخربط علينه
ابني اخذ صكر وياك واكتب كلشي الها لان بالكلام
ما تسمعك
صار بويه كوم ابني صكر
صكر هاا اي اجيت
كمت بس شعوري ما ينوصف تكولك كالولي تعال للجنه
صعدنه لغرفتها
ودك الباب عمي ودخل اني دخلت ويا
جانت صافنه وادموعه تجري تكولك شلال
ما حست بينه لمن عمي مسح ادموعه
هي فزت ورجعت لوره
فكرت راح يضربه عمي
حسيت عمي انعصر كلبه عليها واني
ضجت عليها لان عايشه برعب ابسبب اهلها
(شعور ما ينوصف لمن اتحس حالك امهدد بالعذاب من اقرب الناس الك )
حاول يهديه عمي واشويه يله هدت وكعدنه مقابيلها
بس هي نضراتها اليه مو طبيعيه( لو جانت النضرات تقتل هسه اني ميت وتقره الناس الفاتحه عليه😀 )
كمت اكتب كل كلمه يكولها عمي ومن اخلص كتابه انطي الدفتر لجوري.
وجانت الكتابه
.....بنتي جوري ما اعرف شحجيلج او امنين ابدي بس اني ندمان واعض اصابعي ندم على السويته بيج
واتمنه اتسامحيني وذا ما سامحتيني خليها للزمن وهو كفيل يداوي الجروح ويصالح المتخاصمين
بتي انتي فقدتي السمع بسبب الضرب التعرضتيله
مني ومن اخوج والدكتور اقترح نسويلج عمليه
والعمليه بالخارج. واتمنه توافقين حته ترجعين اتسمعين مثل قبل ها شتكولين

انطيته الدفتر وبدت تقره كل كلمه ويه كل كلمه توكع ادموعه
وبعدين ضلت صافنه
اشويه
ولزمت القلم
وكتبت
..... وليش تريدني ارجع اسمع ها ليش مو انتو الدمرتوني
تريدني ارجع اسمع كلامكم الي اقسه من ضربكم الي
ها تحلمون اسوي العمليه بحلامكم ما اريد منكم شي تركوني لحالي
مو عفتوني من زمان ليش هسه رجعتو اني ما اريدكم اتركوني لوحدي مثل قبل
اني مو مهمه عدكم بس هذا (وتأشر على صكر)
هوه اهم مني عدكم خلي يفيدكم
وبس تقره هل كلام اتمنى تتركني لحالي

وشالت الدفتر ونطته لبوها

الاب من قريت كلامه انقهرت عليها اهوااي شايله
ابكلبه علينه وحاقده على صكر
الي يتمنه كلمه منها ما شافت اسوه من عرف بيها مريضه لو تدري بحبه الها جا ماحجت هل كلام
بسته براسها وطلعت
مخنوك والعبره خانكتني عليها
شفت اثار الضرب ابديها وركبتها
اذكرت مره من ضربتها وانجرحت بالمحجر مالت الدرج
ونجرحت ركبتها وفقدت
نزلت لعد اهلي وهمه متأملين اتوافق بس عرفو من
شافوني ضايج
الجد

ها بشر
شبشر ما ترضه تحجي ويانه ورافضه العمليه
تريد تبقه هيج على حالها
خليني اني احجي وياها
كوم صكر وياي
صكر ها اني ما رروح خلي محمد يروح وياك
لا انته يله كوم وياي
صار جدي

دخلو ل جوري ولكوها منهاره وتبجي ركض جدها حضنها وكام يبجي وياها
كافي يبعد جدج اشصاير بيج
ها كافي ادموع. كافي يروحي
لاتبجين اريد احجي وياج جم جلمه بس كون اتسمعيني ماشي(جان يتكلم بالا شاره وياها وهي فهمت عليه )
اكتب صكر 😊
ماشي
........اسمعيني ادري بيج شايله بكلبج على الكل بس
اتمنه تسامحين
رب العالمين ويسامح عبده ويغفرله
تدرين اذا سويتي العمليه راح تكدرين ترجعين اتكملين دراستج
صكر رفع راسه ويباوع على جده متفاجئ
الجد
كمل صكر لا تضل تصفن اني قررت وبعد محد يدخل
بحيات جوري هي اتقرر
كلشي يخص حياتها ومستقبلها. كمل
اني انطيج وعد محد راح يتدخل بحياتج
وانتي تقررين كلش يخصج من اليوم
بس لازم تتعافين يا بعد روحي

صكر
انطيت الورقه لجوري واخذته مني وضلت تقره
وكتبت وانطت الورقه لجدي 

.....اي مستقبل انته تحجي بي راح مستقبلي
وراحت احلامي وتدمرت حياتي
اجيت متأخر

الجد
....لا ما انتها مستقبلج هي سنه وحده راحت عليج
تكدرين. ترجعين وتعوضين هل سنه
انتي بس وافقي
واني اتكفل ابكلشي حتى مصروفج
ما الج دخل ابواحد

جوري
اخذت الورقه منه وقريت ابصراحه قنعني جدي لازم ارجع اكمل حلمي
واذا وعد جدي ما يتراجع ابوعده
وافقت
وخبرني بعد اسبوع نسافر
وسافرنه وجان ويانه الحقنه صكر
وكل اشويه الكي فوك راسي ويخوزر بالناس الرايح والجاي
اني نفسيتي اتحسنت هذا الا سبوع
وعافيتي رجعتلي وجسمي بده يرجع لوضعه الطبيعي
بس شعري التعبني لان صاير طويل واصل لرجليه
ردت اكصه وحنه امسافرين وكتبت لمي وامي كالت لبوي بس اشوف صكر انتفض وكام يصيح
هذا الحجي قبل لا اسوي العمليه
وكالتلي امي مايقبل ابوج
اني ما اقتنعت بس سكتت
جانت علاقتي جافه  بيهم كلهم
على كد السؤال
كملنه العمليه ورجعت اسمع من جديد بس ما اكدر احجي يمكن من الضغوطات والحاله الوصلته

عزمنه جدي للبصره
واني رفضت رفض قاطع اروح وياهم بس قنعوني وافقت وصكر هم حجه وياي

صكر

جوريتي صدكيني ما اضايقج ولا راح احجي وياج
ابئي شي
كلشي ما اريد بس اريدج اتغيرين جو وبعد ما ترتاحين
نكمل اجراءات. الاجامعه

ضليت صافنه على صكر معقوله متغير
كتبتله اموافقه
هو فرح واجه باسني براسي وراح

اني اتفاجئة من تصرفه بس ما اعرف ليش ما اتضايقت
من تصرفه
ما اعرف ابشنو حسيت احساس غريب وجديد