ريحانه بقلم الكاتبه ام زهراء الناشربارق العراقي

الجزءالخامس

#ريحانه_الجزءالخامس
#بقلم_الكاتبه_ام_زهراء.....
#من_بيج_قصص_عشق_لاينتهي
#الناشربارق_العراقي

اسمع صراخ وتكسر مواعين والناس كله بس تهدي وماكوو وهذا الي يكفر استغفرالله هذا الي يدعي عليه بالمووت
لحضه منوو هذا
اكيد طفل
بس لا لحضه هذا صوت رجال جبيررر
خفت كلش من الصريخ ضليت ابجي
محد يجي اليه ضليت ساده اذني.... مااعرف احد خايفه من الصريخ.. خايفه من الغرفه مفطره بيه جرابيع فوووك كل بريعص شكبرره يمكن عمره قرن
اباااوع للمرايه الي يمكن صار الها عشرين سنه محد منظفها
بعد الصراخ زاد العرك والتكسر
انعطر باب غرفتي واحد دفعه كلش كل قوووته
صررخت باعلئ صوتي
دخل عليه شاب وسكاني يلهث ويبجي كمزت علئ طولي وضليت اصرخ منووو هذا شتريد
انتي شتردين وشسوين بغرفتي طلعي يا وصخه
شنوووووو
هذا شاب ثلاثيني بس وصخ مو مرتب يحجي عبالك طفل يحجي عبالك مو صاحي
ضليت اصررخ منو انت اطلع
اجتني نفس لمره الي اخذتني مساع للغرفه عرفت اسمها جميله... لاتخافين ما يأذيج بس ابن رجلي اخذ منه العابه مالته وضل يصرخ لان ضاج
لعابه شنووو وهوو شكبره
طلعته من الغرفه بعد ماا ضحكت عليه وكالتله
جميله// حبيبي علووش تعال وياي. باجر نروح لسوك واجيبلك احلئ من هاي السياره
هاي وصخه وبيه كووخئ
علوووش// هئ هئ هئ راح يجبولي سياره وطلع فرحان ويضحك
اني// منو هذا واني ابجي
جميله// كعدتني وكعدت يمي هذا زوجج
اني// زوجي لااا فدوووه ارجوووج اخذيني منا
جميله//  لاتخافين ماياذي والله بس عقله طفووولي
ريحانه اسمج مووو
اني// اي
جميله// احمدي ربج انج مامتي وهنا راح تتعودي
وعلوووش مايأذي بس ضحكي عليه بكلمه يسكت ويفرح
اني// ليش هيج شكله يخووف ووصخ
جميله// اش لاتسمعج عمتي.. هو مايقبل يسبح
اني// ضليت ابجي

بقيت يومين هسه يووميه نفس الاسطوانه ونفس المشاكل والتكسر ماطلع من الغرفه اخاااف ولا اكدر اكل منظر الحشرات وابو بريص يقزز
اجت جميله جابتلي جنطه جبيره
اني// شنوو هاي
جميله هاي  من اخووج دزه الج وي رجلي ابوو جاسم
اني// منو اخووي اكيد حسن
جميله// لا كال علي
اني// ضليت ابجي شبكت الجنطه علئ الرغم هيه حديده وقماش بس بيه ريحه اخووتي
فتحت الجنطه وجميله يمي
جنطه جبيره مالت سفر
لكيت بيها ملابسي ولكيت بيها اغراض مال بيت عطوور وملابسي
لكيت جنطه زغيرره بيه كل ذهبي
لكيت بيه مبلغ مال جبير كلش
عمت عيني يااخوي ياعلي ضلمتك عبالي تذبحني بس لحمدلله كلبك بعده عليه
خليت غراضي بالجنطه لان ماكوو مكان اضمهن بيه
سمعت صراخ ماتطلع ست الحسن لو تريد احنه نخدمها انشاءالله
طلعت جميله تركض الها
وتهدي بيها
عمه بعدهي البني ماتعرف شئ وهيه مدلله ماتعرف حته تلزم المكناسه
منووو هاي وشتريد مني
طلعت هاي الام الجبيرره من كد جدتي اسمها ام شهاب كلشي بيدها. واولادها وراها مثل السيف
وضلت تتعالئ الاصوات خا تطلع تشتغل حالها حالكم زين منه ولفيناها ...  هيه مو رادت تنذبح مثل الخروف
سمعت كلامها ضليت ابجي بزياده
طلعت من الغرفه كتلها جده والله مامسويه شئ هم اغتصبووني وابجي واعيط
الجده/// خلص ماكوو حجي بعد شغلج حالج حالهم خووش لولا
اني// حاظر
بقيت افتر وراهن كلشي مااعرف
بين جبير وقديم يدخلن الغرفه ويطلعن من الغرفه ويدلن بيه ويعرفني ع البيت والغرف
وراح احجيلكم عائله ابووو شهاب هسه
هم طبعاا الجده عرفتوووها ام شهاب والجد متوفي قبل سنتين
ابووو جاسم الي تلكاني بالباب هوووو مزوج اثنين زوجته الاولئ خيريه الي هيه بنت عمه وعدها ولد اثنين و4 بنات
الثانيه جميله الي حجيتلكم عنها حبابه كلش هم طلعت نفس قصتي وحسب ماتكوول بريئه واخذووها للستر عدها اثنين ولد

