رواية "جزء من الذاكرة " باللهجة الليبية 💖

رواية "جزء من الذاكرة "

ف مكان ثاني**
محمد:احمممممد ويييين سرحان !
احمد: خيرك الزح خلعتني
محمد: مش منك لأخذت عقلك ومشت💁‍♂️
احمد: من هيا؟؟😂😂
محمد: دير روحك أطرش،هي شن بتمشي للكورة اليوم؟
احمد: مش عارف تو نقولك لو بنمشي.
محمد: تم ياحبيب
احمد: هي اوينه برو
((لملمت أشيائي جميعها لمدينة لم أتخيل نفسي ان أزورها حتى .. فما أجمل هذه الصدفة تتركني معلق بقلب فتاة من اول نظرة))
________
عند ذكرى **
انا: ماماا انا وصلت .
سعاد: تعالي انا هنا مع خالتك حنان .
انا: اوو شكله في حمار بيموت .
حنان: من وييين تعلمتي اللسان ياقردة.
انا: هههه 😅
حنان: تي ويين مغيبة لا تتصلي ولا شيء .
انا: والله استاحشتك حنوو
حنان: باين عليكك هلبا
انا: اتفوو اسمعي متقوليش بتروحي ؟
حنان: انا قعدة معاكم لين تفدي مني
اناوين تلقيني عاد من الفرحه مش مصدقة
حنان: 😍
انا: معناها اليوم سهرية
حنان: عندك مدرسة غدوة سهرية عينك
انا: اوو فكرتيني عندي امتحان 💔
حنان: امتحان شن ؟؟
انا :امتحان رياضيات حليلي
حنان: بري طيري أقري ، بعد ماتكملي تو نهدرزوا.

                   * * *
سعاد: اعطيها غير شن تهدرز
حنان: عادي خليها تهدرز ع خالتها ،كلهم هكا
سعاد: لاهدي بالزايد.
حنان: خيرك تعقدي في البنت !
سعاد: ______
حنان: انتي وراك حاجه ....!!
((مالقيت الا روحي ف لحظه منهارة بالدموع في حضن حنان اختي ))
حنان: خلاص اهدي ،واحكيلي بالشوية .
سعاد: على سالم ياحنان سااالم.
حنان: خيره سالم صارله حاجه؟؟
سعاد: خايفة من كل شيء
حنان: احكي خوفتيني من شن خايفة
سعاد: خايفة يكون تزوج عليا
حنان: شن تقولي، تي قصدي عشرة عمر انتم ره
سعاد: بالله من هو لبيقعد على بنت وحدة ايام هدي
حنان: اس خلاص امسحي دموعك، قولي مستاحشاته، مش بيتزوج عليا هههه
سعاد:ههههه
((لا اعرف ان كانت هذه الدموع ،دموع الالم ام دموع الشوق والحنين))
بقلم سعاد:نعرفكم على اختي حنان"
حنان اختي الصغيرة مواليد 92 حنينة وحساسة مع كل فارق العمر بيني وبينا لكن تفهم فيا من قبل ما نتكلم.. ما فيش احلى من شعور عندك اخت كأنها صديقتك وامك
                           🖤 🖤🖤
""افضل صديقة لي هي أختي الغالية ،أستطيع ان أخبرها ما في داخلي دون اي خجل ،هي الوحيدة التي لاتفارقني، قد يتركنا الاحباب و يجرحنا فراقهم
ولا نستطيع البوح لهم بما نواجهه .. ""
______
صدقوني احلى شعور  تكون عندك اخت تفهم وتحس بيك زي اخت سعاد ((حنان)) الاخت نعمة لايحس بها الا من فقدها 💔
____________
نرجعوا عند ذكرى *
( س^2 _9 ) =( س+ 3)  (س _3)
تي كيف جت هدي، مش معقولة بندير كورس حتى في رياضيات، هدا انا قعدة موصلتش شهادة وهكا ملا كان نوصل كيف ؟؟
**********091
رصيدك غير كافي الرجاء إعادة التعبئة
اوووف مش وقته بكل
ماااما ماااماا
ماما: خيرك تعيطي ؟
انا: نبي تلفونك شوية
ماما: هو هدا تكملي الرصيد نقتلك
انا: حتى انا مش معطلة خمسة دقائق بس
ماما: مافهمتش تقول عليك مش معاهم في المدرسة
انا: بنسألها على سؤال بس

"اكيدة عندكم منه العرض كل الأمهات هكا ربي يحفظهم وخلاص😘"
                    * * *
عند ذكرى ورنا:_
انا: الووو! شن الجو رنوشا
رنا: اهلا اهلا مليحه شن جوك انت ،شن صار مشيتي للحصة اليوم مع جهينة؟؟
انا: ايييه مشيت .
رنا: احكي من الاول شن صار؟،
انا: تو نحكيلك في المدرسة ،غير اسمعي افتحي الكتاب صفحة 104.....
((طبعا رنا ماتبي شيء يفوتها 😅))
نعرفكم على رنا **
رنا بنت طيبة وحبابة الناس كلها تحبها ؛جميع الصفات فيها: علم ،أدب؛ شطارة، أخلاق، جمال، من نعم الصديقة.
________
كملت القراية وقعدت نهدرز انا وخالتي حنان قداش لينا ماشفناش بعض .. وعارفيني منقدرش نصبر دقيقة وانا جعانه 😁 نضنا درنا اكل خفيف على السريع ، لعند ما جت ساعه 1:00ص لقيت روحي خاشة في سبات عميق 😪😴

*نامت بطلتنا ذكرى ولا تعرف ماذا تخبي لها الايام
كالطفلة التي لاتعرف معنى الحزن سوى انها فقدت دميتها **

يتبع....
للكاتبة:الاء العجيلي
مزيد من الحلقات الممتعه والمشوقة تنتظرنا💕
تفاعلوا مع رواية وأعطوني رأيكم عادي نتقبل النقد 😍