*بسم الله الرحمن الرحيم*
*******************الحلقة الرابعة***************
بعد ان القي عدي بقنبلته بالجلسة نظر له الجميع بصدمة وقامت جميلة بأطلاق الزغاريط فأبتسم لها عدي ببلاهة ثم اعاد انظاره الي روح التي تطالعه بصدمة وغضب أنتبه الي حديث السيد مهران الذي هتف بتوتر واحراج :- احم .. والله انت فاجأتني بطلبك دة يابني .
عدي ببلاهة :- وانا كمان والله .
مهران بتعجب :- هااا !!
نكزه تيم بخفة فأنتبه الي حديثه قائلاً بجدية مصطنعة :- احم .. قصدي يعني اني اتفاجأت ان عندك بنت بالادب والاخلاق دي .
ابتسم مهران بفخر وهو لايدري عن جنون ابنته شئ ولكنه هتف بجدية قائلاً :- بس متأخذنيش يابني انت جاي من غير اهلك هما ميعرفوش ولا ايه .
عدي بأندفاع :- لا عارفين وموافقين بس دي قاعدة مبدائية كدة كدة والمرة الجاية هجيبهم ان شاءالله .
كاد مهران ان يجيبه ولكن هتتف السيدة جميلة قائلة بابتسامة واسعة :- تعالي ياابو روح عايزاك برة ثواني .
نظر اليها بأستفهام فغمزت له بخفة فنهض معها علي مضض حتي وصلوا الي الخارج فهتف مهران بتعجب :- ايه ياولية خلتيني اسيب الناس وقومت ليه .
جميلة بضيق :- ف ايه ياراجل دخلت ف الواد قافية كدة ليه .
مهران بأستغراب :- لا اله الا الله مش اعرف ايه دنيته ولا انا هرمي بنتي يعني .
جميلة بتبرم :- ياخويا مين قالك ترميها بس واحدة واحدة علي الواد مش كدة .
مهران بضيق :- يعني انتي عاوزة ايه دلوقتي ياست جميلة .
جميلة بحماس :- براحة ع الواد شكله بيحب البت خلينا نفرح بيها بقا ونجوزها .
مهران بتآثر مصطنع :- ياجميلة ياحبيبتي بنتك اتفه واهبل من انها تتجوز .
جميلة بتبرم :- والنبي علي رآيك اما طفشته مبقاش انا جميلة .
*********************************************
بالداخل كانت الحرب العاليمة مندلعة بينهم فكان الموقف كالآتي عدي يقف بتحفز وبجانبه تيم يمسك به حتي لا يتهور ويقتل روح التي هتفت بغضب :- متستفزنيش يابني انت ايه اللي انت عملته دة مين قالك اني عايزة اتجوزك .
عدي بأنفعال :- يعني انا اللي دايب ف غرام الكونتيسة روح .
روح بسخرية :- امال عايز تتجوزني ليه تخليص حق .
تدخل تيم قائلاً دون ان يفلت عدي من بين يديه :- خلاص ياعدي كفاية كدة .
عدي بغضب :- سيبني ياتيم انت مش سامع بتقول ايه .
تيم بأندفاع :- ياعم هي مجنونة هتعمل عقلك بعقلها برضه .
كادت روح ان توبخه ولكن هتفت كارما بغرور :- سبيلي انا الطالعة دي .. ثم نظرت الي تيم قائلة :- بقا انا صاحبتي مجنونة ياشعر عيرة يالون خميرة يارد الرد يامصطبة هد ياعصاية غلية تحت الكوم مرمية نهارك مدهون قطران ولمون ومصيبتك سودة محنية يادكر درفيل بتلات براميل وبيشموا بخمسة مراكبية اة ياعجل جموس ميشيلش فلوس والكيلو بنكلة مصدية ياترل الباص من غير ترباس ياعمر ياابن ام ذكية وهااااالللللووووووو ..
هتفت روخ بفخر وهي تصفق بيديها :- اووووووووه ..
That's My Girl ...
كان عدي وتيم يقفان ينظران الي كارما بدهشة فهتف تيم قائلاً :- بقا انا عمر ابن ام ذكية .. انا ماما اسمها ذكية ..
عدي بتعجب :- هو دة اللي لفت انتباهك ياض دي شلفطتك .
قبلت روح كارما علي وجنتيها قائلة بفخر :- تربيتي يابت .
عدي بأشمئزاز :- ومالك بتقوليها بفخر اوي كدة ليه دي تربية زبالة .
روح بغرور :- ماعشان كدة بقول تربيتي يعني انا هربي مدرسة لغة دينية .
