أنكتب لي قدري

البارت5

سما:..من شفته راح وراها ..مسحت دمعتي ورحت اخذت كتبي ومن طلعت شفته بعده بغرفتهه بقيت واكفه..رحت يم الغرفه واسمعها تحاجي وتبجي وهو يكلها ميخالف..حسيت راد يطلع مشيت بسرعه ودخلت لغرفة ايه..بقينه ندرس ونسولف..صار الليل نزلنه سوينه عشه..الولد طالعين شفت سكينه تمرغ رجلين عمتي وتمصلح الهه وعمتي تسولف وياهه غرت منهه الصراحه خاف تاخذهم مني..غسلت المواعين وياها خطيه..وصعدت بغرفتي..خابرت ماما شفت شخبارهه وسديت الخط..باوعت لساعه ب10 سمعت اجو خطار جوه..لبست شال ونزلت عمامي جايين سلمت عليهم سويت جاي الهم وكعدو يسولفون ويسألوني على صحتي ساعه واجه فهد سلم عليهم وكعد يمهم يحجون بالعشاير ومدري شنو وكل شوي يبتسملي لو يغمزلي بس اني ما باوعتله مانسيت من دخل وره سكينه..حسيت راسي انسطر من الدوخه..كلت لسكينه راح انام ابقي يمهم خاف يردون شي..

سكينه:مو اشتغل عندج تره حالي من حالج جنه مثلج..تبقين هنا شكو صاعده وذابه لهوسه براسي..

سما:استغفرلله مالي خلك احاجيها..بقيت كاعده بس راسي موتني فد مره..شربت علاج مافاد كعدت بالمطبخ ودنكت ابجي من وجع راسي والتفكير ليش فهد دخل لغرفتها..شفته دخل للمطبخ يشرب ماي..

فهد؛سما شبيج تبجين

سما:درت وجهي منه..مابيه شي..

فهد:سما بيج شي ليش هيج تبجين اني مأذيج بشي ..

سما:امسح بدموعي وينزلن..صحت بيه..عوووفني

فهد:سما ماقبل تصيحين علييه لو ما احبج ما اسكتلج افتهمتي..

سما:بس هاي الفالح بيها..كمت اريد اطلع شفت سكينه تباوع علينه..عاد عناد بيهه..رغم متعاركه ويا..رحت حضنته..وبسته بركبته وباوعتله ورفعتله حاجبي اما فهد مصدوم يباوعلي ويلزم بكصتي يكلي بيج شي..
شفت سكينه خزرتني وغمتني ومشت..اني خلصت مهمتي دفعت فهد..شبيك تحضن بيه دعوفني..

فهد:لا يا الله تخبلتي سمسم هو منو التحارش..

سما:ضميت ابتسامتي كوه..مشيت كعدت يم عمتي..

ام فهد؛يمه سماوي يمته نشوف جهالكم..

سما:استحيت من كالت هيج..بعد وكت

ام فهد:يمه مو خاف يمل فهيد واعرفنه ويكلب عليج

سما:خفت من كالت هيج..كتلها الله كريم..لزمت راسي راح ينفجر..خليت راسي بحضن عمتي..عمه فدوه مرغيلي راسي موتني..
ضلت تمرغ براسي وغفيت مادري بروحي..حسيت فهد يشيلني..دخلني للغرفه..نومني ..وطفه الضوه واجه نام يمي وحضني..ويبوس براسي..شلت راسي وكعدت..

فهد:بسم الله لعد مو نايمه..

سما:اليوم ليش دخلت بغرفة سكينه

فهد:هيج حاجتني..

سما:شحاجتك..

فهد؛سما نامي راسي يوجعني تره..