ريحانه بقلم الكاتبه ام زهراء الناشربارق العراقي

الجزءالسابع

#ريحانه_الجزءالسابع
#بقلم_الكاتبه_ام_زهراء.....
#من_بيج_قصص_عشق_لاينتهي
#الناشربارق_العراقي

بعد ما كملت الاستقبال وسجاد ساعدني وخله السجاد ع الحبل
دخلت المطبخ
حرت منين ابدي بيه الطباخ اسود من الدهن ... لكاونتر حته اسود ونصن دهن.. المفرغه هم سووده
المواعين شمر شمر ماكوو شئ عدهن اسمه تستطير وحته من يسطرن لنسوان تجي الجهال وتخررربه
المواعين مو ترتيب كل قسم وحد لا عدهم شئ فوووك شئ
احتاريت شسوي
دخلت غرفه جهال خيريه لكيت ابنها بسووم نايم
اني/// بسوم بسووم اكعد
بسوووم// هاا
اني// اكعد ادزك لدكان
هووو // كعد بساع وفررح عبالك دازته للمول لوو للام المتحده...شنو تردين يااا كرفس ههههههع
اني// صدك ضحكت عليه كتلها جيبلي فلاش وكلور ومنظف دهون وزاهي و.....
هوو شنهوووو ذني
طلبت منه ورقه وكتبت كل الي احتاجه
طبعااا انطيته 25 لان ماعندي صرف واخووي علي دزلي فلووس خطيه وي الجنطه

راح بسووم وجابلي غراض وطبعاا مشتري اله كم شغله
علئ الرغم شكد محتاجين بس الاطفال عينهم مليانه
كتله ذني الباقي الك والباقي الجهال اشتروو حلويات لان شفته شكد كان فرحان بالجبس مالته الي سعره مايجاوز ربع دينار

جابلي الاغراض وتنظفات وخلطت نفس امي قبل بديت بالطباخ وجلف وجلف ونكعته علما اروخ افرك الكاونتر ورحت رتبت المواعين وخليت الصحون وحد والخواشيك والسكاكين بالمجر وحدهن الاكوواب بمجر وحد
حته متصير هووسه
شفت علب الشكر والملح والبهارات طلعت قواطي حليب اوو شياش مالت طرشي
وماينعرف الملح من الشكر
صحت لبسوووم مره ثانيه وطلبت منه يجيبلي علب مطبخ شكردان وعلب خاصه للمطبخ بس كال
بسوووم /// ميبيعون هجي لان ماتمشي عدهم كولي لعمي سجاد يجيبلج من بغداد عدهم غراض حلووووه هوواي
ضحكت عليه... بس اني شلون اطلب منه مستحيل

رتبت المطبخ وصدك طلع وجهه ثاني اله
بس ردت اجيب علب زغيره... ردت حافضات .. رردت هواي اشياء للمطبخ نفس مالت اهلي ..واني عندي فلووس هواي
صار العصر وكووله ضلت تكعد وتتدخل للمطبخ وتتفاجاه من الترتيب ....

😳😳😨😨
😱😱😱😱

رحت حته اجيب ملابسي وادخل اسبح....
دخلت للحمام/// يبووووووو صرخت بأعلئ صوتي
اجه عمي ابوو جاسم فد رجال محترم كلش بس دوم ضايج خطيه يطلع الصبح يجي العصرر علموود ينطي لهاي الناس الكومه الي عنده اكل
ابوو جاسم// شكووو
اني// تمساح بالحمام
ابوو جاسم وسجاد // شنوو تمساح
اني// والله جربووع بس عبالك تمساح جبيررر
ابووجاسم// ههههههه دخل للحمام وطلعه اليه
وسجاد وخيريه والنسوان بس يضحكن عليه

طبعاا ماحجيلكم عن زوجي علوووش صار زين تعود عليه بس كلما انضف الغررفه اشبع كتل وتفالات منه

اجوو بسووووم وبيده علاكه شكبرها وبيه حلويات ب15 الف والجهال كلهم تلكوووه شنووو هذا شنوو هذا
بسووم// من كرفس هاي الفلووس كالت حلويات الكم
ابوو جاسم// بوويه شنوو هاي اليه
ولك بسووم منوة كالك تاخذ عمه بعينك هس اجيك بصونداا
اني// يعني انت معتبرني غريبه عموووو
ابوو جاسم// لا انتي بعد بتنه بس ماريدهم يتعودون يمدون ايدهم بسرعه هجي
سبحان الله قبل بابا من يروح يسافر او ياخذنه سفرات اوو ادز وي خوواني يجيبوولي حلويات علاكه زغيرره كلش ماتجاوز 40 اوو 50 هسه بسوم راح جاب لخوانه علاكه تكفي عشيره ب15 الف.... الحمدلله ع كلشي
سووينه عشه وطبعا عشاهم دوم بسيط. وعلئ كدهم بس مرتاحين ودوم ضحك وسوالف بس دوم تخربها الجده حته لوو ماعدها شئ ماتحب الكناين يضحكن ويشاقن سوووه
رحت اجمع المواعين العشااا سمعت ابو جاسم وسجاد يحجوون
ابوو جاسم// والله سجاد مااعز عليك عندي بس30 الف اخذهن الك
سجاد// لا انطيني بس10 وخلي الباقي الك مصرف
ابوجاسم// منين ادبر يعني شسالفه
سجاد// اشوفلس شغله واخذ وياي منا خبز وتمن وشكر وربك يدبرها

معقووله خطيه كروه ماعدهم ضليت امشي سويت نفسي عادي صحت جميله

اني// جميله والله بصدفه هجي سمعتهم..........
جميله// اي خطيه دوم هجي ويشتغل هناك حمال اوو خباز اوو اي شغله يلكاها
اني// عفين بيني وبينح راح انطيج 250 وانطيهن اله
جميله// ههههه وراح يقبل هوو علئ اساس
اني// لا لا تكوليله مني حاووولي كولي اله ذني عندج ضامتهن شئ
جميله /// وج هوو يعرف بيه ماعندي
اني// فدووه حاولي
جميله /// خوووش خيه اشووف

انطيت المبلغ لجميله وانطيته اله وهوو مايعرف مني كالتله مال جيرانه ام مصطفئ ضامتهن عندي خاف ياخذهن زوجها منهن
خطيه قبل بيهن وفرح كلش
وكال الها // بس اشتغل ارجعهن قبل لاتطلبهن منج هيه
جميله// لا هيه كالت مااريدهن هسه كلش
سجاد// لا كلشي يصير وتتفاشلين وياها خطيه

قبل لايروح سجاد انطيت جميله ورقه وكتبت بيها غراض احتاجها مثل شامبووو اسم العطر مالتي المفضل صابوون غراض للمطبخ غراض لغرفتي وجه مخده وشرشف وهوواي اشياء. وانطيته فلووسهن وياهن وخطيه ماقبل ياخذ فلووس مني كلش لان عنده هوو عود250 بس جبرته واخذهن من جميله وطبعاا اني مااحجي وياه نهائيااااا... لان فعلاا ماعندي شئ بغرفتي وفارغه بس كنتور وبس افتحه تجيني الضربه من كل مكااان من علووووش

راح سجاد لبغداد واخذ وياه الورقه......
طلعوو الجهال العصريه للشارع يلعبووون كالعاده
وصار المغررب
اجووو الجهال بوووويه بووووويه الحك الحك
اندعم اندعمم

وراحووو ابو جاسم وابووو سعاد يتاركضووووون..
منووو الي اندعمم منوووو

يتبع
للحكايه بقيه