انتبه عدي ان تيم يتحرك بأتجاه كارما فأنقلب الوضع وامسك به عدي فهتف قائلاً بغيظ :- سيبني ياعدي خليني اجيبها من شعرها .
عدي وهو يشدد عليه :- يابني متعملش عقلك بعقلهم انت هتاخد علي كلامها برضه .
تيم وهو يجز علي اسنانه :- دي شلفطتني ياعدي .
عدي بكذب :- ياجدع متقولش كدة مين الكداب اللي قالك كدة بس .
نظر له تيم بغرابة قائلاً :- أنت .
عدي بنفي كاذب :- كداب ف اصل وشي طبعاً .
استمعوا الي صوت خطوات قادمة الي الغرفة فجلسوا بأماكنهم سريعاً بأدب وابتسامة هادئة مصطنعة ترتسم علي وجههم دلف السيد مهران الي الغرفة وبجانبه السيدة جميلة وهي تحمل صينية المشروبات قائلة بحبور :- نورتونا ياجماعة والله منورين .
عدي وتيم بنفس واحد :- دة نورك ياطنط .
جلس السيد مهران بمقعده قائلاً :- بس قولي يابني هو انت شوفت روح فين وعرفتها ازاي .
عدي بتوتر :- ف حفلة الشركة ياعمي وبصراحة لاحظت انها انسانة خلوقة وكفاية انها بنتك ياعم مهران ..
روح بهمي ولكنه وصل الي مسامعه :- عبوشكلك والله لهطلعوا عليك اصتوبور .
نظر لها بغيظ فهتف تيم بأندفاع :- بصراحة ياعم مهران الانسة روح والانسة كارما اكتر حاجة ملفتة فيهم لسانهم .. نكزه عدي بخفة فهتف بأحراك :- هبلهم ..
عدي :- احم احم ..
تيم :- عبطهم ..
عدي :- احم احم ..
تيم بنبرة سريعة :- اخلاقهم ياعم مهران اخلاقهم والله .
ابتسم مهران بفخر وارتياح بينما الفتاتان نظروا لهم بتوعد فبادلوهم النظرات بآخر خائفة وعدي يرمق روح بحب ولكن يشوبه التوعد بأن القادم معه مختلف تماماً عما فات وانتهي ....
*********************************************
وصل عدي الي منزله وجد نيروز تجلس بالحديقة جلس بجانبها قائلاً بتساؤل :- قاعدة هادية كدة ليه اكيد وراكي مصيبة .
نيروز بحزن مصطنع :- لا حول الله يارب هو انا عاملة مشاكل ومقالب ابقا وحشة قاعدة هادية وكيوتة اهو برضه وحشة اقطع نفسي ياناس يعني .
عدي بذهول :- بس بس اقفلي البكبورت دة ياندابة .
نيروز بمكر :- انت قد كلمة ندابة دي يادودي .
نظر لها عدي ببراءة قائلاً :- هو انا قولت حاجة ياقلبي انتي بقا خلقك كييينيييزز اوي كدة ليه خليه استرتش .
نيروز بغرور طفولي لذيذ :- هااء .. ايوة كدة جيب ورا احبيب مامي .
نظر لها بغيظ ثم اندفع نحوها ولكنها ادركته سريعاً فهربت منه راكضة وهي تصرخ وهو يركض خلفها ويتوعدها وصلت الي الداخل وجدت والدها ووالدتها يجلسان ركضت نحوهم قائلة بصراخ :- الحقوني دودي هيموتني .
جلست بجانب والدها تحتمي به بينما ابتسم هو علي افعال ابنته الطفولية ثم آتي صوت عدي من بعيد قائلاً بغضب :- والله ماهسيبك النهاردة ياغلطة حياتي .
وصل اليهم فوجد والده خفف من خطواته ووقف امامه قائلاً بأدب :- احم حمدالله علي سلامتك يابابا .. جيت امتي .
غيث بابتسامة هادئة :- الله يسلمك ياحبيبي لسة واصل من شوية انت كنت فين كل دة .
تنحنح عدي بتوتر فها هي قد آتت اللحظة التي يخشاها جلس بحانب والده الذي يرمقه بمكر لايعلم سبيه وهتف قائلاً بهدوء :- كنت ف مشوار يابابا وبصراحة كدة عايز اتكلم معاكم ف موضوع .
نظروا له جميعاً بأنتباه فهتف هو بثبات :- طبعاً يابابا اكيد حضرتك بتثق فيا وف قراراتي .. صمت قليلاً ثم أخذ نفساً عميقاً قائلاً بهدوء :- انا قررت اخطب ودة طبعاً بعد موافقتكم .