الثاني ابووو سعاد متزوج زوجتها فاطمه وعدها بس اربع بنات
الشاب المريض  علووش الي غرفته اني كاعده بيه هسه
عدهم ولد ماشفته طالب كليه وغرفته مسدوده محد يدخل بيها....
بنت عدهم ارمله. ام احمد وعدها ولد اثنين وبنات 2
بتهم الثانيه جيرانهم كلش عدها بس بنيه وولد
اكيد تخربطتووو بس حتعرفوونهم بعدين اكيد
دخلتني خيريه للمطبخ
ضليت بس ابااوع عليه ماتخيلت هجي اصير اووو هجي اكوون
مطبخ قديم كلش ماكوو معلق ولا شئ
مجرد طباخ وكاونتر بسيط
مخلين جدوره عالغاز عبالك جدور طبخ عرس
البيت هوسه ماكووو صمت
طفل يبجي طفل يلعب طفل يكسر وهذا علووش المريض وياهم

بنت خيريه الجبيره منئ. وبنت سعاد طلعوو من عمري بنات حلووات بس العوز والفقر مبهذلهم...

ضليت وياهن وين مايرحن ادخل وياهن ويعلمن بيه ويعودني علئ كلشئ
صار اسبوع تعودت علئ البيت وكلساع تكب مشكله
الجده مره متعصبه كلش كلساع تدور علئ وحده بينه
كعدت وي سعاد ومنئ
اني// علووش شبيه هجي
سعاد// ولج هذا بعهد قبل طلع مضاهره. وي جماعته وسجنوهم وعذبوهم وكهرباء وفقد عقله
اني// ياااا خطيه
بس اني ماكنت اتقرب منه ابد ع الرغم مابيه اذيه بس الي يتحارش وياه يأذيه
رحت لغرفتي شفت العاب مشمره بكل مكان رحت لميتهم وخليتهم بالسله

وطلعت لبره اجيب المكنسه حته اكنس الغرفه
واسمعلك لصراخ منوو اخذ اغراضي
هاااا منووووو كولو هسه

ابن جميله// ذيج خذتهن ويأشر عليه
اني ماكنت منتبهه طبعااا والحووش محد بيه كلها تشتغل وملتهيه بالبيت
اجاني شخص من وره ضهري شمرني للكاع ضل يملش بشعري ضليت اصرخ محد يسمعني
صرخت كل قووتي هوو ضخم وطوويل صعد فوكاي بحيث كمت مااكدر اتنفس ولا اكد احجي ويضرب بيه بكل قوووته اجووو البيت كلهم فزعووو. عليه وبالكووه خلصوووني منه

دخلووني للصاله خشمي ينزف
ماكدر اتحرك شعري مكفش ويشربن بيه ماي البنات
كنت ابجي بكل قووتي
اوول مره هجي تصير بيه ... ياربي شنو ذنب الي سويته وهجي تجازيني

علووووش // هئ هئ اجه سجاد اجه سجاااد ويكمز ويركض فررحان
اني عضامي كلها تووجعني روح الله لايوفقك
جده// مو كنالج لاتلزمين غراضه
اني// لكيت الغرفه هوووسه
جده// بعد لاتسوينه
واذا سويتها بعد محد يساعدج ويشيلج منه ترئ
اني بووضعيه يرثئ لها وهاي تصرخ عليه ماترحم العجووزه
لو غيرهم هسه ركض للمستشفئ
دخلت للغرفه ابجي بدلت ثوونبي ورتبت شعري وردت اطلع سمعت صووت اول مره اسمع بيه والعالم كله فرحانه وتسلم وهذا الي يكوول هذا اليه وهذا الي يكوول اليه

هذا ابنهم ابو الكليه جاي من الاقسام مالته الي ببغداد وجايب لكل وحده شال ومختلف الالوام وطبعا كل وحده تريد لون الي يعجبها وكبت عدهن
ماطلعت بقيت جوووه ماردت يشوفني بهالحاله ويكوول هاي الي غتصبووها وجابوها النه
حضرووو الغده وماطلعت
الجده// ماتطلع ام المشاكل...
خيريه // عوفيها عمه اكيد خجلانه من سجاد
سجاد// منو قصدج يم
الجده// بعدين احجيلك يمه ارتاح..  وبعدين منين مستحيه هي هاي تعرف خجل صخام من وره عملتها وي اهلها لشيوخ الي نزلت راسهم بالكاع تنازلوو حته عن الشيخه بعد الفضيحه .. وحته شالوو لغير محافظه من وره العار ااي اجاهم

لحضه شنوو تحجي
منوو الي راح لغيررر محافظه
منو الي تنازل عن الشيخه ضليت ابجي واصرخ
كل هذا يصير بأهلي وين راحوو بعد وين اشووفهم بعد منووو اليه بهالدنيا يااربي
اهلي راحوو وين اه يايمه وينج ليش ماتجين لبنتج
ضليت ابجي لمن فقدت وعيي بهاي اللحضه تمنيت الموت صدك

للحكايه بقيه