نوفيلا أحببت صعيدي

الفصل السادس عشر

في شدة الظلام يستتر نورا خفيا ينتظر وقت الظهور والاشراق،، يوجد منا من تعرض لذلك الظلام حتي وجد نوره ومنا من ينتظر،،،، لكل ظلام نهاية فلا شيء يدوم........

انطلق الحاج فاروق ويونس ليتحققوا من الخبر وما ان وصلوا للمشفي حتي تأكدوا من وفاة علي بحادث القطار كانت صدمة شديدة عليهم رغم كل ما صدر منه ولكن الصدمة الكبري كانت لزينب  رغم  انها كانت قد قررت الطلاق منه ولكنها لم تتحمل الخبر  
الحاجه سعاد:اصبري يابتي الله يرحمه  قدره وعمره
زينب:مات ياما مات ياما مات من غير ما حتي يودع عياله
رقية:الله يرحمه يازينب اهدي ياحبيبتي عشان عيالك فوق مفطورين من العياط
يونس:اهله خدوه هيجهزوه للدفن عندهم يالا يازينب انتي وعيالك عشان تشوفيه قبل ما يدفن
رقية بهمس ليونس:بلاش الولاد يشوفوه انتو بتقولوا انه يعني اتشوه من الحادثة فحرام يعني دول لسه اطفال
يونس:ما احنا فعلا هنعملوا كده،  يالا اتصلي بخديجة تيجي هي وفاطمه عشان يروحوا لاختهم ويكونوا معاها ولما آدم يجي من الامتحان خليه يحصلنا
رقية:حاضر الي تشوفه ربنا يصبرها
زينب منهارة :الله يرحمك ويغفرلك ياعلي
رقية:سامحيه يازينب لو كنتي لسه شايله منه المسامح كريم
زينب:مسامحاه مسامحاك ياعلي ربنا يرحمك ياعلي

بعد اتصال رقية بفاطمة..
فاطمة:يالهوي انتي بتقولي ايه
احمد:في ايه يافاطمه؟
فاطمة:علي جوز اختي مات يااحمد في حادثة القطر ببتاعت الفجر، طيب يارقية احنا جايين علطول،، خلاص هروح علي بيت اهل علي واحمد كمان عشان الدفنه
رقية:ربنا يرحمه يارب 
احمد:لا اله الا الله ربنا يرحمه بس هو كان مسافر ليه وفين
فاطمة:مسافر لقدره ربنا يرحمه بقا  ويصبر زينب رقية بتقول حالتها صعبه قووووي

خديجة بعد مكالمة رقية تتصل بمنعم؛ ولكنه لا يجيب 
خديجة:يوووووه مبتردش ليه يامنعم اووف خلاص انا هلبس واروحله الشغل وخلاص ونروحوا من هناك مينفعش منروحوش...

ما ان وصلت مكان عمله حتي وجدته في مكتبه ولكن كانت بصحبته انثي وكان صوتهم عاليا سمعتهم خديجة قبل ان تدخل الغرفه....
منعم:انتي عايزة مني ايه قولتلك احنا زمايل في الشغل وخلاص
الفتاة:لا مش خلاص انت كنت بتلعب بيا انت مش جيت وقولتلي بحبك ولا كنت بتتسلي
منعم:دا كان قبل جوازي من مراتي ويخرب بيت اليوم  الاسود الي خلاكي تيجي تشتغلي معانا هنا
الفتاة:معقول نسيت حبنا نسيت كل حاجه انا تقي حبيبتك معقول تنساني كده وتقولي مراتي ما تطلقها ولا اقولك اتجوزني عليها وخلاص انا راضيه
منعم:انا مستحيل اعمل كده مستحيل اجرح مراتي انتي فاهمه
تقي:طب ونسيت المكالمه الي كلمتهاني من فترة وقولتلي فيها انك عايزنا نكون سوا لان مراتك بتعايرك بقلة الخلفة وانا قولتلك انا مش عايزة عيال انا بحبك انت وبس
منعم:كنت غلطان وخلاص كنت مخنوق شويه وخلاص
تقي:انا بقي هبعتلها المكالمه لاني سجلتها
منعم؛ هو انتي ملكيش اهل مش خايفه
تقي:اخاف ليه انت الي تخاف انت الي متجوز مش انا
منعم:انتي عايزة ايه دلوقت