صفقت نيروز بمرح بينما احتضنته والدته قائلة بسعادة :- بجد ياحبيبي الف مبروك بس قولي هي مين وتعرفها ازاي واحنا نعرفها ولا لا .
عدي وهو ينظر الي والده بتوجس :- ايوة تعرفوها هي روح بنت عم مهران .
مرام بفرحة :- روح بنت جميلة !! انا فعلاً بحب البنت دي اوي ياعدي .
غيث بوجه خالي من التعبير :- روح بنت مهران اللي شغال عندي ف الشركة .
نظر له عدي بتعجب فوالده للمرة الاولي التي بتحدث بها بهذا الاسلوب عند احد ولكنه هتف قائلاً بهدوء :- ايوة يابابا بس حضرتك عارف عم مهران كويس دة غير ماما تعرف طنط جميلة وروح كمان مفيش منها صدقني مش هلاقي زيها .
غيث بخبث :- مش هتلاقي زيها ف طول اللسان صح .
عدي بصدمة :- هاا !! هو حضرتك عارف !!
غيث بضحكة خبيثة :- طبعاً عارف امال فكرك اني مش واخد بالي من لفك وراها ف كل حتة بعد مااكلتها بعينك ف حفلة الشركة بس هي مش معبراك ..
عدي بأحراج :- بصراحة هي مطلعة عيني .. اكمل حديثه بلهفة قائلاً :- بس انا برضه عاوز اتجوزها وهخليها تحبني هي مجنونة وهتجنني معاها بس انا واثق انها هتحبني ..
مرام بحب :- انت بتحبها ياعدي ..
عدي بعشق :- بحبها دي كلمة قليلة انا مفيش واحدة عملت فيا ربع عمايلها السودة بس برضه بلاقي نفسي لسة بحبها وحبها بيزيد .
نهض السيد غيث قائلاً بجدية :- شوف تحب نروح نخطبها امتي وانا موافق .
احتضنه عدي بسعادة وهو يدعوا الله ان تكتمل فرحته علي خير بموافقة روح ولا تقوم بأي تصرف جنوني من اعمالها فهو يعرفها جيداً ويعرف انها لن تمرر هذه الزيجة بسلام ......
*********************************************
في صباح اليوم التالي وقفت روح علي اول طريق مدرستها بالمكان الذي ينتظرها به عدي كل يوم كانت تعقد ذراعيها بغيظ من احداث البارحة وعندما وجدت ان الشمس قد اشرقت خرجت من المنزل سريعاً حتي تراه وتخرج به طاقتها الغاضبة وصل عدي بميعاده وجدها واقفة وعلي مايبدوا من نظراتها انها تنتظره وقف امامها قائلاً بأستغراب :- ايه ياروح اللي موقفك كدة وجاية بدري ليه لسة فاضل نص ساعة علي الطابور .
روح بسخرية :- دة انت حافظ مواعيدي اكتر مني بقا .
عدي بحنو وأعين لامعة :- طبعاً انا معنديش أغلي منك عشان احفظ مواعيده .
روح بسخرية :- انت فاكر هتقدر تضحك عليا بالكلمتين دول انا عارفاك علي حقيقتك كويس .
عدي بصدمة :- اضحك عليكي ليه وحقيقة ايه اللي انتي عارفاها .
تجاهلت صدمته وهتفت قائلة بأنفعال :- بص بقا انت تروح ل بابا وتقوله انك غيرت رأيك ومش عاوزني .
عدي بحب :- بس انا عاوزك وبحبك ليه مش مصدقة .
روح بعناد :- بس انا مش عاوزاك ويستحيل ابقا ليك .
استشاط عدي غضباً وقرر انه سيعود الي عناده هو الاخر معها مجدداً فروح لا تلين ابداً سيظل بهذا العند معها حتي تصبح زوجته ومن بعدها سيعلمها فنون العشق بطريقته الخاصة وكم سيكون سعيد بذلك اقترب منها سريعاً واطبق علي ذراعيها قائلاً بتملك :- ماهو انتي هتبقي ليا بمزاجك ولو محبتيش دة هحرق وشك بمياة نار ومش هتلاقي حد يبصلك غيري وانا برضه اللي هتجوزك فتعالي يابنت الناس نلم الشمل بما يرضي الله .. يلا ع المدرسة يلا متنحيش كدة ..
تركها ورحل واقفة مكانها بصدمة تتابع خياله الراحل وهي لاتستوعب حديثه ولكنها هتفت قائلة بتوعد :- والله ياعدي لهطلع كل دة عليك استني عليا بس .........
**********************يتبع********************
